Breaking News : લોરેન્સના રડાર પર એલ્વિશ યાદવ? જાનથી મારી નાખવાની ધમકી 10 કરોડની માંગણી કરી

બિગ બોસ ઓટીટી ફેમ યુટ્યુબર એલ્વિશ યાદવ પર મુસીબતના વાદળો ઘેરાય રહ્યા છે. આ વખતે લોરેન્સ બિશ્નોઈ ગેંગ નિશાને પર આવી ગઈ છે. એલ્વિશ યાદવને ગેંગ તરફથી ધમકી ભર્યો મેસેજ પણ મળ્યો છે. જેમાં તેની પાસે 10 કરોડ રુપિયા માંગ્યા છે. યુટ્યુબરને કહેવામાં આવ્યું છે કે, જો તે બે દિવસમાં આ પૈસા નહીં મોકલે તો તેને ગોળી મારી દેવામાં આવશે.

એલ્વિશ યાદવને મળી જાનથી મારી નાખવાની ધમકી મળી

એલ્વિશ યાદવના પિતાને વિદેશના મોબાઈલ નંબર પરથી ગેરવસૂલીનો મેસેજ આવ્યો છે. જો 2 દિવસમાં પૈસા નહી આપે તો ગોળી મારી દેશું. આ મેસેજ મળતા જ ગુરુગ્રામ પોલીસ સેક્ટર-56 પોલીસે કેસ નોંધી તપાસ હાથ ધરી છે. ભારતીય ન્યાય સંહિતાની કલમ 308 (2),351 (2) હેઠળ ગુનો નોંઘાયો છે.

ફરિયાદમાં એલ્વિશ યાદવે જણાવ્યું કે, 5 મેના રોજ તેની પાસે વિદેશી નંબર પરથી વોટસ્એપ કોલ આવ્યો હતો. આ કોલ તેમણે રિસીવ કર્યો ન હતો. ત્યારબાદ વિદેશી નંબર પરથી એક વોટસએપ મેસેજ આવ્યો હતો. મેસેજ કરનાર ખુદને બિશ્રોઈ ગેંગનો નજીકનો રણદીપ માલિક જણાવ્યો છે. મેસેજમાં 10 કરોડ રુપિયાની ગેરવસુલી માંગી છે. આટલું જ નહી 2 દિવસની અંદર આ રકમ આપી દેવાનું પણ કહ્યું છે. આવું નહી કરે તો તેને ગોળી મારી દેવામાં આવશે.

ગત્ત વર્ષે એલ્વિશના ઘર પર થયું હતુ ફાયરિંગ

તમને જણાવી દઈએ કે, ઓગસ્ટ 2025માં એલ્વિશ યાદવના ઘર પર બાઈક પર આવેલા 3 લોકોએ અંદાજે 24 ગોળી રાઉન્ડ ચલાવી ધમાલ મચાવી હતી. પોલીસે આ મામલે ઈશાંત નામના વ્યક્તિની ધરપકડ પણ કરી હતી. હાલમાં પોલીસ મારી નાંખવાની જે ધમકી મળી છે. તેના પર તપાસ કરી રહી છે.

એલ્વિશ યાદવ કોણ છે?

જે લોકો એલ્વિશ યાદવને નથી જાણતા તેમના માટે, તેણે બિગ બોસ OTT 2 જીત્યો અને લાખો ચાહકો મેળવ્યા. તે તેના વાઇબ્રન્ટ વીડિયો અને મનોરંજક સામગ્રી માટે જાણીતો છે. જોકે, તેની સફળતાની સાથે વિવાદો પણ આગળ આવે છે. તેને પહેલા પણ ધમકીઓ મળી છે, પરંતુ આ પહેલી વાર છે જ્યારે તેને આટલી મોટી ધમકી મળી છે.

યુટ્યુબ વીડિયોથી ઘર ઘરમાં ફેમસ થયો એલ્વિશ યાદવ, આજે રાજાઓ જેવી જિંદગી જીવી રહ્યો છે યુટ્યબર અહી ક્લિક કરો