ગદર જોવા પહોંચી અમીષા પટેલ, થિયેટર હોલમાં લોકોએ ડાન્સ કરીને કર્યું સ્વાગત, જુઓ Video
સની દેઓલ અને અમીષા પટેલની (Ameesha Patel) ફિલ્મ 'ગદર' 9મી જૂને ફરી રીલિઝ થઈ ગઈ છે. આ દરમિયાન સોશિયલ મીડિયા પર એક વીડિયો વાયરલ થઈ રહ્યો છે, જેમાં ફેન્સ ફિલ્મ જોયા પછી થિયેટર હોલમાં અમીષા પટેલ એટલે કે સકીનાનું સ્વાગત કરી રહ્યા છે.
Mumbai: સની દેઓલ (Sunny Deol) અને અમીષા પટેલની (Ameesha Patel) ફિલ્મ ‘ગદર’એ (Gadar) તેની રિલીઝના 22 વર્ષ પૂર્ણ કર્યા છે, પરંતુ આજે પણ લોકો આ ફિલ્મના દરેક સીનને યાદ કરે છે. તમને જણાવી દઈએ કે ‘ગદર’ 9 જૂનના રોજ ફરીથી રિલીઝ કરવામાં આવી છે. જેને જોવા ફેન્સ થિયેટરમાં પહોંચ્યા હતા. આ દરમિયાન સોશિયલ મીડિયા પર એક વીડિયો વાયરલ થઈ રહ્યો છે, જેમાં ફેન્સે ફિલ્મ જોયા બાદ થિયેટર હોલમાં અમીષા પટેલ એટલે કે સકીનાનું સ્વાગત કર્યું હતું.
માત્ર ફિલ્મો જ નહીં પરંતુ બાળપણની યાદો
તમને જણાવી દઈએ કે અમીષા પટેલ દર્શકોની વચ્ચે ફિલ્મની મજા માણવા માટે એક શોમાં હાજરી આપી હતી. અમીષા પટેલને થિયેટર હોલમાં જોયા બાદ ફેન્સ ખુશ થઈ ગયા અને આનંદથી નાચવા લાગ્યા. ફેન્સને આ વીડિયો ખૂબ જ પસંદ આવી રહ્યો છે. આ વીડિયો પર કોમેન્ટ કરતાં એક ફેને લખ્યું, ગદર માત્ર એક ફિલ્મ નથી, તે આપણા બાળપણની લાગણીઓ છે. એક યુઝરે લખ્યું છે કે ગદર માત્ર એક ફિલ્મ નથી, તે આપણા બાળપણની યાદો છે. આ વીડિયોમાં ઔર આજા પરદેશી ગીત વાગી રહ્યું છે. આ વીડિયોમાં દરેક લોકો ડાન્સ કરી રહ્યાં છે.
View this post on Instagram
આ દિવસે રિલીઝ થશે આ ફિલ્મ
સની દેઓલ અને અમીષા પટેલ સ્ટારર અનિલ શર્મા નિર્દેશિત ફિલ્મ ભારતીય સિનેમાની સૌથી વધુ કમાણી કરનારી ફિલ્મોમાંની એક છે. ફિલ્મ ‘ગદર-2’ 11 ઓગસ્ટે રિલીઝ થઈ રહી છે. અનિલ શર્મા દ્વારા નિર્દેશિત આ ફિલ્મ 1971ના ભારત-પાકિસ્તાન યુદ્ધના બેકગ્રાઉન્ડ પર આધારિત છે. આ વખતે તારા સિંહ ઉર્ફે સની દેઓલ તેના પુત્ર જીતે માટે પાકિસ્તાનમાં પ્રવેશ કરે છે, આ રોલ ઉત્કર્ષ દ્વારા પ્લે કરવામાં આવ્યો છે. નિર્દેશક-નિર્માતા અનિલ શર્મા દ્વારા નિર્દેશિત અને ઝી સ્ટુડિયો દ્વારા નિર્મિત નવી ફિલ્મમાં સની દેઓલ, અમીષા પટેલ અને ઉત્કર્ષ શર્મા મુખ્ય રોલમાં છે.
આ પણ વાંચો : Viral Video : દુબઈમાં દિશા પટની ફેન્સના ટોળા વચ્ચે ફસાઈ, જાણો પછી શું થયું
ફિલ્મ ‘ગદર 2’માં એક્ટર મનીષ વાધવા જે ખૂબ જ પોપ્યુલર એક્ટર છે. તે ‘ગદર 2’માં વિલનનો રોલ પ્લે કરવા જઈ રહ્યો છે. ‘ગદરઃ એક પ્રેમ કથા’ વર્ષ 2001માં રિલીઝ થઈ હતી, જેની સ્ટોરી દેશના ભાગલા પર આધારિત હતી. આ ફિલ્મ બ્લોક બસ્ટર સાબિત થઈ હતી. ‘ગદર 2’ 11 ઓગસ્ટે રિલીઝ થઈ રહી છે.
એન્ટરટેઇન્મેન્ટના તમામ સમાચાર વાંચવા માટે અહીં ક્લિક કરો
