Plant In Pot : ઘર અને બાલ્કની માટે બેસ્ટ Summer Plant, ઉનાળાની લૂમાં પણ નહીં સુકાય, ઘર માટે બનશે નેચરલ કૂલર

ઉનાળાની કડકડતી ગરમીમાં મોટાભાગના છોડ સુકાઈ જાય છે, પરંતુ એક એવો પ્લાન્ટ છે જે ભારે તાપમાનમાં પણ લીલો અને તાજો રહે છે. આ છોડ માત્ર ઘરને સુંદર બનાવે છે નહીં, પણ ઠંડકનો અનુભવ પણ કરાવે છે. આવો જાણીએ કે આ પ્લાન્ટને ઘરે કેવી રીતે સરળતાથી ઉગાડી શકાય.

Summer Plant foxtail fernImage Credit source: Social Media

Nishat | Updated on: Feb 17, 2026 | 10:39 AM

ગાર્ડનિંગ માત્ર શોખ નથી, પરંતુ આરોગ્ય અને રોજિંદી જીવનશૈલી માટે લાભદાયી પ્રવૃત્તિ છે. જ્યારે આપણે બગીચામાં કે ગમલામાં છોડ ઉગાડીએ છીએ ત્યારે શરીર સ્વાભાવિક રીતે સક્રિય રહે છે અને માનસિક તણાવ પણ ઓછો થાય છે. ઘરમાં અલગ-અલગ જાતના છોડ લગાવવાથી હવા શુદ્ધ રહે છે અને આસપાસનું વાતાવરણ પ્રફુલ્લિત બને છે. સામાન્ય રીતે લોકો ઋતુ પ્રમાણે છોડ વાવે છે, પરંતુ કેટલીક જાતો એવી પણ હોય છે જે વર્ષના બારેય મહિના લીલોતરી જાળવી રાખે છે. કારણ કે આવા છોડ ઓછી અને વધુ -બંને પ્રકારના તાપમાનમાં સરળતાથી ટકી રહે છે.

એવો જ એક ઓછી સંભાળમાં પણ હંમેશા હરિયાળો રહેતો છોડ છે Asparagus Fern, જેને Foxtail Fern તરીકે પણ ઓળખવામાં આવે છે. આ એક લોકપ્રિય indoor plant છે. તેને નાના કે મોટા ગમલામાં, ડેકોરેટિવ કન્ટેનરમાં અથવા હેંગિંગ બાસ્કેટમાં સહેલાઈથી ઉગાડી શકાય છે. ઘરનાં પ્રવેશદ્વાર પાસે લટકાવવો હોય, બાલ્કનીમાં મૂકવો હોય કે આંગણું અને વરાંડે સજાવવું હોય, દરેક જગ્યાએ આ છોડ સુંદર દેખાય છે.

છોડની ખાસિયત

આ છોડની ખાસિયત તેની નરમ અને પંખીની પાંખ જેવી રચનાવાળી ડાળીઓ છે. તેની ખૂબ નાની અને ઘન પાંદડીઓ તેને લીલો અને આકર્ષક લુક આપે છે. તપતા ઉનાળામાં પણ આ છોડ ઝડપથી સુકાઈ જતો નથી. હવામાં ભેજ જાળવી રાખવાની તેની ક્ષમતા આસપાસના માહોલમાં ઠંડકનો અહેસાસ કરાવે છે. તેના dark green રંગથી આંખોને શાંતિ મળે છે, જે ઉનાળાની ગરમીમાં તાજગીનો અનુભવ કરાવે છે. સૌથી મહત્વની વાત એ છે કે આ છોડને વધુ જાળવણીની જરૂર પડતી નથી.

લોકપ્રિય એસ્પેરેગસ ફર્નની જાતો

એસ્પેરેગસ ફર્નના ઘણા પ્રકાર હોય છે જેમ કે એસ્પેરેગસ ડેન્સિફ્લોરસ ‘માયર્સીઈ’ (ફોક્સટેલ ફર્ન), ‘સ્પ્રેન્ગેરી’ (એમરલ્ડ ફર્ન), એસ્પેરેગસ સેટેસિયસ (લેસ ફર્ન)

Foxtail fern લોકપ્રિય એસ્પેરેગસ ફર્નની જાતો

શું વસ્તુઓ જરૂરી છે?

ફોક્સટેલ ફર્નને તમે ગમલા, કન્ટેનર અથવા હેંગિંગ બાસ્કેટમાં સરળતાથી ઉગાડી શકો છો. બાલ્કની, આંગણ, ટેરેસ કે ઘરનાં પ્રવેશદ્વાર પાસે મૂકવાથી ઘરનો લુક વધુ આકર્ષક બને છે. તેને એવી જગ્યાએ રાખવો જ્યાં સવારે અથવા સાંજે થોડું સૂર્યપ્રકાશ મળે. સીધો તીવ્ર બપોરનો તડકો ટાળવો.

માટી કેવી રીતે તૈયાર કરવી?

માટી તૈયાર કરતી વખતે સારી ડ્રેનેજ હોવી જરૂરી છે. 50 ટકા બગીચાની સામાન્ય માટી, 30 ટકા જૂની ગોબરની ખાત અને 20 ટકા કોકોપીટ અથવા વર્મિક્યુલાઇટ મિક્સ કરીને ઢીલી અને ભેજવાળી માટી તૈયાર કરી શકાય. ગમલાના તળિયે છિદ્ર હોવું જરૂરી છે જેથી પાણી ભરાઈ ન રહે.

Foxtail fern માટી કેવી રીતે તૈયાર કરવી?

પ્લાન્ટ કે બીજ- શું લગાવવું શ્રેષ્ઠ છે?

આ છોડ બીજથી પણ ઉગાડી શકાય છે, પરંતુ નર્સરીમાંથી તૈયાર પ્લાન્ટ લાવીને રોપવો વધુ સરળ વિકલ્પ છે. વસંત ઋતુમાં તેની જડને ભાગોમાં વહેંચીને નવા ગમલામાં રોપી શકાય છે.

ફોક્સટેલ ફર્નને પાણી એટલું જ આપવું કે માટીમાં ભેજ જળવાઈ રહે. દર 15 દિવસથી એક મહિના દરમિયાન દ્રાવ્ય ખાત આપવાથી તેની વૃદ્ધિ ઝડપી થાય છે. ઓછી કાળજીમાં વધુ હરિયાળી આપતો આ પ્લાન્ટ ઉનાળામાં તમારા ઘરને કુદરતી ઠંડક અને તાજગી બંને આપશે.