TV9 GUJARATI | Edited By: Jalkruti Mehta
Apr 06, 2022 | 5:58 PM
બોલિવૂડ (Bollywood) એક્ટ્રેસ કંગના રનૌત (Kangana Ranaut) હંમેશા વર્તમાન બાબતો અને રાજકારણ પર તેના વિવાદાસ્પદ નિવેદનોને કારણે ચર્ચામાં રહે છે. જો કે, અભિનેત્રીના હજારો ચાહકો તેમજ વિવેચકો છે જેના કારણે તે ઘણીવાર ઇન્ટરનેટ પર ચર્ચાનો વિષય બને છે. સોશિયલ મીડિયા પ્લેટફોર્મ પર વાયરલ થઈ રહેલા તાજેતરના પાપારાઝી વિડિયોમાં, કંગનાનો પત્રકારો સાથેનો ખરાબ વ્યવહાર જોયા બાદ નેટિઝન્સ તેને સોશિયલ મીડિયા પર ખૂબ ટ્રોલ (Trolling) કરી રહ્યા છે. કંગના રનૌત તાજેતરમાં ‘RRR’ અને ‘ધ કાશ્મીર ફાઇલ્સ’ મૂવી પર તેની ટિપ્પણીના કારણે ઘણી ચર્ચામાં આવી હતી.
View this post on Instagram
અભિનેત્રી કંગના તાજેતરમાં તેના લોકપ્રિય વેબ શો ‘લોક અપ’ને હોસ્ટ કરી રહી છે, જે છેલ્લા કેટલાક દિવસોમાં રેકોર્ડ-બ્રેકિંગ TRPનો અનુભવ કરી રહી છે. તેણીને વારંવાર શોમાં કેદીઓને તેમના ખરાબ વ્યહહાર માટે સજા આપતી જોવા મળી છે. પ્રેક્ષકોનું મનોરંજન કરવા માટે તેમને મનોરંજક કાર્યો આપે છે. કંગનાને તાજેતરમાં એક સ્પર્ધક, સાયશા શિંદે સાથે ખરાબ દલીલ કરતા પણ જોવામાં આવી હતી, જેના પછી સાયશાને ટૂંકા ગાળા માટે શોમાંથી કાઢી મૂકવામાં આવી હતી.
યુટ્યુબ પર વાયરલ થયેલી ક્લિપમાં, કંગના રનૌત તેના વાહનને બિલ્ડિંગની બાજુમાં પાર્ક કર્યા પછી તેમાંથી બહાર નીકળતી જોઈ શકાય છે. ફોટોગ્રાફર્સ તેના ગેટની બહાર જ ભીડ જમા કરીને કંગનાને તસવીરો લેવા માટે વિનંતી કરે છે. જો કે, કંગનાનો મૂડ ખરાબ હોય તેમ, તેણીએ તમામ પત્રકારોને પૂછ્યું કે, ”શું તમે રોજ મારા ઘર આગળ એકઠા થશો?”
View this post on Instagram
આ વાયરલ વિડીયો નિહાળ્યા બાદ, લોકો કંગના પર ખૂબ ગુસ્સે થયા છે. એક યુઝરે લખ્યું કે, ”મેડમ, તમે હવે હદ્દ વટાવી રહ્યા છે.” જ્યારે બીજાએ લખ્યું કે, ”કંગનાની પ્રાયવસીનો મુદ્દો વ્યાજબી છે.” ત્રીજાએ લખ્યું કે, ”ત્તું સની લિયોનીની જેમ વિનમ્ર નથી.” એક વ્યક્તિએ લખ્યું કે, ”તેજસ્વી અને કરન કુન્દ્રા બેસ્ટ કપલ છે, તેઓ વિનમ્ર છે.”
આ પણ વાંચો – Allu Arjun: કાળા કાચની કારમાં અલ્લુ અર્જુનને ફરવું મોંઘું પડ્યું, પોલીસે આપ્યું ચલણ
