SCAM 1992 પછી હવે આ ફિલ્મમાં જોવા મળશે પ્રતિક ગાંધી, જેકી શ્રોફ સાથે કરી રહ્યા છે શૂટિંગ

Scam 1992થી ભારતભરમાં અભિનયનો ડંકો વગાડ્યા બાદ ગુજરાતી કલાકાર પ્રતિક ગાંધી નવા પ્રોજેક્ટ પર કામ કરી રહ્યા છે. આ નવી ફિલ્મમાં તેઓ જેકી શ્રોફ સાથે જોવા મળશે. આમ જોવા જઈએ તો આ ફિલ્મમાં ત્રણ જનરેશનના ગુજરાતી એક્ટર જોવા મળશે. ફિલ્મનું નામ છે “અતિથી ભૂતો ભવ’. આ એક કોમેડી ફિલ્મ હશે જેને લઈને પ્રતિક ખુબ એકસાઈટેડ છે.

જેકી શ્રોફ સાથે કરી રહ્યા છે શૂટ

ડિરેક્ટર હાર્દિક ગજ્જર આ ફિલ્મને નિર્દેશ કરશે. જાણકારી મુજબ જેકી શ્રોફના પિતા ગુજરાતી હતા. જ્યારે શર્મીન સેગલ પણ આમ જોવા જઈએ તો ગુજરાતી છે. શર્મીન સંજય લીલા ભંસાલીની ભણી છે. આ ત્રણ એક્ટર આ ફિલ્મમાં જોવા મળશે. કહેવામાં આવી રહ્યું છે કે ત્રણે એક્ટર મથુરામાં ફિલ્મનું શૂટિંગ કરી રહ્યા છે. આ એક કોમેડી ફિલ્મ હશે.

સ્કેમ 1992થી પ્રિતિક ગાંધી ખૂબ પ્રખ્યાત થયા છે. લોકોને તેનું કામ ખૂબ ગમ્યું છે. આવી સ્થિતિમાં, ચાહકો હવે આતુરતાથી તેમના અન્ય પ્રોજેક્ટ્સની રાહ જોઈ રહ્યા છે. આ બાજુ ગુજરાતમાં તો તેઓ પોતાના અભિનયનો ડંકો વગાડી જ ચુક્યા છે. રોંગ સાઈડ રાજુને ભાગ્યે જ કોઈ હશે જે ઓળખતું નહીં હોય.