સુરતમાં સૌથી વધુ હનીટ્રેપના કિસ્સાઓ, આ વખતે મહિધરપુરાના ફુલના વેપારી હનીટ્રેપમાં ફસાયા

સુરત (Surat) શહેરના મહિધરપુરાના ફુલના વેપારીને (Merchant)શરીરસુખ માણવાની લાલચ આપી વેસુના સુડા આવાસમાં બોલાવી હનીટ્રેપમાં (Honey trap)ફસાવી નગ્ન વિડીયો વાયરલ કરવાની ધમકી આપનાર મહિલા અને ઉમરા પોલીસની ડી સ્ટાફ તરીકેની ઓળખ આપનાર ઠગ ટોળકી વિરૂધ્ધ ઉમરા પોલીસમાં ફરીયાદ નોંધાય છે. ઉમરા જ નહીં પણ સુરતના વરાછા કતારગામ અને અમરોલી વિસ્તારમાં સૌથી વધુ કિસ્સામાં લોકો ભોગ બનતા હોય પણ કેટલીક જગ્યાએ લોકો શરમ અને બદનામીને લઈ પોલીસ ફરિયાદ કરતા નથી. જેથી આવી હનીટ્રેપ કરતી ટોળકીને મોકળું મેદાન મળતું હોય છે.

જ્યારે સુરત શહેરના મહિધરપુરા વિસ્તારમાં ફુલનો ધંધો કરતા કરતા 42 વર્ષીય અજયને 13 જાન્યુઆરીના રોજ મોબાઇલ નં. 8866351698 પરથી હાય નો મેસેજ અને વ્હોટ્સએપ પર મહિલાનો વિડીયો કોલ કરી શરીરસુખ માણવાની લાલચ આપી વેસુ સુડા આવાસમાં બોલાવ્યો હતો. જયાં અજય અને યુવતીમાં રૂમમાં જઇ કપડા ઉતરતા વેંત ત્રણ યુવાનો ઘસી આવ્યા હતા અને આ અમારી બહેન છે, તે બળાત્કાર કરી જીંદગી બરબાદ કરી નાંખી છે એમ કહી માર માર્યો હતો. ત્રણ પૈકી એક યુવાને પોતાની ઓળખ ઉમરા પોલીસના ડી સ્ટાફ તરીકે આપી પોલીસ કેસ કરવાની અને સમાધાન કરવું હોય તો 5 લાખની માંગણી કરી હતી. પરંતુ અજયે 5 લાખ નહીં હોવાનું કહેતા 1.50 લાખ આપવા પડશે નહીં તો નગ્ન વિડીયો વાયરલ કરવાની ધમકી આપી માર માર્યો હતો.

અજયે પોતાના ઘરે જઇ 20 હજાર આપ્યા હતા અને બાકીના 1.30 લાખ તેમના એકાઉન્ટમાં ટ્રાન્સફર કરશે એમ કહ્યું હતું. જો કે ત્યાર બાદ પણ ઉઘરાણી કરી ધાક-ધમકી આપતા છેવટે અજયે જમનાનગર પોલીસ ચોકીના લોકરક્ષક એઝાઝ હુસૈનને જાણ કરી હતી. જેથી એઝાઝે અજયને જે નંબર પરથી કોલ આવતા હતા. તે નંબર પર કોલ કરતા સુરજ તિવારી નામના યુવાને 20 હજાર રૂપિયા પરત આપી દેશે એમ કહ્યું હતું. પોલીસે દરમિયાનગીરી કરતા યુવતીએ પુનઃ કોલ કરી તમારા રૂપિયા પરત મળી જશે, પરંતુ હું આપઘાત કરી લઇશ એમ કહેતા અજય ડરી ગયો હતો અને છેવટે આ અંગે ફરીયાદ નોંધાવી હતી.સુરતમાં અગાઉ રાજકીય સાથે સંકળાયેલા લોકો પણ હનીટ્રેપના ભોગ બચી ચુક્યા છે. જેથી દક્ષિણ ગુજરાતમાં સુરતમાં હનીટ્રેપ કરતી વિશેષ ગેંગ કામ કરતી હોય છે.

આ પણ વાંચો : US-Canada બોર્ડર પર નવજાત શિશુ સહિત ગુજરાતી પરિવારના ચાર સભ્યોના ઠંડીથી મોત, વિદેશ મંત્રી જયશંકરે શોક વ્યક્ત કર્યો

આ પણ વાંચો : ગુજરાતમાં 900 બેંક કર્મચારીઓને કોરોનાનો ચેપ લાગ્યો, બેંકની ઘણી શાખાઓને પાંચ દિવસ બંધ રાખવાની ફરજ પડી