ક્રિકેટ બાદ આ ઈન્ડસ્ટ્રીમાં નવી ઈનિંગ શરૂ કરશે મહેન્દ્રસિંહ ધોની, જાણો વિગત

પૂર્વ ભારતીય કેપ્ટન મહેન્દ્રસિંહ ધોનીની કંપની ‘ધોની એન્ટરટેઈનમેન્ટે’ ગયા વર્ષે એક ડોક્યુમેન્ટ્રીને પ્રોડ્યુસ કરી હતી અને એન્ટરટેઈમેન્ટ ઈન્ડસ્ટ્રીઝમાં પગ મુક્યો હતો. હવે તેમની કંપની વિજ્ઞાન પર આધારિત એક પૌરાણિક વેબ સિરીઝ બનાવવા જઈ રહી છે. તેમની કંપનીએ 2019માં પોતાની પ્રથમ ડોક્યુમેન્ટ્રી ‘રોર ઓફ ધ લાયન’ સીરીઝનું નિર્માણ કર્યુ. તેને કબીર ખાને નિર્દેશિત કરી હતી. તમને જણાવી દઈએ કે વિશ્વ કપ વિજેતા કેપ્ટને 15 ઓગસ્ટે આંતરરાષ્ટ્રીય ક્રિકેટમાંથી સંન્યાસ લીધો હતો.

ધોની એન્ટરટેઈનમેન્ટ હવે એક એવી સીરીઝનું નિર્માણ કરશે, જે એક લેખકની એક અપ્રકાશિત પુસ્તકનું રૂપાંતરણ છે. આ વિશે ક્રિકેટરની પત્ની સાક્ષી ધોની, જે પ્રોડક્શન હાઉસની મેનેજર છે તેમને કહ્યું કે સીરીઝ એક રોમાંચકારી સાહસિક છે. પુસ્તક એક પૌરાણિક વિજ્ઞાન-ફાઈ છે. જે એક રહસ્યમય અઘોરી યાત્રાની શોધ કરે છે. જે એક એકાંત દ્વીપ પર હાઈ-ટેક સુવિધાઓની સાથે રહે છે. આ અઘોરીના બતાવેલા રહસ્ય પ્રાચીન અને પાઠ્યક્રમના વિશ્વાસોને બદલી શકે છે.

સાક્ષીએ વધુમાં કહ્યું કે અમે એ સુનિશ્ચિત કરવા ઈચ્છીએ છે કે અમે આ બ્રહ્માંડના તમામ પાસાઓને જોઈએ, અમારો પ્રયત્ન રહેશે કે આ સીરીઝમાં જેટલુ શક્ય હોય તેટલુ સટીક રીતે અમે સ્ક્રીન પર ઉતારીએ. આ સીરીઝને માટે કાસ્ટને જલ્દી જ ફાઈનલ કરી લેવામાં આવશે.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો