Jammu Kashmir: જમ્મુ-કાશ્મીર પોલીસ(Jammu Kashmir Police)ને એક મોટી સફળતા મળી છે. મંગળવાર-બુધવારની વચ્ચેની રાત્રે પોલીસે રામબન (Ramban) જિલ્લાના સાંબર વિસ્તારના જંગલમાં છુપાયેલો દારૂગોળો (ammunition )જપ્ત કર્યો હતો. આ મામલે પોલીસ દ્વારા તપાસ કરવામાં આવી રહી છે. તેમજ સર્ચ ઓપરેશન હજુ ચાલુ છે. એવી આશંકા વ્યક્ત કરવામાં આવી રહી છે કે તેઓ આતંકવાદી મોડ્યુલ (Terrorist Module)નો ભાગ હોઈ શકે છે.
જમ્મુ-કાશ્મીર પોલીસે માહિતી આપી છે કે 10 મેના રોજ જંગલમાં દારૂગોળો છૂપાવવાની બાતમી મળી હતી. તેના પર એક વિશેષ પોલીસ ટીમ બનાવવામાં આવી હતી અને તેના તરફથી સાંબર વિસ્તારમાં સર્ચ ઓપરેશન હાથ ધરવામાં આવ્યું હતું. આ સર્ચ ઓપરેશન આખી રાત ચાલ્યું હતું.
During the intervening night, info was received through reliable sources regarding the presence of cache of ammunition and related material in Sumber area of Ramban dist. Acting swiftly on this, a special team was constituted: J&K Police pic.twitter.com/2B2XOvOfF4
— ANI (@ANI) May 11, 2022
ટીમ દ્વારા ગાઢ જંગલોમાં સર્ચ ઓપરેશન દરમિયાન ભારે જહેમત બાદ દારૂગોળાનો મોટો જથ્થો મળી આવ્યો છે. પોલીસના જણાવ્યા અનુસાર, આ દરમિયાન જંગલમાં છુપાયેલા 179 રાઉન્ડ ગોળીઓ, 2 મેગેઝિન, એક વાયરલેસ સેટ, એક ટેલિસ્કોપ અને 2 UBGL ગ્રેનેડ પણ મળી આવ્યા છે. આ સિવાય એક UBGL સળિયો પણ મળી આવ્યો છે.
આ સાથે જમ્મુ-કાશ્મીરના સાંબામાં નિયંત્રણ રેખાને અડીને આવેલા ગામોમાં બુધવારે સેના અને સુરક્ષા દળો દ્વારા સંયુક્ત સર્ચ ઓપરેશન ચલાવવામાં આવી રહ્યું છે. તાજેતરમાં આ વિસ્તારમાં એક ટનલ મળી આવી હતી. ત્યારબાદ આ વિસ્તારમાં તકેદારી વધારી દેવામાં આવી છે. સુરક્ષા દળોનું કહેવું છે કે આ વિસ્તારમાં પાકિસ્તાન તરફથી ડ્રોન દ્વારા હથિયારો પહોંચાડવાની પણ આશંકા છે. આવી સ્થિતિમાં અહીં અભિયાન ચલાવવામાં આવી રહ્યું છે.
આ પહેલા મંગળવારે જમ્મુ અને કાશ્મીરમાં અલગ-અલગ એન્કાઉન્ટરમાં બે આતંકવાદીઓ અને એક નાગરિક માર્યા ગયા હતા, જ્યારે એક સૈનિક સહિત અન્ય બે ઘાયલ થયા હતા. પોલીસ પ્રવક્તાએ જણાવ્યું કે, શોપિયનના પંડોશન વિસ્તારમાં આતંકવાદીઓની હાજરીની માહિતી મળ્યા બાદ સુરક્ષા દળોએ સોમવારે સાંજે સર્ચ ઓપરેશન શરૂ કર્યું હતું. તેમણે કહ્યું કે જ્યારે સુરક્ષા જવાનો વિસ્તારની ઘેરાબંધી કરી રહ્યા હતા ત્યારે છુપાયેલા આતંકવાદીઓએ સુરક્ષા દળો પર ગોળીબાર કર્યો. નાગરિકોને સુરક્ષિત સ્થળોએ ખસેડવામાં આવ્યા હતા પરંતુ આતંકવાદીઓના ભારે ગોળીબારને કારણે સૈનિક લાન્સ નાઈક સંજીબ દાસ અને બે નાગરિકો – શાહિદ ગની ડાર અને સુહૈબ અહેમદ – ગોળીબારમાં ઘાયલ થયા હતા.