દીપિકા પાદુકોણને આવ્યો હતો પેનિક એટેક, આજે મળી શકે છે હોસ્પિટલમાંથી રજા
હાલમાં જ બોલિવૂડ એક્ટ્રેસ દીપિકા પાદુકોણને (Deepika Padukone) ખરાબ તબિયતના કારણે હોસ્પિટલમાં દાખલ છે. મળતી માહિતી મુજબ એકટ્રેસ હવે ઠીક છે. જો તમામ ટેસ્ટ રિપોર્ટ નોર્મલ આવશે તો આજે જ તેને હોસ્પિટલમાંથી રજા આપવામાં આવશે.
Deepika Padukone Health Update: બોલિવૂડ એક્ટ્રેસ દીપિકા પાદુકોણને (Deepika Padukone) સોમવારે મોડી રાત્રે એટલે કે 26 સપ્ટેમ્બરે અચાનક બિમારીના કારણે હોસ્પિટલમાં દાખલ કરવામાં આવી હતી. રાત્રે અચાનક તેને બેચેની થવા લાગી. જે બાદ તેની તબિયત ખરાબ (Health Update) થવા લાગી હતી. ત્યારબાદ દીપિકાને સારવાર માટે મુંબઈની બ્રીચ કેન્ડી હોસ્પિટલમાં દાખલ કરવામાં આવી. એક્ટ્રેસના તમામ ટેસ્ટ હોસ્પિટલમાં કરવામાં આવ્યા હતા. પરંતુ ગભરાવાની જરૂર નથી.
મળતી માહિતી મુજબ ડોક્ટરોનું કહેવું છે કે હવે દીપિકા પાદુકોણની તબિયત પહેલા કરતા સારી છે. એક્ટ્રેસના હેલ્થ રિપોર્ટની ફેન્સ રાહ જોઈ રહ્યા છે. એવું માનવામાં આવે છે કે તેને પેનિક એટેક આવ્યો હતો. જે બાદ તે બેચેની અનુભવતી હતી. પરંતુ દીપિકા અત્યારે ઠીક છે અને જો બધા રિપોર્ટ નોર્મલ આવશે તો તેને આજે રજા આપવામાં આવશે. પરંતુ આ રિપોર્ટ પર હજુ સુધી કોઈ ઓફિશિયલ સ્ટેટમેન્ટ સામે આવ્યું નથી.
View this post on Instagram
તમને જણાવી દઈએ કે આ પહેલીવાર નથી જ્યારે બોલિવૂડ એક્ટ્રેસ દીપિકાને આ રીતે પેનિક એટેક આવ્યો હોય. આ પહેલા પણ એક્ટ્રેસને જૂન મહિનામાં આવી સમસ્યાનો સામનો કરવો પડ્યો હતો. એક ફિલ્મના શૂટિંગ દરમિયાન દીપિકાના હાર્ટ રેટ ખૂબ જ વધી ગયા હતા. જે બાદ તેને હૈદરાબાદની હોસ્પિટલમાં દાખલ કરવામાં આવી હતી. દીપિકાના હોસ્પિટલમાં દાખલ થવાના સમાચાર સોશિયલ મીડિયા પર આગની જેમ ફેલાઈ ગયા છે.
આ પ્રોજેક્ટ્સ પર કામ કરી રહી છે એક્ટ્રેસ
વર્ક ફ્રન્ટની વાત કરીએ તો દીપિકા પાદુકોણ હાલમાં ઘણા પ્રોજેક્ટ પર કામ કરી રહી છે. ટૂંક સમયમાં એક્ટ્રેસ શાહરૂખ ખાન સાથે ફિલ્મ ‘પઠાન’માં જોવા મળશે. આ પછી દીપિકા ફિલ્મ ‘ફાઈટર’માં ઋતિક રોશન સાથે જોવા મળશે. આ સિવાય દીપિકા પાસે ઘણા મોટા પ્રોજેક્ટ્સ છે. જેમાંથી એક હોલીવુડ ફિલ્મની હિન્દી રીમેક પણ છે.
ફેન્સ કરી રહ્યા છે પ્રાર્થના
દીપિકાનું નામ બોલિવૂડની એ એક્ટ્રેસમાં આવે છે, જેમને જોવા માટે લોકો રાહ જ જોતા હોય છે. એક્ટ્રેસ સોશિયલ મીડિયા પર પણ ખૂબ જ એક્ટિવ છે અને હંમેશા કોઈને કોઈ કારણસર ચર્ચામાં રહે છે. તેમના સ્વાસ્થ્યના સમાચાર સાંભળ્યા પછી તેના ફેન્સ તેના સારા સ્વાસ્થ્ય અપડેટ્સ જાણવા માટે રાહ જોઈ રહ્યા છે. તેમજ સારા સ્વાસ્થ્ય માટે પ્રાર્થના કરી હતી.
