બોલિવૂડ એક્ટર કાર્તિક આર્યન (Kartik Aaryan) અને સારા અલી ખાન (Sara Ali Khan) ઘણા સમય પહેલા અલગ થઈ ગયા છે. જ્યારે લવ આજ કલ 2ના શૂટિંગ દરમિયાન ડેટિંગની અટકળોએ ઘણી હેડલાઈન્સ બનાવી હતી, ત્યારે આ લવ સ્ટોરી લાંબો સમય ટકી શકી ન હતી અને 2020માં ફિલ્મની રિલીઝ પહેલા તેઓ તૂટી ગયા હતા. 2 વર્ષ બાદ બંને પહેલીવાર જાહેરમાં એકબીજાને મળતા જોવા મળ્યા હતા.
કાર્તિક અને સારા એક ઈન્ટરનેશનલ મેગેઝીનના એવોર્ડ શોમાં સાથે જોવા મળ્યા હતા. બંને હાથ પકડીને એકબીજા સાથે વાત કરતા જોવા મળ્યા હતા. બંનેના હાથમાં એવોર્ડ શોમાં મળેલો એવોર્ડ હતો. ઈવેન્ટમાં સારા બ્લુ અને બ્લેક શિમરી ડ્રેસમાં જોવા મળી હતી, જેમાં તે ખૂબ જ ગ્લેમરસ લાગી રહી હતી, જ્યારે કાર્તિક સફેદ ફોર્મલ સૂટમાં એકદમ હેન્ડસમ લાગી રહ્યો હતો.
લવ આજ કલ 2ના શૂટિંગ દરમિયાન સારા અલી ખાને કાર્તિક વિશે એક ખુલાસો કર્યો હતો. તે સમયે સારા કરણ જોહરના ટોક શો કોફી વિથ કરણમાં ગઈ હતી, જ્યાં તેણે કબૂલ્યું હતું કે કાર્તિક તેનો ક્રશ છે. જ્યારે કપલના બ્રેકઅપના સમાચાર સામે આવ્યા ત્યારે બંનેની લવસ્ટોરી ટ્રેક પર આવી રહી હતી. તેમના બ્રેકઅપનું કારણ બહાર આવ્યું નથી, બંનેએ એકબીજાને ઈન્સ્ટાગ્રામ પર અનફોલો પણ કરી દીધા હતા.
વર્ક ફ્રન્ટની વાત કરીએ તો કાર્તિક આર્યન આ દિવસોમાં તેની આગામી ફિલ્મ ‘ભૂલ ભુલૈયા 2’ના પ્રમોશનમાં વ્યસ્ત છે. આ ફિલ્મમાં તે કિયારા અડવાણી અને તબ્બુ સાથે સ્ક્રીન શેયર કરતી જોવા મળશે. બીજી તરફ સારા આગામી ફિલ્મ લૂપ લપેટામાં વિકી કૌશલ સાથે જોવા મળશે.
હાલમાં કાર્તિક આર્યન તેની આગામી ફિલ્મ કેપ્ટન ઈન્ડિયામાં પણ જોવા મળવાનો છે. આ ફિલ્મનો કાર્તિક આર્યનનો ફર્સ્ટ લુક સામે આવ્યો છે. આ ફિલ્મમાં કાર્તિક આર્યન પાયલોટની ભૂમિકામાં જોવા મળશે.