ભારત દૂધ ક્ષેત્રે બાદશાહ છે પરંતુ 10 વર્ષનો લક્ષ્યાંક સામે રાખીને કામ કરવાની જરૂર છે: નરેન્દ્રસિંહ તોમર

Animal Husbandry: કેન્દ્રીય મંત્રી તોમરે કહ્યું કે કૃષિ ક્ષેત્રે માત્ર પાક જ નહીં, પરંતુ પશુપાલનને પણ સમાન મહત્વની સાથે જોવું પડશે, જે આપણી સંસ્કૃતિનો એક ભાગ રહ્યો છે. પશુપાલન ક્ષેત્રે સંશોધનનું મહત્વ એટલું જ છે જેટલું ખેતીનું છે.

ભારત દૂધ ક્ષેત્રે બાદશાહ છે પરંતુ 10 વર્ષનો લક્ષ્યાંક સામે રાખીને કામ કરવાની જરૂર છે: નરેન્દ્રસિંહ તોમર
Union Agriculture Minister Narendra Singh TomarImage Credit source: TV9 Digital
Follow Us:
TV9 Gujarati
| Edited By: | Updated on: Jul 02, 2022 | 2:41 PM

કેન્દ્રીય કૃષિ પ્રધાન નરેન્દ્ર સિંહ તોમરે કહ્યું છે કે ભારત સૌથી વધુ કૃષિ ઉત્પાદનોના સંદર્ભમાં વિશ્વમાં પ્રથમ ક્રમે છે, જ્યારે આ સ્થિતિમાં ઉત્પાદનોની ગુણવત્તા જાળવી રાખવી વધુ જરૂરી છે. આજે ભારત દૂધ ઉત્પાદન(Milk production)ની બાબતમાં વિશ્વમાં અગ્રેસર છે, પરંતુ આપણે સતત કામ કરતા રહેવાની જરૂર છે. આ મોટી સિદ્ધિમાં ખેડૂતોની મહેનત અને વૈજ્ઞાનિકોના સંશોધનનો અભૂતપૂર્વ યોગદાન છે. આજે આપણા દેશમાં તમામ પ્રકારના સાધનો અને જ્ઞાન-વિજ્ઞાન ઉપલબ્ધ છે.

આવી સ્થિતિમાં આગળની પ્રગતિ ઝડપથી થવી જોઈએ. સામે દસ વર્ષનો ટાર્ગેટ રાખીને કામ કરવાની જરૂર છે. સમસ્યાઓનું નિરાકરણ સતત થવું જોઈએ. તેઓએ નેશનલ ડેરી રિસર્ચ ઇન્સ્ટિટ્યૂટ (NDRI), કરનાલ, હરિયાણાના શતાબ્દી વર્ષની ઉજવણીને સંબોધિત કર્યું હતું.

તોમરે કહ્યું કે વર્ષ 1923માં સ્થપાયેલ એનડીઆરઆઈ શિક્ષણ, સંશોધન, વિસ્તરણ શિક્ષણમાં અગ્રણી સંસ્થા બની ગઈ છે. તેમણે કહ્યું કે NDRI એક એવી સંસ્થા છે, જે દૂધ ઉત્પાદનના ક્ષેત્રમાં ઘણી સિદ્ધિઓ ધરાવે છે. તોમરે NDRIના શતાબ્દી વર્ષ દરમિયાન કાર્યક્રમો માટે ICARને સંપૂર્ણ સહકાર આપવા જણાવ્યું હતું. તેમણે કહ્યું કે 100માં વર્ષમાં NDRIએ દેશના 100 ગામોને દત્તક લઈને પશુપાલનનો વિકાસ કરવો જોઈએ, જેથી આ ગામો આસપાસ સકારાત્મકતા ફેલાશે.

આ પણ વાંચો

માત્ર પાક જ નહીં, પશુપાલન પણ મહત્વનું છે

એનડીઆરઆઈના ઓડિટોરિયમમાં અધ્યાપકો, કર્મચારીઓ, વિદ્યાર્થીઓ અને ખેડૂતોને સંબોધતા કેન્દ્રીય મંત્રી તોમરે કહ્યું કે કૃષિ ક્ષેત્રે માત્ર પાક જ નહીં, પરંતુ પશુપાલનને પણ સમાન મહત્વની સાથે જોવું પડશે, જે આપણી સંસ્કૃતિનો એક ભાગ રહ્યો છે. પશુપાલન ક્ષેત્રે સંશોધનનું મહત્વ એટલું જ છે જેટલું ખેતીનું છે, એટલે જ NDRIની સ્થાપના કરવામાં આવી. જે રીતે ખેતીમાં સંશોધન કરી રહેલા આપણા વૈજ્ઞાનિકોએ પોતપોતાના પ્રયત્નો કર્યા છે, તેવી જ રીતે પશુપાલન સાથે સંકળાયેલા વૈજ્ઞાનિકોએ પણ અનેક સંશોધનો કર્યા છે. જેના ફળ આજે દેશને મળી રહ્યા છે.

મંત્રીએ પશુધન સંશોધન કેન્દ્રનું નિરીક્ષણ કર્યું હતું

કેન્દ્રીય કૃષિ મંત્રીએ એનડીઆરઆઈના શતાબ્દી લોગો અને સિદ્ધિઓ પર એક પુસ્તક અને અન્ય પુસ્તકોનું વિમોચન કર્યું. ડો. ત્રિલોચન મહાપાત્રા, ડાયરેક્ટર જનરલ, ICAR, વર્ચ્યુઅલ કાર્યક્રમમાં જોડાયા હતા અને NDRIની ટીમને સારું કામ કરવા પ્રોત્સાહિત કર્યા હતા. કાર્યક્રમમાં NDRIના ડાયરેક્ટર ડો. એમ.એસ. ચૌહાણ અને અન્ય અધિકારીઓ, વિદ્યાર્થીઓ અને ખેડૂતો જોડાયા હતા.

આ પહેલા તોમરે વૃક્ષારોપણ કરી ઓક્સિજન પાર્કનું ઉદ્ઘાટન કર્યું હતું. તેમણે પશુધન સંશોધન કેન્દ્ર, એનિમલ બાયોટેકનોલોજી કેન્દ્ર અને રેફરલ લેબોરેટરીની મુલાકાત લીધી. સંસ્થાની 100 વર્ષની સિદ્ધિઓ પર આધારિત શતાબ્દી સ્મારક સ્તંભનું પણ ઉદ્ઘાટન કર્યું હતું.

Latest News Updates

લાલપુર ચોકડી પાસે બાઈકચાલકે કર્યો જોખમી સ્ટંટ
લાલપુર ચોકડી પાસે બાઈકચાલકે કર્યો જોખમી સ્ટંટ
સુરેન્દ્રનગરમાં અંગ દઝાડતી ગરમી, ગરમીના કારણે રસ્તાઓ સુમસામ નજરે પડ્યા
સુરેન્દ્રનગરમાં અંગ દઝાડતી ગરમી, ગરમીના કારણે રસ્તાઓ સુમસામ નજરે પડ્યા
ભાવ ન મળતા ખેડૂતોએ રસ્તા પર ટામેટા ફેંકી કર્યો વિરોધ
ભાવ ન મળતા ખેડૂતોએ રસ્તા પર ટામેટા ફેંકી કર્યો વિરોધ
અમદાવાદ ખાતે મળેલી રાજપૂત સમાજની બેઠકમાં રૂપાલાની ટિકિટ રદ કરવાની માગ
અમદાવાદ ખાતે મળેલી રાજપૂત સમાજની બેઠકમાં રૂપાલાની ટિકિટ રદ કરવાની માગ
મુંબઈના મલાડ ઈસ્ટ વિસ્તારના સેન્ટ્રલ પ્લાઝા કોમ્પ્લેક્સમાં ભીષણ આગ
મુંબઈના મલાડ ઈસ્ટ વિસ્તારના સેન્ટ્રલ પ્લાઝા કોમ્પ્લેક્સમાં ભીષણ આગ
ગોમતી નદીમાં 40 લોકો ફસાયા, ફાયર વિભાગે કર્યું રેસ્ક્યુ
ગોમતી નદીમાં 40 લોકો ફસાયા, ફાયર વિભાગે કર્યું રેસ્ક્યુ
AIMIM અને છોટુ વસાવાની ઉમેદવારી ભાજપનો ચિંતાનો વિષય બનશે?
AIMIM અને છોટુ વસાવાની ઉમેદવારી ભાજપનો ચિંતાનો વિષય બનશે?
સુરતમાં રત્નકલાકારે હીરા બદલી લીધા પણ cctv એ ભાંડો ફોડ્યો
સુરતમાં રત્નકલાકારે હીરા બદલી લીધા પણ cctv એ ભાંડો ફોડ્યો
Breaking News : લોકસભાની ચૂંટણી બાદ મંત્રીમંડળમાં થઇ શકે છે વિસ્તરણ
Breaking News : લોકસભાની ચૂંટણી બાદ મંત્રીમંડળમાં થઇ શકે છે વિસ્તરણ
Dahod : લીમડી-વરોડ ટોલબુથના ટેક્સમાં થશે વધારો
Dahod : લીમડી-વરોડ ટોલબુથના ટેક્સમાં થશે વધારો
g clip-path="url(#clip0_868_265)">