Akshay Kumar એ અનોખી રીતે ‘Sooryavanshi’ ની રિલીઝ તારીખની કરી જાહેરાત, જુઓ વીડિયો
અક્ષય કુમારે મોસ્ટ અવેઇટેડ ફિલ્મ 'સૂર્યવંશી' ની નવી રિલીઝ ડેટની ઘોષણા કરીને ચાહકોને ભેટ આપી છે.
બોલીવુડના ખેલાડી અક્ષય કુમારે મોસ્ટ અવેઇટેડ ફિલ્મ ‘સૂર્યવંશી’ ની નવી રિલીઝ ડેટની ઘોષણા કરીને રોહિત શેટ્ટીના ચાહકોને તેમના જન્મદિવસની ભેટ આપી છે. ફિલ્મ ‘સૂર્યવંશી’ ના ચાહકો ઘણા સમયથી રાહ જોઇ રહ્યા હતા. અક્ષય કુમારની ફિલ્મ સંપૂર્ણ રીતે તૈયાર છે પરંતુ દરેક વખતે આ ફિલ્મની રિલીઝ ડેટ વધારવામાં આવી હતી. પરંતુ હવે અક્ષય કુમારે કહ્યું છે કે આ ફિલ્મ 30 એપ્રિલના રોજ રીલિઝ થશે. આ માહિતી આપતાં અક્ષયે એક વીડિયો પણ શેર કર્યો છે.
https://twitter.com/akshaykumar/status/1370952829221826562
વચન પૂર્ણ થયું
વીડિયો શેર કરતાં અક્ષય કુમારે કેપ્શનમાં લખ્યું, ‘અમે તમને વચન આપ્યું હતું કે ફિલ્મ’ સૂર્યવંશી ‘નો આનંદ ચાહકો થિયેટરોમાં ઉઠાવશે. તમારી રાહ હવે પૂરી થઈ છે. આવી રહી છે પોલીસ વુમન … પોલીસ ઓફિસર …. ફિલ્મ ‘સૂર્યવંશી’ 30 એપ્રિલ 2021 ના રોજ દેશભરમાં રિલીઝ થશે. 30 એપ્રિલે, તમે બધા તમારા નજીકના થિયેટરોમાં ‘સૂર્યવંશી’ ફિલ્મનો આનંદ માણી શકશો.’
ટ્રેલરને 8 કરોડથી વધુ વ્યૂ મળી ગયા છે
રોહિત શેટ્ટીની આ ફિલ્મમાં અક્ષય કુમાર અને કેટરિના કૈફ મુખ્ય ભૂમિકામાં છે. આ સિવાય જેકી શ્રોફ, અજય દેવગન અને રણવીર સિંહ જેવા કલાકારો પણ આ ફિલ્મમાં મહત્વપૂર્ણ ભૂમિકામાં જોવા મળશે. ગયા વર્ષે યુટ્યુબ પર રિલીઝ થયેલું ટ્રેલર અત્યાર સુધીમાં લાખો વખત જોવામાં આવ્યું છે. આ ટ્રેલરને અત્યાર સુધીમાં 8 કરોડ 86 લાખથી વધુ વ્યૂ મળી ચૂક્યા છે. તે જણાવી રહ્યુ છે કે ફિલ્મને લઈ લોકો કેટલા ઉત્સાહી છે.
Latest News Updates
