બુર્જ ખલીફા પર છવાયો રણવીર સિંહ, ’83’ની ઝલક દેખાતા દીપિકા પાદુકોણે આપી આવી પ્રતિક્રિયા
રણવીર સિંહ દિગ્ગજ ક્રિકેટર કપિલ દેવનું પાત્ર ભજવી રહ્યો છે. દીપિકા તેની પત્ની રોમીના રોલમાં જોવા મળશે. આ સિવાય પંકજ ત્રિપાઠી, સાકિબ સલીમ, તાહિર રાજ ભસીન, હાર્દિક સંધુ અને સાહિલ ખટ્ટર સહિત ઘણા સ્ટાર્સ છે.
બોલિવૂડનો લોકપ્રિય અભિનેતા રણવીર સિંહ (Ramveer Singh) હાલમાં પોતાની આવનારી ફિલ્મ ’83’ના પ્રમોશનમાં વ્યસ્ત છે. આ ફિલ્મમાં તેની પત્ની અભિનેત્રી દીપિકા પાદુકોણ પણ જોવા મળશે. જે આ ફિલ્મમાં તેની પત્નીનો રોલ કરી રહી છે. આ કપલ હાલમાં દુબઈમાં છે, જ્યાં તેમને એક શાનદાર ભેટ મળી છે. સૌથી ઊંચા ટાવર બુર્જ ખલીફા પર ’83’નું મોન્ટાજ બતાવવામાં આવ્યું હતું. બંને સ્ટાર્સે આ દૃશ્ય જોયું અને તેમની ખુશીનો પાર ન રહ્યો. હવે તેનો વીડિયો સોશિયલ મીડિયા પર ખૂબ વાયરલ થઈ રહ્યો છે.
આ વીડિયોમાં જોઈ શકાય છે કે રણવીર સિંહ અને દીપિકા પાદુકોણ બુર્જ ખલીફાની એકદમ નજીક ઉભા છે. આ સૌથી ઊંચા ટાવર પર ’83’ની ઝલક દેખાતા જ ત્યાં હાજર લોકો ખુશ થઇ જાય છે. દીપિકા માટે પણ આ ખૂબ જ ગર્વની ક્ષણ છે અને તેણે રણવીરનો હાથ પકડ્યો છે.
રણવીર અને દીપિકાનો અન્ય એક વીડિયો પણ વાયરલ થઈ રહ્યો છે, જે બુર્જ ખલીફા પર ’83’ની ઝલક પહેલાનો છે. આ વીડિયોમાં દીપિકા પણ કંઈક બોલતી જોવા મળી રહી છે અને બંને ખૂબ જ ખુશ છે.
આ ખાસ અવસર પર રણવીર અને દીપિકા અતરંગી લુકમાં જોવા મળી રહ્યા છે. જ્યાં દીપિકાએ રેડ કલરનો ડ્રેસ પહેર્યો હતો. તો રણવીર ગોલ્ડન કલરના ટોપ, શૂઝ અને ચશ્મામાં જોવા મળ્યો હતો.
રણવીર અને દીપિકાનું દુબઈમાં જોરદાર સ્વાગત કરવામાં આવ્યું હતું. તેમની સાથે ફિલ્મના ડાયરેક્ટર કબીર ખાન પણ હાજર હતા. તેમણે મીડિયા સાથે વાતચીત કરી અને અનેક સવાલોના જવાબ આપ્યા.
ફિલ્મ ’83’ની વાત કરીએ તો તેમાં રણવીર સિંહ દિગ્ગજ ક્રિકેટર કપિલ દેવનું પાત્ર ભજવી રહ્યો છે. દીપિકા તેની પત્ની રોમીના રોલમાં જોવા મળશે. આ સિવાય પંકજ ત્રિપાઠી, સાકિબ સલીમ, તાહિર રાજ ભસીન, હાર્દિક સંધુ અને સાહિલ ખટ્ટર સહિત ઘણા સ્ટાર્સ છે. 24 ડિસેમ્બરે રિલીઝ થનારી આ ફિલ્મમાં વર્ષ 1983માં ક્રિકેટ વર્લ્ડ કપ જીતવાની સોનેરી ક્ષણ દર્શાવવામાં આવી છે.
આજનું રાશિફળ તારીખ : 21-01-2025
