Ahmedabad: અમરાઈવાડી વિસ્તારમાં યુવકની હત્યા કરનાર બુટલેગરની ક્રાઇમ બ્રાન્ચે ધરપકડ કરી છે. પાડોશીઓના ઝઘડામાં છોડાવવા ગયેલા યુવકની હત્યા થઈ હોવાનું સામે આવ્યું છે. મહત્વનું છે કે, મૃતક સાથે અગાઉ પણ બુટલેગરનો ઝઘડો થયો હતો. કોણ છે હત્યારો જાણો આ અહેવાલમાં.
ક્રાઇમ બ્રાન્ચની કસ્ટડીમાં જોવા મળતા આ આરોપી સંજય ઉર્ફે ઠૂંથિયો ચાવડા છે. જેને ઝઘડાની અદાવતમાં એક નિર્દોષ યુવકની હત્યા કરી દીધી છે. ઘટનાની વાત કઈક એવી છે કે, અમરાઈવાડીમાં ન્યુ જ્ય ભવાની નગરમાં રહેતો યોગેન્દ્રભાઈ પરમાર પોતાના ઘર નજીક ઉભા હતા ત્યારે અમૃતાનગરમાં રહેતા સંજય ચાવડા અને એક મહિલા સાથે ઝઘડો થતો હતો. યોગેન્દ્ર ઝઘડો છોડાવવા વચ્ચે પડ્યો હતો. જેની અદાવત રાખીને સંજય ચાવડાએ યોગેન્દ્રને છરીથી હુમલો કરીને હત્યા કરીને ફરાર થઈ ગયો હતો. જે બાદ ક્રાઇમ બ્રાન્ચે બાતમી આધારે ઓઢવ રિંગ રોડથી આરોપીની ધરપકડ કરી.
આરોપી સંજય ચાવડા બુટલેગર છે. દારૂનો ધધો કરીને આતંક મચાવે છે. આરોપી વિરુદ્ધ અનેક ગુના નોંધાયા હોવાનું ખુલ્યું છે. મૃતક યોગેન્દ્ર સાથે બુટલેગર સંજયને અગાઉ પણ ઝઘડો થયો હતો. બન્ને વચ્ચે અદાવત ચાલતી હતી. જેથી મહિલા અને બુટલેગર સંજય વચ્ચે ઝઘડામાં મૃતક યોગેન્દ્ર વચ્ચે પડીને બન્ને પક્ષને છોડાવીને ઠપકો આપ્યો હતો. જેથી ઉશ્કેરાઈ જઈને આરોપી સંજયે ઝઘડામાં વચ્ચે કેમ આવ્યો તેવું કહીને છરીના ઘા ઝીકીને હત્યા કરી નાખી હતી.
ક્રાઇમ બ્રાન્ચે આરોપીની ધરપકડ કરીને અમરાઇવાડી પોલીસને સોંપવાની તજવીજ શરૂ કરી છે. મહત્વનું છે કે, આ હત્યામાં અન્ય કોઈ વ્યક્તિની સંડોવણી કે અન્ય કોઈ અદાવત છે કે નહીં તે મુદ્દે પણ પોલીસે વધુ પૂછપરછ શરૂ કરી છે.
Ahmedabad: દેશભરમાં ગાડીની ચોરી કરતી આંતરરાજ્ય ટોળકીની ક્રાઈમ બ્રાંચે કરી ધરપકડ
ગણતરીની સેંકડોમાં બનાવટી ચાવી બનાવી ગાડીની ચોરી કરતી આંતરરાજ્ય ટોળકીની ક્રાઈમ બ્રાંચે ધરપકડ કરી છે. આરોપી ન માત્ર ગુજરાતમાં પરંતુ અન્ય તમામ રાજ્યોમાં પણ ચોરીને અંજામ આપતા હતા. આરોપીની પુછપરછમા સામે આવ્યુ કે, આ ગેંગ માત્ર 2 મીનીટમાં બનાવટી ચાવી બનાવી ગાડીની ચોરી કરતા હતા. જે માટે વપરાતી 41 જેટલી પ્લેન ચાવી પણ કબ્જે કરવામાં આવી છે. આરોપીએ ગુજરાતમાં 100 કાર ચોરીનો ટાર્ગેટ લઈને આવ્યા હોવાનુ સામે આવ્યુ છે.