ગુજરાત વિધાનસભા ચૂંટણીના પ્રથમ તબક્કાના મતદાનને હવે ગણતરીના દિવસો બાકી છે. દરેક રાજકીય પાર્ટી પ્રચાર અને પ્રસાર થકી મતદારોની નજીક પહોંચી રહી છે. ત્યારે એ પણ જાણી લો કે કઈ રાજકીય પાર્ટીના કયા કરોડપતિ ઉમેદવારો છે અને કોની પાસે સાવ સામાન્ય મિલકત છે. ચૂંટણીમાં નાણાની રેલમછેલ હોય છે, ત્યારે વિવિધ રાજકીય પક્ષોના ઉમેદવારોએ જાહેર કરેલી તેમની મિલકતોના આંકડા પ્રમાણે એ જાણવું રસપ્રદ બની રહેશે કે કઈ પાર્ટી પાસે કરોડપતિ ઉમેદવાર છે અને કોની પાસે મિલકત વગરના ઉમેદવાર છે તો ક્યા પક્ષમાં મહિલાઓ પાસે સૌથી વધુ મિલકત છે.
મુખ્ય પક્ષોની વાત કરીએ તો ભાજપના 89 ઉમેદવારોમાંથી 79 ઉમેદવાર એટલે કે ટકાવારીની રીતે જોઈએ તો આશરે 98 ટકા કરોડપત્તિ ઉમેદવાર છે, જ્યારે કોંગ્રેસના 89 ઉમેદવારોમાંથી 65 ઉમેદવાર એટલે કે આશરે 73 ટકા કરોડપતિ છે અને AAPના 88 ઉમેદવારોમાંથી 33 ઉમેદવાર એટલે કે 38% ટકા ઉમેદવાર કરોડ ઉપર સંપત્તિ ધરાવે છે.
સરેરાશ મિલકત જોઈએ તો પ્રથમ તબક્કામાં ચૂંટણી લડતા ઉમેદવારોની સરેરાશ મિલકત 2.88 કરોડ છે. વર્ષ 2017માં આ રકમ 2.16 કરોડ હતી. સરેરાશ મિલકત પક્ષ પ્રમાણે BJPના કુલ 89 ઉમેદવારોની સરેરાશ મિલકત 13.40 કરોડ થાય છે, જ્યારે ભાજપના 89 ઉમેદવારોની સરેરાશ મિલકત 8.38 કરોડ હતી. AAPના 88 ઉમેદવારોની સરેરાશ મિલકત 1.99 કરોડ છે, જ્યારે ભારતીય ટ્રાયબલ પાર્ટીના 14 ઉમેદવારોની સરેરાશ મિલકત 23.39 લાખ છે.
જો ઉમેદવાર પ્રમાણે સંપત્તિ પર નજર કરીએ તો પ્રથમ તબક્કામાં 211 ઉમેદવારો કરોડ પતિ હોવાનું સામે આવ્યું. પ્રથમ તબક્કાના 27 ટકા ઉમેદવાર કરોડપતિ છે
બહુજન સમાજ પાર્ટીના તાપીના રાકેશ ગામીત પાસે નોંધાયેલી કુલ મિલકત માત્ર 1000 રૂપિયા જ છે. જ્યારે ભાવનગરના અપક્ષ ઉમેદવાર જયા બોરીચા પાસે 3000 રૂપિયાની મિલકત નોંધાઈ હતી.
રાજકોટ પૂર્વના કોંગ્રેસના ઉમેદવાર ઇન્દ્રનીલ રાજ્યગુરુ
કચ્છના રાપરના કોંગ્રેસ ઉમેદવાર બચુ અરેઠીયા
સોમનાથ જિલ્લાની ગીર સોમનાથના આમ આદમી પાર્ટીના ઉમેદવાર જગમલ વાળા