શોબિઝ ઈન્ડસ્ટ્રીમાં સંબંધો ક્યારે બને છે અને ક્યારે તૂટે છે તે કોઈ જાણતું નથી. એક અને બી-ટાઉન કપલનો સંબંધ તુટી ગયો છે એટલે કે તારા અને આદરનો સંબંધ તુટ્યો છે. એવા ન્યૂઝ આવ્યા છે કે બંનેએ પોત-પોતાની રીતે જ બ્રેકઅપ કરી લીધું છે. જો કે તેના અલગ થવાની હજી પુષ્ટી થઈ નથી.
એક મીડિયા રિપોર્ટ્સ મુજબ બંનેનું બ્રેકઅપ કોઈ કારણસર નથી થયું, તેને એકબીજાની સહમતીથી બ્રેકઅપ કર્યું છે. સુત્રનું કહેવું છે કે, બંને મેચ્યોર છે અને બ્રેકઅપ પછી પણ દોસ્ત બનીને રહેશે. તે બંને એકબીજાની ઘણી ચિંતા કરે છે. આ પહેલી વાર એવું નથી કે કોઈ કપલ સંબંધ તુટ્યા પછી પણ મિત્ર બનીને રહે. આ પહેલા પણ આપણે એવા ઘણા કપલ જોવા મળ્યા છે જે અલગ થયા પછી પણ મિત્રો બનીને રહે છે. આદર જૈન અને તારા સુતારિયાની જોડી ચાહકોની પસંદ હતી, તેથી તેમના બ્રેકઅપથી ચોક્કસપણે ચાહકોને દુ:ખ થયું છે.
આદર જૈન અને તારા સુતરિયા એક સાથે પસંદ કરવામાં આવતા હતા. બંને ઘણીવાર સાથે જોવા મળતા હતા. તારા અને આદરની એક સાથે ઘણી તસવીરો વાયરલ થઈ છે. હવે એ જાણી શકાયું નથી કે તેમના બ્રેકઅપનું કારણ શું હતું. પરંતુ તેમના અલગ થવાના સમાચાર ચોંકાવનારા છે. ચાહકો અનુમાન કરી રહ્યા હતા કે તેમનો સંબંધ લગ્ન સુધી જશે. પરંતુ તે પહેલા જ કપલ અલગ થઈ ગયું હતું. તારા સુતારિયાને કપૂર પરિવારની વહુ બનતી જોઈને ચાહકો ઉત્સાહિત હતા. તારા કપૂર પરિવારના ફેમિલી ગેટ ટુગેધરમાં ભાગ લેતી જોવા મળી હતી પરંતુ તેની ઈચ્છા હવે સપનામાં ફેરવાઈ ગઈ છે. તારા અને આદર હવે સિંગલ છે. તેણે ક્યારેય પોતાના સંબંધોને મીડિયાથી છુપાવ્યા નથી.
આદર જૈન બોલિવૂડના હેન્ડસમ એક્ટર રણબીર કપૂરનો પિતરાઈ ભાઈ છે. કપૂર પરિવારમાં દરેકનો લાડલો છે. આદરે કેટલીક ફિલ્મોમાં પણ કામ કર્યું છે પરંતુ તેની ફિલ્મી કરિયરે વધારે કંઈ કામ ન કર્યું. બીજી તરફ, તારા સુતારિયાએ ફિલ્મ સ્ટુડન્ટ ઓફ ધ યર 2થી ડેબ્યુ કર્યું હતું. આ પછી તે ઘણી ફિલ્મોમાં જોવા મળી હતી પરંતુ SOTY 2 પછી તારા કોઈ હિટ ફિલ્મ આપી શકી નથી. તેની છેલ્લી રિલીઝ એક વિલન રિટર્ન્સ હતી. જે ખરાબ રીતે ફ્લોપ થઈ હતી.
Published On - 2:23 pm, Tue, 3 January 23