ખેડૂતો માટે ખુશખબર, વૈજ્ઞાનિકોએ ડુંગળીની એક નવી જાત વિકસાવી, અનેક ગુણોથી ભરપૂર આ જાત આપશે મબલખ ઉત્પાદન

હરિયાણા કૃષિ યુનિવર્સિટી, હિસારે HOS-3 નામની ડુંગળી(Onion variety)ની એક ખાસ જાત વિકસાવી છે. જે માત્ર ઉપજમાં જ નહીં પરંતુ તે ઓછા અંકુરણ પણ કરશે. એટલે કે, તે ઝડપથી બગડશે નહીં. તેની વિશેષતા જોઈને દક્ષિણ ભારતની એક ખાનગી બિયારણ કંપનીએ યુનિવર્સિટી સાથે કરાર કર્યા છે જેથી કરીને તેને દેશના અન્ય રાજ્યોના ખેડૂતો સુધી પણ લઈ જઈ શકાય. ડુંગળીની આ જાતની સરેરાશ ઉપજ 350 ક્વિન્ટલ પ્રતિ હેક્ટર સુધી છે. આ જાતની ડુંગળી હળવા અને કાંસ્ય રંગની ગોળાકાર હોય છે. સંગ્રહ દરમિયાન તેમાં માત્ર 3.7 ટકા બોલ્ટિંગ અને 7.2 ટકા અંકુરણ થાય છે. જે ખેડૂતો(Farmers)માટે ફાયદાકારક છે.

કંપની અને યુનિવર્સિટી વચ્ચેના કરાર બાદ હવે આ પ્રકારની ડુંગળીના બીજ અન્ય રાજ્યોમાં પણ પહોંચશે. એમઓયુ પર હસ્તાક્ષર કર્યા પછી, હવે ઉપરોક્ત બિયારણ કંપની યુનિવર્સિટીને લાઇસન્સ ફી ચૂકવશે, જેના હેઠળ તેને બિયારણનું ઉત્પાદન અને માર્કેટિંગ કરવાનો અધિકાર મળશે. ખેડૂતો આવતા વર્ષથી ડુંગળીની જાત HOS-3ના બિયારણ મેળવી શકશે.

પાકના પ્રકાર પર આધારિત છે કમાણી

કોઈપણ ખેડૂતની આવક તેની ખેતીની તકનીક અને પાકના પ્રકાર પર ઘણી હદ સુધી આધાર રાખે છે. તેથી જ કૃષિ વૈજ્ઞાનિકો ખેડૂતોને સુધારેલી જાતો પસંદ કરવા અને યોગ્ય જગ્યાએથી ખરીદવાની સલાહ આપી રહ્યા છે, જેથી બનાવટી ન નીકળે. જ્યાં સુધી ડુંગળીની વાત છે, તેમાં પુસા રેડ જાત ખૂબ જ લોકપ્રિય છે, જે પ્રતિ હેક્ટર 200 થી 300 ક્વિન્ટલ ઉત્પાદન આપે છે. એ જ રીતે હિસાર-2માં પ્રતિ હેક્ટર 300 ક્વિન્ટલનું ઉત્પાદન થાય છે.

કયા રાજ્યોમાં થાય છે ડુંગળીની ખેતી

ડુંગળીની HOS-3 જાત હરિયાણામાં તૈયાર કરવામાં આવી છે, પરંતુ ડુંગળીનું સૌથી વધુ ઉત્પાદક મહારાષ્ટ્ર છે. દેશમાં માત્ર 2 થી 2.5 ટકા ડુંગળીનું ઉત્પાદન હરિયાણામાં થાય છે જ્યારે મહારાષ્ટ્રમાં 40 ટકા. ડુંગળીના ઉત્પાદનમાં મધ્યપ્રદેશ બીજા ક્રમે છે, જ્યાં દેશની 15 ટકા ડુંગળીનું ઉત્પાદન થાય છે. કર્ણાટક 9, રાજસ્થાન 6 અને ગુજરાત માત્ર 5 ટકા ડુંગળીનું ઉત્પાદન કરે છે. જો કે, આ સમયે મહારાષ્ટ્રના ખેડૂતો ડુંગળીના ઓછા ભાવ (Onion Price)ની સમસ્યાનો સામનો કરી રહ્યા છે.

સુધારેલ બિયારણની ડિલિવરી માટે 9 કરાર

વાઇસ ચાન્સેલર પ્રો. બી.આર. કાંબોજે જણાવ્યું હતું કે જ્યાં સુધી યુનિવર્સિટીના વૈજ્ઞાનિકો દ્વારા કરવામાં આવેલ સંશોધન ખેડૂતો સુધી ન પહોંચે ત્યાં સુધી તેનો કોઈ ફાયદો નથી. આથી આવા કરારો દ્વારા યુનિવર્સિટીનો પ્રયાસ છે કે અહીંથી વિકસિત અદ્યતન જાતો અને તકનીકો વધુને વધુ ખેડૂતો સુધી પહોંચી શકે. છેલ્લા એક વર્ષમાં વિવિધ પાકની જાતો માટે વિવિધ ખાનગી ભાગીદારો સાથે કુલ નવ કરાર કરવામાં આવ્યા છે.

આ પણ વાંચો: ડુંગળીના લઘુત્તમ ટેકાના ભાવ જાહેર કરવાની માગ, ભાવ ઘટવાથી ખેડૂતો પરેશાન

આ પણ વાંચો: Rooftop Gardening: થોડી મહેનતથી ઘરની છત પર ઉગાડી શકાય છે શાકભાજી, જાણો સરળ રીત

વધુ સમાચાર વાંચવા માટે અમારી ટ્વીટર કોમ્યુનિટીમાં જોડાવા અહીં ક્લિક કરો