બોલિવૂડ એક્ટ્રેસ રવિના ટંડનના પિતાનું નિધન, કહ્યું- તમે હંમેશા મારી સાથે ચાલશો પપ્પા

બોલિવૂડ અભિનેત્રી રવિના ટંડનના (Raveena Tandon) પિતા અને ફિલ્મ નિર્દેશક રવિ ટંડનનું (Ravi Tandon) નિધન થયું છે. રવિના ટંડને પોતે તેના ઇન્સ્ટાગ્રામ (Instagram) એકાઉન્ટ દ્વારા આ માહિતી આપી છે. રવિના ટંડને તેના ઈન્સ્ટાગ્રામ એકાઉન્ટ પર તેના પિતા સાથેની કેટલીક તસવીરો શેર કરી છે, જેમાં તે તેના પિતા સાથે ખૂબ જ ખુશ દેખાઈ રહી છે. રવિના ટંડનના પિતા રવિ ટંડન 87 વર્ષના હતા. તમને જણાવી દઈએ કે રવિનાના પિતાનું 11 ફેબ્રુઆરીએ બપોરે તેમના ઘરે નિધન થયું હતું. રવીના તેના પિતાના આકસ્મિક વિદાયથી ખૂબ જ દુઃખી છે. રવિના ટંડને તેના પિતા સાથે પોતાની ચાર તસવીરો શેર કરી છે. પ્રથમ તસવીરમાં તે તેમના પિતાનો હાથ પકડી રહી છે અને બંને હસતાં હસતાં એક કાર્યક્રમમાં જઈ રહ્યાં છે. બીજી તસવીર એક થ્રોબેક પિક્ચર છે જેમાં રવિના એક નાની બાળકી છે જે તેના પિતા રવિ ટંડનના ખોળામાં છે.

ત્રીજી તસવીરમાં, રવિના એક કાર્યક્રમમાં તેના પિતા સાથે બેસીને હસતી જોવા મળે છે અને તેના પિતા પણ હસતા જેવા મળે છે જ્યારે ચોથી તસ્વીરમાં રવિના ટંડન તેના પિતાને ગાલ પર કિસ કરતી જોવા મળે છે. આ તસવીરો શેર કરતા રવિનાએ કેપ્શનમાં લખ્યું કે, ‘તમે હંમેશા મારી સાથે ચાલશો પાપા. હું હંમેશા તમારા જેવી રહીશ. હું તમારો સાથ ક્યારેય નહીં છોડું. લવ યુ પાપા.’ રવિનાની આ પોસ્ટ પર બોલિવૂડની ઘણી હસ્તીઓએ શોક વ્યક્ત કર્યો છે.

તમને જણાવી દઈએ કે રવિના ટંડનના પિતા રવિ ટંડન બોલિવૂડના જાણીતા ડિરેક્ટર રહી ચૂક્યા છે. તેણે પોતાની કારકિર્દીમાં ઘણી શાનદાર ફિલ્મોનું દિગ્દર્શન કર્યું છે, જેમાં નજરાના, મુકદ્દર, મજબૂર અને નિર્માણ સિવાય પણ ઘણી ફિલ્મો છે. આ સિવાય તેણે અનહોની અને એક મેં ઔર એક તુ જેવી ફિલ્મો પણ બનાવી હતી. રવિનાના પિતાએ વીણા સાથે લગ્ન કર્યા હતા. રવિના સિવાય તેને એક પુત્ર પણ છે જેનું નામ રાજીવ છે. રાજીવ પોતે પણ દિગ્દર્શક અને નિર્માતા છે.

બહુ ઓછા લોકો જાણે છે કે રવિના ટંડનનું નામ રવિ અને વીણા ટંડનના નામને મિક્ષ કરીને રાખવામાં આવ્યું હતું. હાલમાં જ રવિના ટંડન એક વેબ સિરીઝમાં જોવા મળી હતી. જેમાં તેણે ખૂબ જ મજબૂત પાત્ર ભજવ્યું હતું. આ સિવાય રવિના યશની ફિલ્મ ‘KGF 3’માં જોવા મળશે. આ ફિલ્મના થોડા દિવસો પહેલા ટીઝર રિલીઝ કરવામાં આવ્યું હતું જેમાં તેનો લુક ખૂબ જ ડેરિંગ લેડી તરીકેનો દેખાઈ રહ્યો હતો.

આ પણ વાંચો –

Gehraiyaan movie review : દીપિકા પાદુકોણ અને સિદ્ધાંત ચતુર્વેદીની ‘ગહેરાઈયાં’ ફિલ્મની નવી પેઢીને શું શીખવાડવા માંગે છે ?

આ પણ વાંચો –

Shaktimaan Film Teaser : મોટા પડદા પર ‘શક્તિમાન’ ફરશે પરત, મુકેશ ખન્ના બોલ્યા, કહ્યું હતું ને કે હું મોટી જાહેરાત કરીશ