વડોદરાઃ મહાઠગ હર્ષિલ લીંબાચિયાની પોલીસે કરી ધરપકડ, GEBમાં નોકરી અપાવવાનું કહી યુવકો સાથે કરી ઠગાઈ

વડોદરાનો મહાગઠ હર્ષિલ લીંબાચિયા અને તેનો સાગરિત રાહુલ સિંહા માંજલપુર પોલીસના હાથે ઝડપાઈ ગયા છે. હર્ષિલ લિંબાચિયા સામે ગાંધીનગરના યુવકો સાથે છેતરપિંડી અને મારામારી કર્યાનો ગુનો નોંધાયો છે. યુવકોનો આરોપ છે કે, હર્ષિલે તેમની પાસેથી 6 થી 8 લાખ લઈને GEBમાં નોકરી અપાવવાની લાલચ આપી હતી. જે બાદ લાંબા સમય સુધી નોકરી નહીં મળતા યુવકોએ સતત સંપર્ક કર્યો, ત્યારે તેમને વડોદરાની કપુરાઈ ચોકડી ખાતે બોલાવાયા. જ્યાં તેના સાગરિતો સાથે મળીને યુવકોને માર માર્યો. આ અંગે પોલીસે ગુનો દાખલ કર્યો છે. હર્ષિલ લીંબચિયા વિરુદ્ધ ભૂતકાળમાં પણ વિવિધ કૌભાંડોમાં ગુના નોંધાઈ ચુક્યા છે. એમ. એસ. યુનિવર્સિટીની બોગસ માર્કશીટ બનાવવાના આરોપસર સયાજીગંજ પોલીસ મથકે ગુનો નોંધાયેલો છે. તો અમુલ ડેરીના બોગસ કૉલ લેટર મામલે આણંદ ટાઉન પોલીસે ધરપકડ પણ કરી હતી. વરણામાંમાં થયેલા ફાયરિંગ પ્રકરણમાં પણ ગુનો નોંધાયેલો છે.

આ પણ વાંચો: 30 અને 31મી એ PM મોદી ગુજરાતના પ્રવાસે, જાણો વડાપ્રધાન મોદીના કાર્યક્રમની તમામ વિગતો

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો