Indian Film Korean Remake : આ ઈન્ડિયન ફિલ્મની કોરિયામાં બનશે રિમેક, કાન્સ ફિલ્મ ફેસ્ટિવલમાં કરવામાં આવી જાહેરાત
Indian Film Korean Remake : એક લોકપ્રિય ઈન્ડિયન ફિલ્મ કોરિયન ભાષામાં રીમેક કરવામાં આવશે. કાન્સ ફિલ્મ ફેસ્ટવલમાં તેની જાહેરાત કરવામાં આવી છે. આવો તમને જણાવીએ કે તે કઈ ફિલ્મ છે.
Drishyam Korean Remake : છેલ્લા કેટલાક વર્ષોમાં રિમેક શબ્દ એકદમ સામાન્ય બની ગયો છે. બોલિવૂડમાં ઘણી સાઉથ ફિલ્મોની રિમેક બની છે, જેમાંથી કેટલીક ખૂબ જ સફળ રહી હતી અને કેટલીક ખરાબ રીતે ફ્લોપ થઈ હતી. હવે કોરિયામાં એક ભારતીય ફિલ્મનું રિમેક બનવા જઈ રહ્યું છે. આ દિવસોમાં કાન્સ ફિલ્મ ફેસ્ટિવલ પૂરજોશમાં ચાલી રહ્યો છે, આ ફિલ્મ ફેસ્ટિવલમાં ફિલ્મની જાહેરાત કરવામાં આવી છે..
આ પણ વાંચો : હજી Drishyam 2 જોઈ નથી, તો આ દિવસે OTT પર અજય દેવગનની ફિલ્મ જુઓ
જે ફિલ્મ કોરિયન ભાષામાં રીમેક કરવામાં આવશે તે સાઉથ સુપરસ્ટાર મોહનલાલની લોકપ્રિય મલયાલમ ફ્રેન્ચાઇઝી દ્રશ્યમ છે. આ ફિલ્મની વાર્તા સૌને ગમી છે. આ ફિલ્મે બોક્સ ઓફિસ પર પણ જોરદાર કમાણી કરી હતી. તેની રિમેક હિન્દીમાં પણ બની છે, જેમાં અજય દેવગન જોવા મળ્યો હતો. હવે કોરિયન ભાષામાં આ મલયાલમ ફિલ્મની ઓફિશિયલ રિમેક બનશે.
BIGGG NEWS… ‘DRISHYAM’ TO BE REMADE IN KOREAN LANGUAGE: PANORAMA STUDIOS – ANTHOLOGY STUDIOS MAKE OFFICIAL ANNOUNCEMENT AT CANNES… #KumarMangatPathak’s #PanoramaStudios and #AnthologyStudios announce a partnership for the remake of #Drishyam franchise in #Korea.
The official… pic.twitter.com/1kw8eRaAN6
— taran adarsh (@taran_adarsh) May 21, 2023
કાન્સ ફિલ્મ ફેસ્ટિવલમાં જાહેરાત
ઈન્ડિયન પ્રોડક્શન હાઉસ પનોરમા સ્ટુડિયો અને સાઉથ કોરિયન પ્રોડક્શન કંપની એન્થોલોજી સ્ટુડિયોએ કોરિયનમાં દ્રશ્યમને રિમેક કરવા માટે ભાગીદારી કરી છે. બંને કંપનીઓ વચ્ચેની આ ભાગીદારી સિનેમાના સૌથી મોટા ફિલ્મ ફેસ્ટિવલ કાન્સ ફિલ્મ ફેસ્ટિવલમાં થઈ હતી. આ નિર્ણય 21 મે, રવિવારના રોજ લેવામાં આવ્યો છે. આગામી સમયમાં કોરિયન દર્શકોને પણ દ્રશ્યમની અદ્ભુત વાર્તા જોવા મળશે. તમને જણાવી દઈએ કે આ એક ક્રાઈમ થ્રિલર ફિલ્મ છે.
ઈન્ડિયન-સાઉથ કોરિયન સ્ટુડિયો વચ્ચે પ્રથમ સહયોગ
આ પહેલીવાર છે જ્યારે ઈન્ડિયન-સાઉથ કોરિયન સ્ટુડિયો એક સાથે આવ્યા છે. બંને દેશોના પ્રોડક્શન હાઉસ વચ્ચે આ પહેલો સહયોગ છે. સાથે જ આ પણ પ્રથમ વખત બનવા જઈ રહ્યું છે જ્યારે કોઈ ભારતીય ફિલ્મની ઓફિશિયલ રિમેક કોરિયન ભાષામાં બનાવવામાં આવશે.
તમને જણાવી દઈએ કે આ બીજી વખત બનવા જઈ રહ્યું છે જ્યારે દ્રશ્યમને આંતરરાષ્ટ્રીય ભાષામાં રીમેક કરવામાં આવશે. અગાઉ આ ફિલ્મની રીમેક ચાઈનીઝમાં પણ બની છે. આ ફિલ્મની રિમેક ચીનમાં Sheep Without a Shepherdના નામથી બની હતી. હવે જોવાનું એ રહેશે કે કોરિયામાં આ ફિલ્મ ક્યા ટાઇટલ સાથે બને છે અને ફિલ્મ ક્યારે રિલીઝ થાય છે.
એન્ટરટેઇન્મેન્ટના તમામ સમાચાર વાંચવા માટે અહીં ક્લિક કરો
