જો તમે UGC NET પરીક્ષા પાસ કરવા માંગો છો, તો આ ભૂલ ન કરો, જુઓ છેલ્લી ઘડીની ટીપ્સ
UGC નેટની પરીક્ષા 6 ડિસેમ્બરથી શરૂ થવાની છે. 83 વિષયોની પરીક્ષા 14 ડિસેમ્બર 2023 સુધી પુરી કરી દેવામાં આવશે. પરીક્ષા શરૂ થવાના એક કલાક પહેલા પરીક્ષા કેન્દ્ર પર પહોચી જવું જોઈએ. એડમિટ કાર્ડની સાથે, PAN કાર્ડ, ડ્રાઇવિંગ લાયસન્સ, મતદાર ઓળખ કાર્ડ, પાસપોર્ટ, આધાર કાર્ડ અને પાસપોર્ટ સાઇઝના ફોટોગ્રાફ સાથે પરીક્ષા કેન્દ્ર પર જવું.
યુનિવર્સિટીઓ અને કોલેજોમાં આસિસ્ટન્ટ પ્રોફેસર બનવાનું સપનું જોતાં યુવાનોએ કમર કસી લેવી જોઈએ. આગામી સપ્તાહથી UGC NET એક્ઝામ 2023 શરૂ થવા જઈ રહી છે. નેશનલ ટેસ્ટિંગ એજન્સી દ્વારા 6 ડિસેમ્બરથી પરીક્ષા લેવામાં આવશે. આ પરીક્ષામાં આપવા જતાં યુવાનો માટે અહીં પરીક્ષા સંબંધિત કેટલીક ટિપ્સ આપી છે.
ટેસ્ટિંગ એજન્સી બે શિફ્ટમાં ભાષાના પેપર અને અન્ય વિષયો માટે UGC NET પરીક્ષાનું આયોજન કરશે. લાયક ઉમેદવારોને પરીક્ષામાં તેમના પ્રદર્શનના આધારે જુનિયર રિસર્ચ ફેલોશિપ (JRF) અથવા મદદનીશ પ્રોફેસરશિપ આપવામાં આવશે. પરીક્ષા માટેની ટીપ્સ આગળ જોઈ શકાય છે.
આ બાબતોને ધ્યાનમાં રાખવી જોઈએ
- પરીક્ષા માટે હાજર રહેલા ઉમેદવારોએ તેમના એડમિટ કાર્ડ પર દર્શાવેલી તારીખ, શિફ્ટ, સમય અને શિસ્ત કાળજીપૂર્વક ચેક કરવા જોઈએ.
- એડમિટ કાર્ડની સાથે, પાન કાર્ડ, ડ્રાઇવિંગ લાયસન્સ, મતદાર આઈડી કાર્ડ, પાસપોર્ટ, આધાર કાર્ડ (ફોટો સાથે), આધાર નોંધણી નંબર, રેશન કાર્ડમાંથી કોઈપણ એકની ઓરિઝિનલ નકલ સાથે રાખવી જોઈએ.
- પરીક્ષા શરૂ થવાના એક કલાક પહેલા પરીક્ષા કેન્દ્રને પર પહોંચી જાઓ. જેથી કરીને ચેકિંગ તેમજ રજીસ્ટ્રેશનની ઔપચારિકતા સમયસર સારી રીતે પૂર્ણ કરી શકાય. પરીક્ષાના 30 મિનિટ પહેલા સેન્ટર બંધ કરી દેવામાં આવશે.
- ઉમેદવારોએ ઘરેથી વહેલું નીકળવું જોઈએ. જેથી કરીને ટ્રાફિક જામ, ટ્રેન/બસ વિલંબ વગેરે જેવા કોઈપણ કારણોસર સમયસર જાણ કરવામાં નિષ્ફળ જાય, તો તેઓ પરીક્ષા ખંડમાં જાહેર કરવામાં આવતી કેટલીક સામાન્ય સૂચનાઓ ચૂકી શકે છે.
એક્ઝામ પાસ કરવા માટેની છેલ્લી ઘડીની ટીપ્સ
UGC NET એક્ઝામ દરમિયાન તમારી પાસે જે સમય છે અને તે સમયમાં તમારે કેટલા પ્રશ્નોના જવાબ આપવાના છે તેને સમય મુજબ ભાગ પાડી લો. ક્યા ભાગમાં કેટલો સમય રહેવું તે નક્કી કરો અને આ સમય પૂરો થયા પછી કંઈપણ કરો સોલ્વ ના થાય તો આગળના પ્રશ્નો પર આવો.
ઓછા સમય લાગે તેવા પ્રશ્નો પહેલા કરો સોલ્વ
ઘણી વખત ઉમેદવારો અમુક ભાગોમાં એટલો સમય આપે છે કે બાકીનું પેપર રહી જાય છે. આને ટાળો અને મોક ટેસ્ટ આપતી વખતે દરેક ભાગ માટે સમયનું મેનેજમેન્ટ કરવાનું શીખો અને મુખ્ય પેપરના દિવસે પણ આ રીતને ફોલો કરવી. પેપરમાં ઘણા એવા પ્રશ્નો છે જે સોલ્વ કરવા માટે વધારે સમયની જરૂર નથી પડતી અથવા ઓછો સમય લાગી શકે છે. પહેલા આવા પાર્ટ્સ સોલ્વ કરો અને એવા પ્રશ્નો છેલ્લે રાખો જેમાં વધારે સમય લાગે.
