કેન્દ્ર અને રાજ્ય સરકારો કૃષિ અને ખેડૂતોના વિકાસ માટે કામ કરી રહી છે. કૃષિ અને ખેડૂતો (Agriculture And Farmer) ના વિકાસ માટે કૃષિની જરૂરિયાતોને સંતોષવી એ પ્રથમ પ્રાથમિકતા છે. કારણ કે જો ખેતી માટે ઈન્ફ્રાસ્ટ્રક્ચર (Agriculture Infrastructure) વિકસિત અને મજબૂત કરવામાં આવશે તો કૃષિનો વિકાસ તેજ ગતિએ થશે. આ સાથે ઉત્પાદન પણ વધશે અને ખેડૂતોની આવક(Farmers Income)માં પણ વધારો થશે. ખેતી માટે સિંચાઈ (Irrigation)ની વ્યવસ્થા સાથે ખેતીનું યાંત્રીકરણ એ વર્તમાન સમયની માગ છે. એટલા માટે તમામ રાજ્યો તેના પર વિશેષ ધ્યાન આપે છે.
આંધ્રપ્રદેશ પણ એક એવું રાજ્ય છે કે જેના માટે માળખાકીય સુવિધાઓ અને સંલગ્ન સુવિધાઓ દેશના અન્ય રાજ્યો કરતાં વધુ સારી રહી છે. આ રાજ્યે આ સુવિધાઓ પૂરી પાડવા માટે સર્વોચ્ચ પ્રાથમિકતા આપી છે. નેશનલ બેંક ઓફ એગ્રીકલ્ચર એન્ડ રૂરલ ડેવલપમેન્ટ (NABARD) દ્વારા પ્રકાશિત અહેવાલ મુજબ, આંધ્ર પ્રદેશ સરકારે ખેડૂતોના વિકાસ અને કૃષિ સંબંધિત માળખાકીય સુવિધાઓ માટે વર્ષ 2020-21ના બજેટમાં 11,477 કરોડ રૂપિયા ફાળવ્યા છે.
રાજ્યમાં કૃષિ ક્ષેત્રનો સરેરાશ વાર્ષિક વિકાસ દર 2.2 ટકા છે. નાબાર્ડનો વાર્ષિક અહેવાલ કૃષિ ક્ષેત્રમાં માળખાકીય સુવિધાઓના નિર્માણ માટે દેશના વિવિધ રાજ્યોના બજેટ ફાળવણીનું વિશ્લેષણ કરે છે. મીડિયા રિપોર્ટ અને નાબાર્ડના રિપોર્ટ અનુસાર, આંધ્ર પ્રદેશની સરખામણીએ મધ્યપ્રદેશ, તેલંગાણા, કેરળ અને ઝારખંડના કૃષિ ક્ષેત્રમાં માળખાગત વિકાસ માટેની ફાળવણીમાં નોંધપાત્ર ઘટાડો થયો છે.
રિપોર્ટમાં કહેવામાં આવ્યું છે કે આંધ્ર પ્રદેશમાં કૃષિ ક્ષેત્રમાં ઈન્ફ્રાસ્ટ્રક્ચરનો વિકાસ કરતી વખતે સ્ટોરેજ, સિંચાઈ અને અન્ય કૃષિ સંલગ્ન ક્ષેત્રોને પ્રાથમિકતા આપવામાં આવી છે. જેનો ફાયદો કૃષિ ક્ષેત્ર અને ખેડૂતોને થયો છે. આંધ્રપ્રદેશ સરકારે રાયથુ ભરોસા કેન્દ્ર દ્વારા ગ્રામ્ય સ્તરે કૃષિ માટે જરૂરી ઈન્ફ્રાસ્ટ્રક્ચર પૂરું પાડ્યું છે. આ કેન્દ્રો ઉપરાંત, તેણે ખેડૂતો દ્વારા ઉગાડવામાં આવતા પાકને સંગ્રહિત કરવા માટે ગોડાઉન પણ બનાવ્યા છે અને ખેડૂતો દ્વારા લણવામાં આવેલ અનાજ પણ RBK દ્વારા ખરીદવામાં આવે છે.
સરકારે રૂ. 2,269.30 કરોડના ખર્ચે રાજ્યભરમાં 10,315 RBK કેન્દ્રોનું નિર્માણ કર્યું છે. તેમાંથી, 2,287 ઇમારતો પહેલેથી જ પૂર્ણ થઈ ગઈ છે અને અન્ય 1,948 પૂર્ણ થવાના અંતિમ તબક્કામાં છે. અધિકારીઓએ આ વર્ષે સપ્ટેમ્બરના અંત સુધીમાં આખું માળખું પૂર્ણ કરવાનો લક્ષ્યાંક રાખ્યો છે. આ ઉપરાંત, પ્રથમ તબક્કામાં ડેરી ખેડૂતો માટે રૂ. 399.01 કરોડના ખર્ચે 2,535 બલ્ક મિલ્ક કૂલિંગ યુનિટ્સ સ્થાપવામાં આવ્યા છે. આ રીતે રાજ્યમાં ખેતીનો વિકાસ થઈ રહ્યો છે.
Published On - 9:51 am, Wed, 11 May 22