#Asksrk: ફેને કહ્યું જો ફિલ્મો નહીં તો ગીતો કરી લો, Shah Rukh Khanનો આ જવાબ જીતી લેશે તમારૂ દિલ
શાહરૂખ ખાને તાજેતરમાં જ ટ્વિટર પર Ask Me Anything સેશન કર્યું હતું. જેમાં તેમના ચાહકોએ તેમને ઘણા પ્રશ્નો પૂછ્યા હતા. જેના જવાબો શાહરૂખે પોતાની શૈલીમાં આપ્યા હતા.
બોલિવૂડના ‘બાદશાહ’ શાહરૂખ ખાનને ઘણા લાંબા સમયથી તેમના ચાહકો મોટા પડદા પર મિસ કરી રહ્યા છે. શાહરૂખ ખાન છેલ્લે વર્ષ 2018માં આવેલી ફિલ્મ ‘ઝીરો’માં જોવા મળ્યા હતા. ત્યારબાદ શાહરૂખ કોઈ પણ ફિલ્મમાં દેખાયા નથી. તાજેતરમાં શાહરૂખે ફિલ્મ ઈન્ડસ્ટ્રીમાં 30 વર્ષ પૂરા થવા પર ચાહકો સાથે એક ઈન્ટરેક્શન સેશન કર્યું હતું. જેમાં તેમણે ચાહકોની આ ઉત્સુકતાને અમુક હદે ઓછી કરી દીધી છે.
શાહરૂખ ખાને તાજેતરમાં જ ટ્વીટર પર Ask Me Anything સેશન કર્યું હતું. જેમાં તેમના ચાહકોએ તેમને ઘણા પ્રશ્નો પૂછ્યા હતા. જેના જવાબો શાહરૂખે પોતાની શૈલીમાં આપ્યા હતા. આ દરમિયાન એક યુઝરે શાહરૂખને પૂછ્યું, ‘આ સમયે મૂવી રિલીઝ એક સારો વિકલ્પ ન હોઈ શકે, ડાન્સ નંબર વિશે શું વિચાર છે, જે અમને થોડા સમય માટે પકડીને રાખી શકે.’
કિંગ ખાને પણ આ સવાલનો જવાબ આપ્યો હતો અને તેમનો જવાબ સાંભળીને તેમના ચાહકોના ચહેરા પર સ્મિત આવવું જરુરી છે. શાહરૂખ ખાને આ સવાલના જવાબમાં લખ્યું, ‘ના યાર, હવે તો ઘણી બધી ફિલ્મો આવશે.’ જેનાથી લાગે છે કે શાહરૂખ જલ્દીથી ઘણી ફિલ્મોની ઘોષણા કરવા જઈ રહ્યા છે. હવે તેમના ચાહકોની રાહ પણ પૂરી થશે તેવું લાગી રહ્યું છે.
Nahi yaar ab toh bahut saari movies hi aayengi. https://t.co/68m7zasmvY
— Shah Rukh Khan (@iamsrk) June 25, 2021
આ સિવાય બીજા એક યૂઝરે શાહરૂખને પૂછ્યું, ‘ રેડ ચિલીઝ એન્ટરટેઈનમેન્ટમાં શું રંધાઈ રહ્યું છે.’ તેના જવાબમાં શાહરૂખે કહ્યું ‘કેટલીક ખૂબ જ મસાલેદાર ફિલ્મો’. શાહરૂખના આ સવાલ અને જવાબ સત્રમાં ઘણા લોકોએ તેમને રમૂજી પ્રશ્નો પૂછ્યા, જેનો જવાબ શાહરૂખે પણ ખૂબ રમૂજી રીતે આપ્યા છે. તમને જણાવી દઈએ કે શાહરૂખ ખાને થોડા દિવસો પહેલા કહ્યું હતું કે તેઓ શૂટિંગ પર જવા માટે તૈયાર છે.
Some very masaaledaar movies… https://t.co/l2w0vO2exn
— Shah Rukh Khan (@iamsrk) June 25, 2021
નોંધપાત્ર વાત એ છે કે છેલ્લીવાર શાહરૂખ ખાન ફિલ્મ ઝીરોમાં જોવા મળ્યા હતા. ડિસેમ્બર 2018માં રિલીઝ થયેલી આ ફિલ્મમાં તેમના સિવાય કેટરીના કેફ અને અનુષ્કા શર્મા પણ મહત્વની ભૂમિકામાં હતા. ત્યારબાદ તેમની કોઈ પણ ફિલ્મની ઘોષણા કરવામાં આવી નથી. હવે તે પઠાન ફિલ્મમાં જોવા મળશે. આ સાથે જ એવા સમાચાર પણ છે કે શાહરૂખ ખાનની આ ફિલ્મમાં સલમાન ખાન પણ કેમિયો કરતા જોવા મળશે. આ સિવાય તે રાજકુમાર હિરાની સાથે પણ કામ કરી રહ્યા છે.