Raksha Bandhan : અક્ષય કુમારની ફિલ્મ ‘રક્ષાબંધન’ના વિવાદમાં કંગના રનૌતે કહ્યું લેખિકા કનિકા હિન્દુ વિરોધી છે

બોલિવૂડ એક્ટર આમિર ખાનની ફિલ્મ ‘લાલ સિંહ ચઢ્ઢા’ લાંબા સમયથી બોયકોટનો સામનો કરી રહી છે અને હવે લોકો આમિર સાથેની અક્ષય કુમારની (Akshay Kumar) ફિલ્મ ‘રક્ષા બંધન’ (Raksha Bandhan) વિરુદ્ધ પણ સોશિયલ મીડિયા પર ટ્રેન્ડ શરૂ કર્યો છે. ટ્વિટર પર અક્ષય કુમારની ફિલ્મ ‘રક્ષાબંધન’નો જોરદાર વિરોધ થઈ રહ્યો છે. ખરેખર ‘રક્ષાબંધન’ લેખિકા કનિકા ઢિલ્લોનની કેટલીક જૂની ટ્વિટ્સ હવે સોશિયલ મીડિયા પર વાયરલ થઈ રહી છે, જેને લોકોએ હિન્દુ વિરોધી ગણાવી છે અને હવે આ વાયરલ ટ્વિટ્સ પર બોલિવૂડ એક્ટ્રેસ કંગના રનૌતની પ્રતિક્રિયા સામે આવી છે.

કંગના રનૌતે કહી આ વાત

કંગના રનૌત બોલિવૂડના દરેક મુદ્દા પર પોતાનો અભિપ્રાય આપે છે અને એકટ્રેસે બોયકોટ ‘રક્ષાબંધન’ પર એક પોસ્ટ પણ શેર કરી છે, જેમાં કંગના રનૌતે ‘રક્ષાબંધન’ની રાઈટર પર નિશાન સાધ્યું છે અને તેના ટ્વિટને હિન્દુ વિરોધી ગણાવ્યું છે. કંગનાએ તેની ઈન્સ્ટાગ્રામ સ્ટોરી પર કનિકા સાથે જોડાયેલી એક વાયરલ પોસ્ટ શેર કરી છે, જેના પર એક્ટ્રેસે લખ્યું છે કે, ‘હાહા, તેને આર્થિક નુકસાન સિવાય બીજું કંઈ નથી… માત્ર આર્થિક નુકસાનનો ડર જ તેના હિંદુ ફોબિયા અને ભારત વિરોધી ટ્વિટ ડિલીટ કરાવી શકે છે. બીજું કંઈ નહીં.’

શું છે સમગ્ર વિવાદ?

અક્ષય કુમારની આ ફિલ્મ લેખિકા કનિકા ઢિલ્લોને લખી છે. સોશિયલ મીડિયા પર કનિકાની હિંદુફોબિક ટ્વીટ સામે આવી છે, જેના પછી તમામ વિવાદ ઉભો થયો છે. લેખિકાએ પોતાના અનેક ટ્વિટમાં ભાજપ અને પીએમ નરેન્દ્ર મોદી પર નિશાન સાધ્યું છે. એક મીડિયા રિપોર્ટ મુજબ કનિકાએ પોતાની ઘણી જૂની ટ્વિટ ડિલીટ કરી દીધી છે કારણ કે તે ટ્વિટ હિંદુ વિરોધી હતી, જેના પર લોકોએ પોતાનો ગુસ્સો પણ વ્યક્ત કર્યો છે. ઘણા લોકોએ દાવો કર્યો હતો કે કનિકાએ વારંવાર હિંદુ માન્યતાઓ અને ધાર્મિક લાગણીઓ પર હુમલો કર્યો છે, તેથી તેની ફિલ્મને બોયકોટ કરવી જોઈએ.

અહીં જુઓ ટ્વિટ

ક્યારે આવી રહી છે ફિલ્મ?

અક્ષય કુમારની ફિલ્મ ‘રક્ષાબંધન’ 11 ઓગસ્ટે થિયેટરો રિલીઝ થઈ રહી છે. આનંદ એલ રાય દ્વારા નિર્દેશિત આ ફિલ્મ એક ભાઈ અને ચાર બહેનોની વાર્તા છે. ફિલ્મમાં અક્ષય કુમાર અને ભૂમિ પેડનેકરની જોડી જોવા મળશે. પરંતુ આ ફિલ્મ બોક્સ ઓફિસ પર ‘લાલ સિંહ ચઢ્ઢા’ સામે ટકરાશે. આમિર ખાનની આ ફિલ્મ પણ 11 ઓગસ્ટે થિયેટરો રિલીઝ થઈ રહી છે.