Breaking News : કંગના રનૌત એક્સ બોયફ્રેન્ડ ઋતિક રોશન પર ગુસ્સે થઈ, ગર્લફ્રેન્ડ સબા આઝાદને પણ વચ્ચે લીધી
કંગના રનૌતે ઋતિક રોશન પર વળતો પ્રહાર કર્યો છે, અને તેની ગર્લફ્રેન્ડ સબા આઝાદને પણ આ વિવાદમાં વચ્ચે લાવી છે. ઋતિકે તાજેતરમાં જ 2016 માં કંગના સાથેની તેની કાનૂની લડાઈમાંથી ટ્રેન્ડ થયેલ"સોરી ઋતિક" પર પ્રતિક્રિયા આપી હતી.
અભિનેત્રી અને ભાજપની સાંસદ કંગના રનૌતે સોશિયલ મીડિયા પર વાયરલ થઈ રહેલા ટ્રેડ અમારે ઋતિક રોશનની માફી માંગવી જોઈએ પર અભિનેતાએ હાલમાં પ્રતિક્રિયા આપી હતી. ઋતિક રોશનના રિએક્શન પર કંગના રનૌત ગુસ્સે થઈ હતી. તેને જવાબ આપતા વચ્ચે ગર્લફ્રેન્ડ સબા આઝાદનું પણ નામ લીધું છે. તમને જણાવી દઈએ કે, આ સોશિયલ મીડિયા ટ્રેડ વર્ષ 2016માં ઋતિક અને કંગના વચ્ચે કાનુની વિવાદ સાથે જોડાયેલો છે. જે ખુબ ચર્ચામાં રહ્યો હતો. કંગનાએ ઋતિક રોશનની ગર્લફ્રેન્ડ સબા આઝાદનું નામ લેતા કહ્યું કે, તારી પાર્ટનરને શરમાવાનો બંધ કરી દે.
કંગના રનૌતે હાલમાં વિદ્યાર્થી આંદોલન વચ્ચે Gen Z ને નિશાન બનાવ્યા હતા. અને આપત્તિજનક કોમેન્ટ કરી હતી. ત્યારબાદ સોશિયલ મીડિયા પર તેની જુની ક્લિપ્સ સાથે મીમ્સ પણ વાયરલ થયા હતા. તેમજ ટ્રોલ થઈ હતી. જેમાં અમારે ઋતિક રોશનની માફી માંગવી જોઈએ, ટ્રેન્ડ થવા લાગ્યું હતુ. જેના પર ઋતિક રોશને રિએક્ટ કર્યુ હતુ.
કમિટેડ છો, મહિલાને ઉશ્કેરવું શોભા નથી દેતું
કંગના રનૌતે ઈન્સ્ટાગ્રામ પર લખ્યું ડિયર ઋતિક મને ખુશી છે કે, તમને તમારું પરફેકટ મેચ મળી ગયું છે. તું અને સબા આઝાદ સાથે ખુબ સારા લાગો છો. તમે એક કમિટેડ રિલેશનશીપમાં છો અને કોઈ મહિલાને આવી રીતે ટ્રોલ કરવી તમને શોભતું નથી. તમારે આ લોકોની નિંદા કરવી જોઈએ. જે તમારા નામનો ઉપયોગ કરી મને પરેશાન કરી રહ્યા છે. આગમાં ઘી નાંખવાનું કામ બંધ કરો. આશા છે કે, તમને બધી વાત સમજાશે. ખોટી વાતો કરવાનું બંધ કરો. આ સાથએ કંગના રનૌતે એક આર્ટિકલનો સ્ક્રીનશોર્ટ પર શેર કર્યો હતો. જેમાં કહ્યું કે, ઋતિક રોશને માફી માંગનાર ટ્રેન્ડ પર રિએક્ટ કર્યું છે.
2016માં કંગના અને ઋતિક વચ્ચે શું વિવાદ હતો?
તમને જણાવી દઈએ કે, 2016માં, કંગનાએ ઋત્વિક પર તેનો પીછો કરવાનો અને હેરાન કરવાનો આરોપ લગાવ્યો હતો. તેમણે અભિનેતા સામે માનહાનિનો કેસ પણ દાખલ કર્યો હતો. કંગનાએ દાવો કર્યો હતો કે તે અને ઋત્વિક રિલેનશનશીપમાં હતા, પરંતુ અભિનેતાએ આ વાતનો ઇનકાર કર્યો હતો. ત્યારબાદ આ કેસ કાનૂની કાર્યવાહીમાં ગયો, અને જ્યારે ઋત્વિકને તપાસ માટે તેનો પાસપોર્ટ અને અન્ય ઇલેક્ટ્રોનિક ઉપકરણો સોંપવાની જરૂર પડી, ત્યારે કંગનાએ ઇનકાર કર્યો, અને દાવો કર્યો કે તે પાણીથી ખરાબ થયા છે.
