અમદાવાદ (Ahmedabad)ગ્રામ્ય વિસ્તારમાં ઈકો ગાડીના સાઈલેન્સરની ચોરી(Theft)કરતી ગેંગનો પર્દાફાશ થયો છે. જેમાં આરોપીએ પુછપરછમાં 20 જેટલા ગુનાની કબુલાત કરી છે. તેમજ પોલીસે 3 સાઈલેન્સર સાથે 2 આરોપીની ધરપકડ કરી છે.
આરોપીની પુછપરછમાં 20 થી વધુ ગુનાનો ભેદ ઉકેલાયો
અમદાવાદ (Ahmedabad)ગ્રામ્ય એલસીબી પોલીસે બે આરોપાી મુનાફ ઉર્ફે ડોસો વોરા અને તોફિક ઉર્ફે અબ્બા પીંજારાનેઈકો ગાડીના સાઈલેન્સરની ચોરી(Theft)ના કેસમાં ઝડપ્યા છે. આ આરોપીઓની સાણંદ બાવળા રોડ પરથી ઈક્કો ગાડીના 3 સાઈલેન્સર સાથે ધરપકડ કરવામાં આવી છે. આ આરોપી પાસેથી પોલીસે ગાડી અને સાઈલેન્સર મળી 1 લાખ 15 હજારનો મુદ્દામાલ કબજે કર્યો છે. આ આરોપીની પુછપરછમાં 20 થી વધુ ગુનાનો ભેદ ઉકેલાયો છે.
જેમા સાણંદ, અસલાલી, કલોલ, કડી ,બારેજા અને કઠલાલ સહિતના વિસ્તારો પાર્ક કરેલ ગાડીઓમાં સાઈલેન્સર ચોરી કરી ગુનાનો અંજામ આપતાં હતા.
પ્લેટીનિયમ માટી વેચાણ કર્યા બાદ તે સાઈલેન્સર બીજી ગાડીમાં લગાવી દેતા
આ આરોપીની મોડસ ઓપરેન્ડી પર નજર કરીએ તો આરોપીઓ એક સાઈલેન્સર ચોર્યા બાદ તેમાથી 10 હજાર રૂપિયે કિલોના ભાવે વેચાતુ પ્લેટીનિયમ માટી વેચાણ કર્યા બાદ તે સાઈલેન્સર બીજી ગાડીમાં લગાવી દેતા. તેમજ અન્ય ગાડીના સાઈલેન્સરની ચોરી(Theft)કરતા મુખ્ય આરોપી તોફિક અગાઉ પણ 24 જેટલા ગુનામાં ઝડપાઈ ચુક્યો છે. પરંતુ જેલમાંથી બહાર આવી નવી ગેંગ બનાવી ફરી એક વખત ચોરીને અંજામ આપતો હતો. આ આરોપીએ છેલ્લા એક જ વર્ષમાં 20 કરતા વધુ ગુનાને અંજામ આપ્યા હોવાનુ સામે આવ્યુ છે.
કિમતી ધાતુ માટે થતા સાઈલેન્સર ચોરીની ઘટના અટકી નથી
મહત્વનુ છે કે માત્ર અમદાવાદ(Ahmedabad)ગ્રામ્ય અને ગાંધીનગર વિસ્તાર નહીં પરંતુ અમદાવાદ શહેરમા પણ સાઈલેન્સર ચોરી કરતી ગેંગ સક્રિય થઈ છે. આ અગાઉ પણ સરખેજ પોલીસે એક ટ્રક ડ્રાઈવરની ધરપકડ કરી હતી જેનું રાજસ્થાન કનેકશન ખુલ્લુ પડ્યું હતુ.તેમ છતા કિમતી ધાતુ માટે થતા સાઈલેન્સર ચોરીની ઘટના અટકી નથી ત્યારે પોલીસે આ સાઈલેન્સર ચોરીને અટકાવામાં ક્યારે સફળ થશે તે જોવુ રહ્યુ.
Published On - 8:11 pm, Sun, 6 June 21