વિદ્યાર્થીઓ માટે ખાસ : GATE પરીક્ષા પેટર્નમાં થયો ફેરફાર, આ બે નવા વિષયોનો થયો સમાવેશ

GATE Exam Pattern 2022: IIT ખડગપુરે સત્તાવાર વિગતો સાથે GATE 2022 ની નવી પરીક્ષા પેટર્ન (GATE Exam Pattern) બહાર પાડી છે. આ વખતે GATE 2022 પરીક્ષામાં બે નવા વિષયો ઉમેરવામાં આવ્યા છે, જેમાં મરીન એન્જિનિયરિંગ અને જિયોમેટિક્સ એન્જિનિયરિંગનો સમાવેશ થાય છે. GATE 2022 પરીક્ષા પેટર્નમાં પૂછાયેલા પ્રશ્નોની સંખ્યા, વિભાગો, ગુણ યોજના અને અન્ય સંબંધિત વિગતોનો સમાવેશ થાય છે. જે વિદ્યાર્થીઓ GATE પરીક્ષાની તૈયારી કરી રહ્યા છે, તેમના માટે આ નવી પેટર્નને જાણવી ખૂબ જ મહત્વપૂર્ણ છે.

GATE પરીક્ષાની તૈયારી કરી રહેલા ઉમેદવારો માટે GATE  પરીક્ષા પેટર્ન વિશે અહીં સંપૂર્ણ માહિતી આપવામાં આવી છે.GATE પરીક્ષા પેટર્નની મદદથી, ઉમેદવારો GATE પરીક્ષા સંબંધિત ઘણી મહત્વપૂર્ણ વિગતો જાણી શકે છે.

GATE પરીક્ષા પેટર્ન

પરીક્ષા પદ્ધતિ- Computer Based Test (ઓનલાઈન)

સમયગાળો- 3 કલાક

GATE 2022 કુલ પેપર – 29 Papers

વિભાગ- જનરલ એપ્ટિટ્યુડ (GA)

ઉમેદવાર પસંદ કરેલ વિષય- પ્રશ્નોનો પ્રકાર- બહુવિધ પસંદગીના પ્રશ્નો (MCQs)

પ્રશ્નોની સંખ્યા- 65 પ્રશ્નો (સામાન્ય યોગ્યતાના 10 પ્રશ્નો સહિત)

કુલ ગુણ-100

નેગેટિવ માર્કિંગ

વિદ્યાર્થીઓ સત્તાવાર વેબસાઇટ પરથી એડમિટ કાર્ડ ડાઉનલોડ કરી શકે છે

GATEની પરીક્ષા 5 ફેબ્રુઆરી, 2022થી શરૂ થશે, જે 13 ફેબ્રુઆરી સુધી ચાલશે. પરીક્ષા દરરોજ બે શિફ્ટમાં લેવામાં આવશે. પ્રથમ પાળીની પરીક્ષા સવારે 9 થી બપોરે 12 વાગ્યા સુધી લેવામાં આવશે. જ્યારે બીજી શિફ્ટની પરીક્ષા બપોરે 2.30 થી 5 દરમિયાન લેવામાં આવશે. પરીક્ષા માટે એડમિટ કાર્ડ પહેલેથી જ જાહેર કરવામાં આવ્યા છે. વિદ્યાર્થીઓ સત્તાવાર વેબસાઇટ પરથી એડમિટ કાર્ડ ડાઉનલોડ કરી શકે છે.

GATE પરીક્ષાથી ટોચની કંપનીઓમાં સીધી નોકરી

જો તમે વિજ્ઞાન વિષય લઈને તમારી એન્જીનિયરિંગ અને ગ્રેજ્યુએશનની ડીગ્રી પાસ કરી લીધી હોય તો GATE માટેની તૈયારી શરૂ કરી દો. ગેટ પરીક્ષા એક એવી પરીક્ષા છે જે પાસ થયા બાદ તેના ઘણા ફાયદા છે. GATE પરીક્ષા પાસ કર્યા પછી, તમે માત્ર દેશની ટોચની સંસ્થાઓમાં જ પ્રવેશ મેળવી શકતા નથી, પરંતુ દેશની ટોચની કંપનીઓમાં સીધી નોકરી પણ મેળવી શકો છો.

આ પણ વાંચો : Naukari News: બેન્કિંગ ક્ષેત્રે નોકરીની ખાસ તકો, 1 થી 5 લાખ સુધીનો મળશે પગાર