Honor killing: માતા અને ભાઈએ મળીને છોકરીને આપી સજા, એકે તેના પગ પકડ્યા અને બીજાએ તેનું ગળું કાપી કરી હત્યા, લાશ સાથે લીધી સેલ્ફી
એક હૃદયદ્રાવક ઘટના સામે આવી છે. બહેનની હત્યા કર્યા બાદ ભાઈએ સેલ્ફી પણ લીધી અને પછી કપાયેલું માથું આંગણામાં ફેંકી દીધું હતું.
મહારાષ્ટ્રના ઔરંગાબાદમાંથી એક હૃદયદ્રાવક ઘટના સામે આવી છે. અહીં ગોલેગાંવ વિસ્તારમાં રહેતી 19 વર્ષની યુવતીનું તેના ભાઈએ માથું કાપી નાખ્યું છે. પોલીસે આપેલી માહિતી મુજબ બહેનની હત્યા કર્યા બાદ ભાઈએ સેલ્ફી પણ લીધી અને પછી કપાયેલું માથું આંગણામાં ફેંકી દીધું હતું. નવાઈની વાત એ છે કે, આ હત્યામાં બાળકીની માતા પણ સામેલ હતી. માતાએ છોકરીના પગ પકડી લીધા અને ભાઈએ તેનું માથું કાપી નાખ્યું. યુવતીનો ગુનો એટલો હતો કે તેણે લવ મેરેજ કરી લીધા હતા.
આ ઘટના રવિવારે બની હતી. યુવતીનું નામ કીર્તિ થોરે અને તેની ઉંમર 19 વર્ષની હતી. જૂન મહિનામાં તે ઘરેથી ભાગી ગઈ અને લગ્ન કરી લીધા. કીર્તિના આ નિર્ણયથી ભાઈ અને માતાના મનમાં રોષ હતો. પણ આ રોષ આટલી ક્રૂરતા સુધી જશે, એવું કીર્તિએ વિચાર્યું ન હતું.
બહેને વિચાર્યું કે મા અને ભાઈ મળવા આવ્યા છે
આથી રવિવારે જ્યારે કીર્તિની માતા અને ભાઈ તેને મળવા આવ્યા ત્યારે બીજી ક્ષણે શું થવાનું છે તેનો તેને ખ્યાલ નહોતો. તેણીએ તેના નાના ભાઈ અને માતાને ઘરે બેસાડ્યા અને ચા બનાવવા અંદર ગઈ. આ પછી તેના ભાઈ અને માતાએ તક જોઈને કીર્તિને પકડીને સુવડાવી દીધી. માતાએ કીર્તિના પગ મજબૂતીથી પકડી લીધા અને પછી ભાઈએ બહેનનું માથું કાપી નાખ્યું હતું. આ પછી માતા-પુત્ર સ્થળ પરથી ફરાર થઈ ગયા હતા.
સમાચાર મળતા જ પોલીસે આરોપીની શોધખોળ શરૂ કરી હતી. આ પછી આરોપીઓએ વૈજાપુર પોલીસ સ્ટેશનમાં આત્મસમર્પણ કર્યું અને હત્યાની કબૂલાત કરી. વધુ તપાસ વીરગાવ પોલીસ સ્ટેશનની પોલીસ કરી રહી છે. આરોપીઓએ પોલીસને જણાવ્યું કે, તેઓ તેના પ્રેમ લગ્નથી નારાજ હતા. આરોપીઓએ હત્યાની કબૂલાત કરતાં જ તેમની ધરપકડ કરવામાં આવી હતી. ઓનર કિલિંગની આ ઘટનાથી સમગ્ર વિસ્તારમાં શોકનો માહોલ છે. આ ઘાતકી હત્યાના સમાચાર સાંભળીને સમગ્ર મહારાષ્ટ્રમાં ખળભળાટ મચી ગયો છે.
આ પણ વાંચો: BRO Recruitment 2021: બોર્ડર રોડ ઓર્ગેનાઈઝેશનમાં અનેક જગ્યાઓ માટે ભરતી, અહીં જાણો વિગત
આ પણ વાંચો: નેશનલ ટેલેન્ટ સર્ચની મદદથી વિદ્યાર્થીઓને મળે છે PHD સુધીની સ્કોલરશિપ, જાણો કોણ લઈ શકે છે આ લાભ ?