દુનિયાભરમાં દિવાળીની ધામધૂમથી ઉજવણી, લંડન, દુબઇ, અમેરિકા અને કેનેડામાં દિવાળીનો ભારે ઉત્સાહ

અમેરિકા, કેનેડા, લંડન સહિત વિશ્વભરમાં દિવાળીની ઉજવણી થઈ રહી છે. યુકેના નાણાપ્રધાન ઋષિ સુનક દિવાળીના તહેવાર પહેલાં લંડનમાં તેમના સત્તાવાર નિવાસસ્થાન ડાઉનિંગ સ્ટ્રીટમાં 11 નંબરના દરવાજા બહાર દીપ પ્રગટાવ્યા. ભારતીય મૂળના ઋષિ સુનક નાણાં પ્રધાન છે. સુનક ઈન્ફોસિસના સહ-સંસ્થાપક નારાયણ મૂર્તિના જમાઈ છે. લંડનમાં ડાઉનિંગ સ્ટ્રીટમાં યુનાઇટેડ કિંગ્ડમના વડાપ્રધાન અને એક્ઝિક્યુટિવ ચાન્સેલરનાં નિવાસસ્થાન અને ઓફિસ છે. તો કેનેડાના PM ટ્રુડોએ દીપ પ્રગટાવતી તસવીરો વાયરલ કરી. કેનેડાના વડાપ્રધાને દિવાળીની શુભેચ્છા પાઠવી. અને કહ્યું કે ભારતીય સંસ્કૃતિ અને પરંપરા સમગ્ર વિશ્વનું ધ્યાન આકર્ષિત કરે છે.

દુબઈમાં પણ મોટી સંખ્યામાં ભારતીયો દિવાળી પર્વ ઉજવવા એકઠા થયા. પામ જુમૈરા ખાતે ભવ્ય આતશબાજી કરવામાં આવી. ભારતીયોએ આતશબાજી માણીને એકબીજાને દિવાળી પર્વની શુભેચ્છા પાઠવી. આ શુભ પ્રસંગે ભારતીય શાસ્ત્રીય સંગીત અને નૃત્યની રોનક પણ જોવા મળી.