2 પગ, 4 હાથ અને 2 હૃદય ! જોડિયા ભાઈઓની અનોખી કહાની, બે અલગ અલગ વોટર કાર્ડથી પહેલીવાર કરશે મતદાન

સોહન સિંહ અને મોહન સિંહનો જન્મ જૂન 2003માં દિલ્હીમાં થયો હતો અને તેમના માતા-પિતાએ તેમને ત્યજી દીધા હતા. તેમનો ઉછેર અમૃતસરના એક અનાથાશ્રમ દ્વારા થયો અને તાજેતરમાં જ તેમને સરકારી નોકરી મળી છે.

Punjab Conjoined twins get separate voter cards (Image- Twitter)

TV9 Gujarati | Edited By: Bipin Prajapati | Updated on: Jan 26, 2022 | 2:53 PM

Punjab Assembly Election 2022: પંજાબના મુખ્ય ચૂંટણી અધિકારી એસ કરુણા રાજુએ મંગળવારે અમૃતસરના પ્રખ્યાત જોડિયા ભાઈઓ સોહન સિંહ અને મોહન સિંહને બે અલગ-અલગ ફોટો ઓળખ કાર્ડ આપ્યા. આ બે જોડિયા ભાઈઓ(Conjoined Twins) એક શરીર સાથે જોડાયેલા છે અને પ્રેમથી સોહના-મોહના(Sohna-Mohna) તરીકે ઓળખાય છે. ભારતના ચૂંટણી પંચે સોહના અને મોહનાને અલગ-અલગ મતદારો માન્યા અને તે બંનેને વ્યક્તિગત મતદાનનો અધિકાર આપવાનું નક્કી કર્યું. બંને ભાઈઓ ગયા વર્ષે જ 18 વર્ષના થયા હતા. સોહન સિંહ અને મોહન સિંહનો જન્મ જૂન 2003માં દિલ્હીમાં થયો હતો અને તેમના માતા-પિતાએ તેમને ત્યજી દીધા હતા.

એસ કરુણા રાજુએ કહ્યું કે સોહના અને મોહના માટે ખાસ વ્યવસ્થા કરવામાં આવશે જેથી બંને અલગ-અલગ મતદાન કરી શકે. સોહન સિંહ(Sohan Singh) અને મોહન સિંહનો(Mohan Singh) ઉછેર અમૃતસરના(Amritsar) એક અનાથાશ્રમ(Orphanage) દ્વારા થયો હતો. તાજેતરમાં જ તેમને સરકારી નોકરી મળી છે. બંને જોડિયા ભાઈઓના દિલ અલગ છે પણ પેટ એક જ છે. જોકે આ બંનેની પસંદ એકદમ અલગ છે. એક ટીવી શો દરમિયાન બંનેએ કહ્યું હતું કે એકને પિઝા પસંદ છે જ્યારે બીજાને ડોસા ખાવાનું પસંદ છે.

O/o @TheCEOPunjab today celebrated 12th National Voters’ Day virtually with election officials from all the 23 Districts of Punjab. Get ready to vote on 20 Feb, 2022#NVD2022 #COVIDsafeElections #TheCEOPunjab #PunjabVotes2022 @ECISVEEP @SpokespersonECI @rajivkumarec @DDNewslive pic.twitter.com/ceAPSkG5Zl

— Chief Electoral Officer, Punjab (@TheCEOPunjab) January 25, 2022

આઈટીઆઈ પછી નોકરી

સોહન સિંહ અને મોહન સિંહે ITI કર્યા પછી ઇલેક્ટ્રિકલ એન્જિનિયરિંગનો ડિપ્લોમા કોર્સ કર્યો અને પછી પરીક્ષા પાસ કરીને સરકારી નોકરી મેળવી. સોહન સિંહ અને મોહન સિંહ ગાવાના પણ શોખીન છે. તે શંકર મહાદેવનને પોતાના ગુરુ માને છે અને તેમનું માનવું છે કે તેઓ પ્લેલિસ્ટમાંથી ગીતો શીખી રહ્યા છે.

હકીકતમાં, બંનેના જન્મ પછી, તેમના ડૉક્ટરે કહ્યું હતું કે તેઓ બંને લાંબા સમય સુધી જીવશે નહીં. જન્મ પછી ભણેલા હોવા છતાં બંનેને માતા-પિતાએ તરછોડી દીધા હતા. પરિવાર દ્વારા ત્યજી દેવામાં આવ્યા પછી, અમૃતસરમાં એક એનજીઓ દ્વારા તેમની સંભાળ લેવામાં આવી અને તેમનો ઉછેર કરવામાં આવ્યો.

આ પણ વાંચો: