Birthday Special : ‘જય હો’ થી ‘કર હર મેદાન ફતેહ’ સુધી, Sukhwinder Singh ના બહેતરીન ગીતો જે ભરી દેશે તમારામાં એનર્જી

પોતાના મજબૂત અવાજ માટે જાણીતા સિંગર સુખવિંદર સિંહ (Sukhwinder Singh) આજે તેમનો 50 મો જન્મદિવસ ઉજવી રહ્યા છે. સુખવિંદરનો જન્મ 18 જુલાઈ 1971 ના રોજ અમૃતસરમાં થયો હતો. સુખવિંદરે આઠ વર્ષની વયે ગાવાનું શરૂ કર્યું. સુખવિન્દરને તેમની શ્રેષ્ઠ ગાયકી બદલ ઘણા એવોર્ડથી સન્માનિત કરવામાં આવ્યા છે.

સુખવિંદર સિંહે ફિલ્મ કર્માથી બોલિવૂડમાં પ્રવેશ કર્યો હતો. આ ફિલ્મમાં તેમણે કેટલીક લાઈનો બોલી હતી. તે પછી, થોડો સમય સંઘર્ષ કર્યા પછી, તેમણે માધુરી દિક્ષિતની ફિલ્મ ખિલાફમાં આજા સાજન ગાયુ હતું. બસ પછી શું, આ પછી સુખવિન્દરે બોલિવૂડમાં ઘણા સુપરહિટ ગીતો ગાયાં. આજે, સુખવિંદરના જન્મદિવસ પર, ચાલો તમને તેના 10 શ્રેષ્ઠ ગીતો વિશે જણાવીએ.

વો કિસના હૈ ( Woh Kisna Hain)

વિવેક ઓબેરોયની ફિલ્મ કિસનાનું વો કિસના હૈ ગીત ખૂબ પ્રખ્યાત થયું હતું. આ ગીત સુખવિંદર સિંહે ગાયું હતું. તેમની સાથે આયશા દરબાર, ઇસ્માઇલ દરબારનો અવાજ પણ હતો.

છૈંયા-છૈંયા (Chaiyya Chaiyya)

શાહરૂખ ખાનની ફિલ્મ દિલ સેનું ગીત છૈંયા-છૈંયા સુખવિંદર સિંહે ગાયું હતું. આ ગીત સુપરહિટ સાબિત થયું હતું. આ ગીતને શાહરુખ અને મલાઈકા અરોરા પર ફિલ્માવવામાં આવ્યું હતું.

જય હો (Jai Ho)

ફિલ્મ સ્લમડોગ મિલિનિયર ફિલ્મનું જય હો ગીત સુપરહિટ સાબિત થયું હતું. આ ગીત દેશ માટે ઓસ્કર જીતીને આવ્યું હતું. આ ગીત સુખવિંદર સિંહ અને એ.આર રહેમાને ગાયું હતું. આ ગીત દેશની ઓળખ માનવામાં આવે છે.

રમતા જોગી (Ramta Jogi)

ઐશ્વર્યા રાય અને અનિલ કપૂરની ફિલ્મ તાલનું ગીત રમતા જોગી ખૂબ પ્રખ્યાત થયું હતું. આ સુખવિંદર સિંહે અલકા યાજ્ઞિક સાથે મળીને ગાયું હતું.

ચક દે ઈન્ડિયા (Chak de India)

શાહરુખ ખાનની ફિલ્મ ચક દે ઇન્ડિયા આજે પણ દરેકમાં દેશભક્તિને જાગૃત કરે છે. આ ફિલ્મનું ગીત ચક દે ઈન્ડિયા સુખવિંદર સિંહે ગાયું હતું. આજે પણ આ ગીત દરેકનું પ્રિય છે.

કર હર મૈદાન ફતેહ (Kar Har Maidaan Fateh)

રણબીર કપૂરની ફિલ્મ સંજુનું ગીત કર હર મેદાન ફતેહ બધાને પ્રેરણા આપે છે. આ ગીત સુખવિંદર સિંહે ગાયું છે. જો તમે કંઈક કરવા માટે તમારી જાતને પ્રોત્સાહિત કરવા માંગતા હો, તો પછી આ ગીત ચોક્કસપણે સાંભળો.