બોલિવૂડ એક્ટર શાહરૂખ ખાનની પુત્રી સુહાના ખાન (Suhana Khan) હવે લાઈમલાઈટમાં રહે છે. એવું કહેવામાં આવી રહ્યું છે કે કિંગ ખાનની લાડલી સુહાના ખાન ટૂંક સમયમાં જ મોટા પડદા પર પણ જોવા મળશે. સ્ટાર કિડ સુહાના ખાન ટૂંક સમયમાં બોલિવૂડમાં ડેબ્યૂ કરવા જઈ રહી છે, પરંતુ ડેબ્યુ પહેલા જ તે ચર્ચામાં છે. હાલમાં સુહાના ખાન બિગ બીની પુત્રી શ્વેતા બચ્ચન અને તેના પુત્ર અગસ્ત્ય નંદા (Agastya Nanda) સાથે જોવા મળી હતી. આ વીડિયો ઈન્ટરનેટ પર વાયરલ થઈ રહ્યો છે. સુહાના અને અગસ્ત્યને એકસાથે જોયા બાદ હવે અનેક અટકળો લગાવવામાં આવી રહી છે.
હાલમાં સુહાના ખાન શ્વેતા બચ્ચન અને તેના પુત્ર અગસ્ત્ય નંદા સાથે જોવા મળી હતી. આ બધા મુંબઈના એક રેસ્ટોરન્ટની બહાર જોવા મળ્યા હતા. આ વીડિયો વિરલ ભાયાણીએ શેર કર્યો છે. વીડિયોમાં તમે જોઈ શકો છો કે સુહાના ખાને બ્લેક ક્રોપ ટોપ અને બ્લુ જીન્સ પહેર્યું છે. તેના આ સુંદર લુકને ફેન્સ પણ પસંદ કરી રહ્યા છે. મીડિયા રિપોર્ટ્સ મુજબ સુહાના ખાન, શ્વેતા બચ્ચન અને તેમના પુત્ર અગસ્ત્ય નંદા – ત્રણેય ડિનર માટે ગયા હતા.
શ્વેતા બચ્ચનના લુકની વાત કરીએ તો તે ખુલ્લા વાળમાં સ્કાય બ્લુ ટોપ અને જીન્સમાં જોવા મળી હતી. તેના પુત્ર અગસ્ત્ય નંદાએ બ્લેક સ્વેટ શર્ટ અને જીન્સ પહેર્યું હતું. માતા અને પુત્ર બંનેનો દેખાવ એકબીજા સાથે મેચ કરતો હતો. પરંતુ રેસ્ટોરન્ટમાંથી બહાર નીકળતી વખતે તેણે ડિસ્ટેન્સ મેનટેન કરવાની કોશિશ કરી હતી. સુહાના અને અગસ્ત્યની તસવીરો પણ સોશિયલ મીડિયા પર ઝડપથી વાયરલ થઈ રહી છે.
સુહાના ખાન અને અગસ્ત્ય નંદા ટૂંક જ સમયમાં ‘ધ આર્ચીઝ’થી બોલિવૂડમાં ડેબ્યૂ કરશે. આ ફિલ્મમાં શ્રીદેવી અને બોની કપૂરની પુત્રી ખુશી કપૂર પણ જોવા મળશે. આ ત્રણેય સ્ટાર કિડ્સ ઝોયા અખ્તરની આ ફિલ્મમાં એકસાથે જોવા મળવાના છે. આ ફિલ્મમાં અગસ્ત્યએ આર્ચીની ભૂમિકા ભજવી હતી. સુહાના વેરોનિકાના રોલમાં જોવા મળશે જ્યારે ખુશી કપૂર બેટીના રોલમાં જોવા મળશે. આ ફિલ્મમાં મિહિર આહુજા, યુવરાજ મેંડા અને વેદાંગ રૈના પણ છે. આ ફિલ્મ આવતા વર્ષે નેટફ્લિક્સ પર પ્રીમિયર થશે.