Breaking News : ફરી મુસીબતમાં ફસાયો પલાશ મુછલ, ક્રિકેટરના મિત્રએ કેસ દાખલ કર્યો
Palash Muchhal Legal Case : સ્મૃતિ મંધાનાના ભૂતપૂર્વ મંગેતર પલાશ મુછલ કાનૂની મુશ્કેલીનો સામનો કરી રહ્યા હોવાના રિપોર્ટ છે. સાંગલીમાં તેમની વિરુદ્ધ ફરિયાદ દાખલ કરવામાં આવી છે. જાણો શું છે આખો મામલો.
સ્મૃતિ મંધાનાના ભૂતપૂર્વ મંગેતર પલાશ મુછલ ફરી એક વખત કાનુની મુશ્કેલીમાં ફસાયો છે. આ વખતે મામલો સ્મૃતિ મંધાના સાથે જોડાયેલો નથી પરંતુ તેના મિત્રોનું કારણ છે. આ મામલો વધારે ગંભીર બતાવવામાં આવી રહ્યો છે. તો ચાલો જાણીએ કે, કેમ પલાશ મુચ્છલ વિરુદ્ધ ફરિયાદ દાખલ કરવામાં આવી છે.મીડિયા સાથે વાત કરતા વિજ્ઞાન માનેએ કહ્યું, ‘તેઓએ મને કહ્યું હતું કે ફિલ્મ 6 મહિનામાં પૂર્ણ થશે, પરંતુ એવું થયું નહીં.’
કોણે કર્યો કેસ?
રિપોર્ટ મુજબ પલાશ મુછાલ પર અનુસુચિત જાતિ અને જનજાતિ અધિનિયમ હેઠળ ગુનો નોંધવામાં આવ્યો છે. આ ફરિયાદ સાંગલીના રહેવાસી વિજ્ઞાન પ્રકાશ માને દ્વારા દાખલ કરવામાં આવી હતી, જે સ્મૃતિ મંધાના બાળપણના મિત્ર હોવાનું કહેવાય છે.
ફરિયાદ અનુસાર આ ઘટના 22 નવેમ્બરના રોજ સાંગલી અષ્ટા રોડ પર એક ટોલ પ્લાઝા પર થઈ હતી. માનનો આરોપ છે કે,બોલચાલ દરમિયાન પલાશ મુછલે જાતિને લઈ આપત્તિજનક ટિપ્પણી કરી હતી. પોલિસે એસસી,એસટી એકટની કલમ 3 (1)ની સાથે સાથે અન્ય કલમો હેઠળ ગુનો નોંધવામાં આવ્યો છે. હાલમાં સમગ્ર મામલાની તપાસ ચાલી રહી છે.
પૈસાને લઈ વિવાદ
રિપોર્ટ અનુસાર આ મામલો પૈસાની લેવડ દેવડ સાથે જોડાયેલો છે. પોલીસનું કહેવું છે કે, પલાશ મુછલે એક ફિલ્મ પ્રોજેક્ટ માટે વિજ્ઞાન માન પાસે 25 લાખ રુપિયા લીધા હતા. ત્યારબાદ માને પૈસા પરત માંગતા આ વિવાદ ઉભો થયો છે.
સ્મૃતિ મંધાના સાથે કનેક્શન
આ મામલો સામે આવ્યા બાદ પલાશ મુછાલ અને સ્મૃતિ મંધાનાના જુના સંબંધોની ચર્ચા ચાલી રહી છે. બંન્નેની પહેલા સગાઈ થઈ ચૂકી હતી. નવેમ્બર 2025ના રોજ સાંગલીમાં લગ્ન થવાના હતા. પરંતુ ત્યારબાદ લગ્ન રદ થયા હતા. બંન્નેએ સોશિયલ મીડિયા પર અલગ થવાની જાણકારી આપી હતી. બંન્નેનું અલગ થવાનું કારણ હજુ સાર્વજનિક બહાર આવ્યું નથી.
પોલીસ અધિકારીઓએ પુષ્ટિ આપી છે કે ,કેસ નોંધવામાં આવ્યો છે અને તપાસ ચાલી રહી છે. હાલમાં કોઈ વધુ સત્તાવાર માહિતી જાહેર કરવામાં આવી નથી. જેમ જેમ કેસ આગળ વધશે તેમ તેમ કાનૂની પ્રક્રિયા પર નજર રાખવામાં આવશે.
