દીપિકા પાદુકોણના ફેન્સ માટે ચિંતાના સમાચાર, અભિનેત્રીને મોડી રાત્રે હોસ્પિટલમાં દાખલ કરવામાં આવી

દીપિકા પાદુકોણ (Deepika Padukone) બોલિવૂડની તે સુંદર અભિનેત્રીઓમાંથી એક છે, જેની દરેક એક્ટિવિટી પર ફેન્સ નજર રાખે છે. તાજેતરમાં, તેની બગડતી તબિયતના સમાચારે તેના ચાહકોને પરેશાન કરી દીધા છે. બોલિવૂડ અભિનેત્રી દીપિકા પાદુકોણને 26 સપ્ટેમ્બરની મોડી રાત્રે અચાનક હોસ્પિટલમાં દાખલ કરવામાં આવી છે. અહેવાલો અનુસાર નર્વસનેસની ફરિયાદ બાદ અભિનેત્રીને તાત્કાલિક હોસ્પિટલમાં દાખલ કરવામાં આવી હતી. જો કે તેની સાથે આ પહેલા પણ આવું બન્યું છે, તેથી ફેન્સ પણ અભિનેત્રીના સ્વાસ્થ્યને લઈને ચિંતિત છે. રિપોર્ટ્સ અનુસાર તે અત્યારે સારું અનુભવી રહી છે.

પિંકવિલાના અહેવાલ મુજબ દીપિકાની ટીમે હજુ સુધી આ સમાચારની સત્તાવાર પુષ્ટિ કરી નથી, પરંતુ હાલમાં તેની તબિયત સારી છે. એવું કહેવામાં આવી રહ્યું છે કે અભિનેત્રીએ હોસ્પિટલમાં તેના લગભગ તમામ ટેસ્ટ કરાવ્યા, જેમાં તેને અડધો દિવસ નીકળી ગયો.

ફેન્સ કરી રહ્યા છે પ્રાર્થના

દીપિકાનું નામ બોલિવૂડની એ અભિનેત્રીઓમાં આવે છે, જેમને જોવા માટે લોકો રાહ જ જોતા હોય છે. અભિનેત્રી સોશિયલ મીડિયા પર પણ ખૂબ જ સક્રિય છે અને હંમેશા કોઈને કોઈ કારણસર ચર્ચામાં રહે છે. તેમના સ્વાસ્થ્યના સમાચાર સાંભળ્યા પછી તેમના પ્રિય ચાહકો તેમના સારા સ્વાસ્થ્ય અપડેટ્સ જાણવા માટે રાહ જોઈ રહ્યા છે. તેમજ સારા સ્વાસ્થ્ય માટે પ્રાર્થના કરી હતી.

આ પ્રોજેક્ટ્સ પર કામ કરી રહી છે અભિનેત્રી

વર્ક ફ્રન્ટની વાત કરીએ તો દીપિકા પાદુકોણ છેલ્લે ફિલ્મ ‘ગેહરૈયાં’માં જોવા મળી હતી. આ ફિલ્મમાં ચંકી પાંડેની પુત્રી અનન્યા પાંડે અને સિદ્ધાંત ચતુર્વેદી પણ મહત્વની ભૂમિકામાં હતા. આજકાલ અભિનેત્રી પાસે ઘણા પ્રોજેક્ટ છે જેના પર તે કામ કરી રહી છે. તે ટૂંક સમયમાં શાહરૂખ ખાન સાથે ફિલ્મ ‘પઠાણ’ અને રિતિક રોશન સાથે ફિલ્મ ‘ફાઈટર’માં જોવા મળશે. આ સિવાય તે અમિતાભ બચ્ચન સાથે હોલીવુડ ફિલ્મ ‘ધ ઈન્ટર્ન’ની હિન્દી રિમેકમાં પણ લીડ રોલમાં જોવા મળશે.