Gram Suraksha Yojana: ખેડૂતો પણ લઈ શકે છે આ યોજનાનો લાભ, દરરોજ જમા કરો 50 રૂપિયા મળશે 35 લાખ
આ યોજનામાં રોકાણની રકમ એટલી ઓછી છે કે ગામડામાં રહેતા ખેડૂત પણ સરળતાથી તેનો લાભ લઈ શકે છે. જાણો કેવી રીતે આ યોજનાનો લાભ લઈ શકાય છે અને યોજના વિશે સમગ્ર વિગત.
આજે અમે તમને પોસ્ટ ઓફિસની એક ખાસ સ્કીમ વિશે જણાવવા જઈ રહ્યા છીએ. જો તમારે સુરક્ષિત રોકાણ સાથે વધુ સારું વળતર જોઈએ છે, તો તમે પોસ્ટ ઓફિસ(Post Office)ની ગ્રામ સુરક્ષા યોજના (Gram Suraksha Scheme)માં રોકાણ કરી શકો છો. આ પ્લાનમાં તમે કોઈપણ જોખમ વિના સારો નફો કમાઈ શકો છો. આ યોજનામાં, તમે નાની રકમનું રોકાણ કરીને મોટી રકમ જમા કરી શકો છો. આ યોજનામાં રોકાણની રકમ એટલી ઓછી છે કે ગામડામાં રહેતા ખેડૂત પણ સરળતાથી તેનો લાભ લઈ શકે છે.
19 વર્ષથી 55 વર્ષની વચ્ચેના કોઈપણ ભારતીય નાગરિક આ યોજનામાં રોકાણ કરી શકે છે. તમે આ સ્કીમમાં 10 હજારથી 10 લાખ રૂપિયા સુધીનું રોકાણ કરી શકો છો. બીજી બાજુ, જો આપણે પ્રીમિયમ વિશે વાત કરીએ, તો તમે તેને માસિક, ત્રિમાસિક, અર્ધ-વાર્ષિક અને વાર્ષિક ચૂકવી શકો છો. પ્રીમિયમની ચુકવણી માટે તમને 30 દિવસની છૂટ મળશે.
આ સ્કીમમાં રોકાણ કરવાના ઘણા ફાયદા છે. આ અંતર્ગત તમે લોનનો લાભ પણ લઈ શકો છો. જો કે, તમે સ્કીમમાં 4 વર્ષ રોકાણ કર્યા પછી જ લોનની સુવિધા મેળવી શકશો. યોજના હેઠળ, જો તમે 19 વર્ષની ઉંમરે 10 લાખ રૂપિયાની ગ્રામ સુરક્ષા યોજના શરુ કરો છો, તો 55 વર્ષ સુધી તમારે દર મહિને 1515 રૂપિયાનું પ્રીમિયમ ચૂકવવું પડશે.
જ્યારે 58 વર્ષ માટે 1463 રૂપિયા અને 60 વર્ષ માટે 1411 રૂપિયા જમા કરાવવાના રહેશે. આ સ્કીમ હેઠળ, રોકાણકારે દરરોજ લગભગ 50 રૂપિયા એટલે કે મહિનામાં 1500 રૂપિયા જમા કરાવવાના રહેશે.
જો આપણે વળતરની વાત કરીએ તો રોકાણકારને 55 વર્ષ માટે 31.60 લાખ રૂપિયા, 58 વર્ષ માટે 33.40 લાખ રૂપિયા અને 60 વર્ષ માટે 34.60 લાખ રૂપિયાનો પાકતી મુદત (Maturity Benefit)નો લાભ મળશે. ગ્રામ સુરક્ષા યોજના હેઠળ, આ રકમ વ્યક્તિ જ્યારે 80 વર્ષની થાય ત્યારે તેને સોંપવામાં આવે છે. બીજી તરફ, જો આ દરમિયાન વ્યક્તિનું મૃત્યુ થાય છે, તો આ રકમ તેના નોમિનીને આપવામાં આવે છે.
આ સિવાય ગ્રાહક 3 વર્ષ પછી પોલિસી સરન્ડર કરવાનો વિકલ્પ પસંદ કરી શકે છે. જો કે, તે કિસ્સામાં તેનાથી કોઈ ફાયદો થશે નહીં. પોલિસીની સૌથી મોટી ખાસિયત એ છે કે ઈન્ડિયા પોસ્ટ દ્વારા ઓફર કરવામાં આવેલું બોનસ છે.
આ પણ વાંચો: Technology News: Twitter હવે વૈશ્વિક સ્તરે આપી રહ્યું છે ડાઉનવોટ બટન, જાણો તેમાં શું છે ખાસ
આ પણ વાંચો: Viral: બકરી અને ગધેડાની સમજણથી લોકો થયા પ્રભાવિત, કહ્યું આને કહેવાય અસલી Team Work