અંબાજી નજીક રાજસ્થાન સરહદ પર પોલીસની સતર્કતા, દિવાળીને લઇને ભાંગફોડિયા તત્વો પર બાજ નજર

દિવાળીના તહેવારોને હવે ગણતરીના દિવસો જ બાકી રહ્યા છે. ત્યારે રાજ્યમાં વિવિધ જાહેર સ્થળો અને મોટા યાત્રાધામોમાં કોઈ ભાંગ-ફોડીયા પ્રવૃતિઓ કરનારા લોકોનો મનસૂબો પાર ન પડે તે માટે પોલીસ સતર્ક બની છે. અંબાજી નજીકની સરહદ છાપરી કે જ્યાં ગુજરાત અને રાજસ્થાનની સરહદ આવેલી છે. તેવી ચેકપોસ્ટ ઉપર રાજસ્થાન તરફથી આવતા તમામ શંકાસ્પદ વાહનોની તપાસ કામગીરી પોલીસ દ્વારા હાથ ધરાઇ છે. અંબાજી પોલીસ દ્વારા નાના વાહનો જ નહીં, પણ મોટા ટ્રક અને લક્ઝરી બસની પણ તપાસ કરી રહી છે. જેથી દારૂ કે હથિયારો અન્ય રાજ્યમાંથી ગુજરાતમાં ન પ્રવેશે.