Breaking News : આંખોમાં આંસુ અને ચહેરા પર ઉદાસી, અડધી રાત્રે ટાઈગર શ્રોફને મળવા પહોંચી દિશા પટની , જુઓ Video

મુંબઈના જુહુ વિસ્તારમાં બોલિવુડ અભિનેતા ટાઈગર શ્રોફની કાર પર ફાયરિંગની ઘટનાએ ફિલ્મ ઈન્ડસ્ટ્રીમાં હલચલ મચાવી દીધી હતી. રવિવાર સાંજે આ ઘટનાના કલાકો બાદ અભિનેત્રી દીશા પટની મોડી રાત્રે ટાઈગર શ્રોફને મળવા માટે ઘરે પહોંચી હતી. તેની સાથે અભિનેતાની બહેન કૃષ્ણા શ્રોફ પણ નજર આવી હતી. દિશાના ટાઈગરના ઘર પહોંચવાનો વીડિયો સોશિયલ મીડિયા પર સામે આવ્યો છે. જેમાં તે સફેદ ટોપ અને જીન્સ પહેરેલો જોવા મળી રહ્યો છે.

કહેવામાં આવી રહ્યું છે કે, અભિનેતાના ખબર અંતર પુછવા માટે પહોંચી હતી. આ દરમિયાન તેની સાથે હાથમાં એક કેયર પકેજ જોવા મળી રહ્યું છે. ઘટના પછી મહારાષ્ટ્રના નાયબ મુખ્યમંત્રી એકનાથ શિંદે પણ ટાઈગર અને તેના પરિવાર સાથે મુલાકાત લેતા જોવા મળ્યા હતા.

અડધી રાત્રે ટાઈગરને મળવા પહોંચી દીશા પટની

ટાઈગર શ્રોફ પર ફાયરિંગની ઘટના સામે આવ્યા પછી દિશા પટની તેના ઘરે પહોંચવાની ચર્ચા ચાલી રહી છે. સોશિયલ મીડિયા પર કેટલાક વીડિયો વાયરલ થઈ રહ્યા છે. જેમાં વીડિયોમાં દિશા કારની આગલી સીટ પર બેસેલી જોવા મળી રહી છે. ગાડીમાંથી નીચે ઉતરી સીધી ઘરની અંદર જતી જોવા મળી રહી છે. દિશા અને ટાઈગર વચ્ચે લાંબા સમયથી ફ્રેન્ડશીપ છે. બંને સાથે અનેક પ્રોજેક્ટમાં પણ કામ કર્યું છે. તેની પર્સનલ લાઈફને લઈને પણ અનેક ચર્ચાઓ થતી રહી છે. પરંતુ બંનેએ ક્યારેય સાર્વજનિક રુપથી પોતાના સંબંધોને પ્રેમ સંબંધનું નામ આપ્યું નથી. બંને ફિલ્મ બાગી 2માં સાથે જોવા મળી ચૂક્યા છે. આ સિવાય બંને મ્યુઝિક વીડિયો બેફિક્રમાં પણ સાથે જોવા મળ્યા હતા. મુશ્કેલીના સમયમાં દિશા પટનીના ટાઈગરના ઘરે પહોંચવાનું લોકોનું ધ્યાન ખેચી રહ્યું છે.

View this post on Instagram

શું છે આખો મામલો?

રવિવાર સાંજે, 18 ઓક્ટોબર 2026ના રોજ, ટાઇગર શ્રોફ પોતાની કારમાં ફૂટબોલની રમત રમીને પાછો ફરી રહ્યો હતો.અચાનક, અજાણ્યા હુમલાખોરોએ તેના પર પાછળથી ગોળીબાર કર્યો અને મોટરસાઇકલ પર ઘટનાસ્થળેથી ભાગી ગયા. ટાઇગરનો ડ્રાઇવર, ફિરદૌસ, આ હુમલામાં ઘાયલ થયો હતો અને હોસ્પિટલમાં સારવાર હેઠળ છે. ટાઇગરને સીધી ગોળી વાગી ન હતી, પરંતુ કાચના ટુકડાથી તેના જમણા હાથમાં સામાન્ય ઇજા થઈ હતી.

લોરેન્સ બિશ્નોઈએ જવાબદારી લીધી

બોલીવુડ સ્ટાર્સને નિશાન બનાવવાની આ પહેલી ઘટના નથી. અગાઉ, ઘણા સ્ટાર્સ પર અચાનક હુમલા થયા છે. અગાઉ, સલમાન ખાનના ગેલેક્સી એપાર્ટમેન્ટમાં ગોળીબાર થયો હતો. બિશ્નોઈ ગેંગે ગોળીબારની જવાબદારી લીધી હતી. બોલિવૂડના એક ડિરેક્ટરના ઘરે પણ ગોળીબારની ગંભીર ઘટના બની હતી. હવે, ટાઇગર શ્રોફની કારને નિશાન બનાવવામાં આવી હતી અને તેમના પર હુમલો કરવામાં આવ્યો હતો. લોરેન્સ બિશ્નોઈ ગેંગના અનિલ પંડિત અને હરમન સિંધુએ આ ઘટનાની જવાબદારી સ્વીકારી છે, અને સલમાન ખાન સાથે કામ કરનારાઓનું પણ આવું જ પરિણામ ભોગવવાની ધમકી આપી છે. આ નિવેદનની હજુ પુષ્ટિ થઈ નથી.

જેકી શ્રોફનું ગુજરાત સાથે છે ખાસ કનેક્શન, પુત્ર ટાઇગર શ્રોફ પર હુમલો થયા બાદ પિતાએ પ્રતિક્રિયા આપી જુઓ પરિવાર અહી ક્લિક કરો