Special Ops Web Series ‘ધ હિંમત સ્ટોરી’ માં જોવા મળશે Aftab Shivdasani

આફતાબ શિવદાસાની હવે ડિઝની પ્લસ હોટસ્ટારની વેબ સિરીઝ સ્પેશિયલ ઓપ્સ પર એન્ટ્રી થવાની ખબર છે. આફતાબ શ્રેણીનો આગળનો ભાગ સ્પેશિયલ ઓપ્સ 1.5 ધ હિંમત સ્ટોરીનો ભાગ બન્યા છે, જેમાં મુખ્ય પાત્ર હિંમત સિંહની વાર્તા દર્શાવવામાં આવશે. આફતાબે ઝી 5 ની સીરીઝ પોઈઝન 2 થી ડિજિટલ પ્રવેશ કર્યો હતો.

સ્પેશિયલ ઓપ્સ વેબ સિરીઝના નિર્માતાઓ સ્પેશ્યલ ઓપ્સ યુનિવર્સનું નિર્માણ કરી રહ્યા છે, જે અંતર્ગત શ્રેણીના મુખ્ય પાત્રોની વાર્તાઓને મિનિ-શ્રેણી તરીકે રજૂ કરવામાં આવશે. તેની શરૂઆત હિંમતસિંહની ભૂમિકાથી થાય છે. આ પાત્ર કે.કે. મેનન દ્વારા સ્પેશિયલ ઓપ્સ સિઝન 1 માં ભજવાયું હતું.

‘સ્પેશિયલ ઓપ્સ સિઝન 1.5: ધ હિંમત સ્ટોરી’ ની વાર્તા 2001 માં સેટ થઈ હતી. જ્યારે હિંમતે રો એજન્ટ તરીકેની કારકીર્દિની શરૂઆત કરી હતી. શો આ વર્ષના અંત સુધીમાં રજૂ કરવામાં આવશે. આમાં દર્શકોને હિંમતસિંહની પાછળની વાર્તા જોવા મળશે. આ શ્રેણી હિંમત સિંહના નવા કેસથી શરૂ થશે, પરંતુ સંસદના હુમલાની ઘટનાથી વળાંક આવશે. આ વાર્તા લગભગ એક કલાકના ત્રણ એપિસોડમાં બતાવવામાં આવશે.

આ શ્રેણીનું આંતરરાષ્ટ્રીય સ્થળોએ પણ મોટા પ્રમાણમાં શૂટિંગ કરવામાં આવશે. ગત વર્ષે માર્ચમાં સ્પેશિયલ ઓપ્સ સિઝન -1 રજૂ કરવામાં આવી હતી, જેમાં કુલ આઠ એપિસોડ હતા. કે.કે. મેનન સાથેની પ્રથમ સીઝનમાં કરણ ટૈકર, વિનય પાઠક, વિપુલ ગુપ્તા, સંયમી ખેર, મેહર વિજ, ગૌતમી કપૂર, સના ખાન, પરમીત સેઠી અને દિવ્યા દત્તા જેવા કલાકારો અલગ અલગ ભૂમિકામાં જોવા મળ્યા હતા.