Birthday Special : સિદ્ધાર્થે મોડલિંગથી કરિયરની શરુઆત કરી, જાણો કેવી રીતે મળી તેને ફિલ્મોમાં કામ કરવાની ઓફર
સિદ્ધાર્થ મલ્હોત્રા (Siddharth Malhotra) સોશિયલ મીડિયા પર ખૂબ જ એક્ટિવ રહે છે. અભિનેતાની સારી ફેન ફોલોઈંગ છે. સિદ્ધાર્થ પોતાનો 38મો જન્મદિવસ ઉજવી રહ્યો છે. આવો જાણીએ તેમના જન્મદિવસ પર તેમની સાથે જોડાયેલી વાતો વિશે
Birthday Special : બોલિવૂડ એક્ટર સિદ્ધાર્થ મલ્હોત્રા(Siddharth Malhotra) આ દિવસોમાં પોતાના કરિયરની ઊંચાઈ પર છે. આ વર્ષે અભિનેતાની ઘણી ફિલ્મો રિલીઝ થવાની છે, આ માટે તેને સારી ફીની ઓફર પણ કરવામાં આવી છે. આજે સિદ્ધાર્થ મલ્હોત્રાનો જન્મદિવસ છે. અભિનેતા 38 વર્ષનો થઈ ગયો છે. અભિનેતા ‘સ્ટુડન્ટ ઑફ ધ યર’, ‘હસી તો ફસી’, ‘મરજાવા’ અને ‘શેરશાહ’ જેવી ફિલ્મોમાં જોવા મળ્યો છે. સિદ્ધાર્થની સોશિયલ મીડિયા (Social media)પર સારી ફેન ફોલોઈંગ છે. તેમનું શિક્ષણ અને ઉછેર દિલ્હીમાં થયો છે. તેમણે દિલ્હી યુનિવર્સિટીની શહીદ ભગતસિંહ કોલેજમાં અભ્યાસ કર્યો હતો. અભિનેતાએ 18 વર્ષની ઉંમરે તેની મોડેલિંગ કારકિર્દી (Modeling career)ની શરૂઆત કરી હતી. આ પછી સિદ્ધાર્થે શાહરૂખ ખાનની ફિલ્મ ‘માય નેમ ઈઝ ખાન‘(My Name Is Khan) માં આસિસ્ટન્ટ ડિરેક્ટર તરીકે કામ કર્યું.
‘સ્ટુડન્ટ ઓફ ધ યર’થી કરિયરની શરૂઆત કરી
ઘણા ઓછા લોકો જાણતા હશે કે, સિદ્ધાર્થ પ્રિયંકા ચોપરાની ફિલ્મ ‘ફેશન’ કરવા જઈ રહ્યો હતો, પરંતુ કેટલાક કારણોસર તે અસફળ રહ્યો. આ પછી વર્ષ 2012માં સિદ્ધાર્થે કરણ જોહરની ફિલ્મ ‘સ્ટુડન્ટ ઓફ ધ યર’થી શરૂઆત કરી હતી. વરુણ ધવન અને આલિયા ભટ્ટે પણ તેની સાથે કરિયરની શરૂઆત કરી હતી. આ ફિલ્મ સુપરહિટ રહી અને સિદ્ધાર્થ રાતોરાત સ્ટાર બની ગયો. આ પછી અભિનેતા ‘એક વિલન’માં શ્રદ્ધા કપૂર સાથે જોવા મળ્યો હતો. તેના અભિનયના બધાએ વખાણ કર્યા હતા. આ પછી તે ઘણી ફિલ્મોમાં જોવા મળ્યો પરંતુ તેની ફિલ્મો સારો બિઝનેસ કરી શકી નહીં. વર્ષ 2021માં ‘શેરશાહ’માં તેની જબરદસ્ત એક્ટિંગે ફરી એકવાર દર્શકોના દિલ જીતી લીધા. આ ફિલ્મમાં તેની સાથે કિયારા અડવાણી લીડ રોલમાં હતી.
ટાઈમ્સ ઓફ ઈન્ડિયાને આપેલા ઈન્ટરવ્યુમાં સિદ્ધાર્થે કહ્યું હતું કે, જ્યારે તે ફિલ્મોમાં આવ્યો ત્યારે તેને ઘણી મુશ્કેલીનો સામનો કરવો પડ્યો હતો. તેણે કહ્યું કે હું શરૂઆતમાં ફિલ્મો છોડવા માંગતો હતો, પરંતુ સારા સમયની આશામાં મેં સંઘર્ષ કર્યો અને ઇન્ડસ્ટ્રીમાં મારી જગ્યા બનાવી.
માતાએ તેને ચપ્પલ વડે માર માર્યો હતો
અમર ઉજાલાના અહેવાલ અનુસાર, સિદ્ધાર્થે એક ઈન્ટરવ્યુમાં કહ્યું હતું કે, તેના પરિવારના સભ્યો હંમેશા તેની ચિંતા કરતા હતા. ખાસ કરીને તેના પિતા કે જેમને લાગ્યું કે હું ભવિષ્યમાં કંઈ કરી શકીશ નહીં. સિદ્ધાર્થે જણાવ્યું કે હું નાનપણથી જ અભ્યાસમાં નબળો હતો અને મધ્યમ વર્ગીય પરિવારમાં અભ્યાસને મહત્વ આપવામાં આવે છે. તેણે જણાવ્યું કે તે 9મા ધોરણમાં નાપાસ થયો હતો ત્યાર બાદ તેની માતાએ તેને ચપ્પલ વડે માર્યો હતો.
આ પણ વાંચોઃ
Happy Birthday Vijay : એક સમયે કરતો હતો ફોન બુથમાં કામ, આજે છે સાઉથનો સુપરસ્ટાર, કંઈક આવી રહી છે વિજય સેતુપતિની જિંદગી
આ પણ વાંચોઃ