થરાદમાં મમતા લજવાઇ, પ્રેમી માટે માતાએ સંતાનની કરી હત્યા, હત્યારા પ્રેમીપંખીડાની ધરપકડ

બનાસકાંઠામાં માતાની મમતાને લજવતો કિસ્સો સામે આવ્યો છે. પ્રેમી પાછળ માતાએ પોતાના જ બાળકનું ગળું દબાવીને હત્યા કરી નાંખી. ઘટના થરાદમાં બની છે. જ્યાં ભોરડુ ગામની મહિલા પોતાના પ્રેમી સાથે ભાગી ગઈ હતી. સાથે દોઢ વર્ષના બાળકને પણ લઈ ગઈ હતી. જોકે, ચાર દિવસ બાદ બંને પ્રેમી પંખીડા મળી આવ્યા. અને માતા-બાળકને તેના પિયરમાં લઈ ગયા હતા. જ્યાં બાળકની સ્થિતિ શંકાસ્પદ જણાતા પોલીસને જાણ કરી. પોલીસ તપાસમાં સામે આવ્યું કે, બાળકની હત્યા કરી દેવાઈ છે. બંને આરોપીઓએ બાળક રડતું હોવાથી તેનું ગળું દબાવીને મારી નાંખ્યાનું પણ કબૂલ્યું. પોલીસે બંનેની ધરપકડ કરીને આગળની કાર્યવાહી હાથ ધરી છે.