દિવાળીનો તહેવાર હવે દૂર નથી. ત્યારે દિવાળીના તહેવારને લઈને વડોદરામાં કોઈપણ પ્રકારના અનિચ્છનિય બનાવ ના બને તે માટે પોલીસે ખાસ એક્શન પ્લાન બનાવ્યો છે. જેના પગલે સ્પેશિયલ પેટ્રોલિંગ પ્લાન તૈયાર કરવામાં આવ્યો છે. જેમાં 100 વેન અને 100 બાઈક દ્વારા શહેરના નક્કી કરેલા વિવિધ વિસ્તારોમાં પેટ્રોલિંગ થશે અને નક્કી કરેલા 58 પોઈન્ટ સહિત શહેરના આંતરિક રસ્તાઓમાં રાત્રે 12 વાગ્યાથી વાહનોનું ચેકિંગ પણ કરાશે.
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો
સાથે જ તહેવારને લઈને જવેલર્સ એસોસિયેશન અને આંગડિયા પેઢીના માલિકો સાથે ખાસ બેઠક પણ કરવામાં આવી હતી. દુકનોમાં સીસીટીવી અને સીક્યોરિટી સજ્જ રાખવાની સૂચના આપી હતી, સાથે જ જો માલ-સામાનની અવર જવર કરવા કોઈ સોની દ્વારા પોલીસ બંદોબસ્ત માંગવામાં આવશે તો તે વિના મૂલ્યે બંદોબસ્ત આપવાની જાહેરાત પણ કરવામાં આવી છે.
વડોદરા પોલીસના આ નિર્ણયને શહેરના જ્વેલર્સ એસોસિયેશને પણ આવકાર્યો છે અને પોલીસના એક્શન પ્લાન વેપારીઓ માટે પણ યોગ્ય સાબિત થશે તેવો વિશ્વાસ વ્યક્ત કર્યો હતો.
રોચક VIDEO જોવા માટે TV9Gujaratiના YOUTUBE પેજને SUBSCRIBE કરો
Published On - 3:49 am, Thu, 17 October 19