Coronavirus in India: સતત ચોથા દિવસે, કોરોનાના 12 હજારથી વધુ નવા કેસ નોંધાયા, સક્રિય કેસ 76 હજારને પાર

દેશમાં કોરોના વાયરસના (Corona Virus) કેસ ફરી વધી રહ્યા છે અને સતત ચોથા દિવસે 12 હજારથી વધુ નવા કેસ નોંધાયા છે. સોમવારે સવારે કેન્દ્રીય સ્વાસ્થ્ય મંત્રાલય (Union Health Ministry) દ્વારા જાહેર કરવામાં આવેલા અપડેટ ડેટા અનુસાર, છેલ્લા 24 કલાકમાં કોરોનાના 12,781 નવા કેસ નોંધાયા છે. કેસોની વધતી જતી સંખ્યાને કારણે દેશમાં સક્રિય કેસની સંખ્યા 76 હજારને વટાવી ગઈ છે. હાલમાં 76,700 એક્ટિવ કેસ (Active Cases)છે. જ્યારે આ દરમિયાન 18 દર્દીઓના કોરોનાને કારણે મોત થયા છે.

કેન્દ્રીય સ્વાસ્થ્ય મંત્રાલય દ્વારા જાહેર કરવામાં આવેલા આંકડા અનુસાર, આજે સવારે 12,781 નવા કેસ સામે આવતાં, કોરોનાથી સંક્રમિત લોકોની સંખ્યા વધીને 43,309,473 થઈ ગઈ છે. આ પહેલા રવિવારે એક જ દિવસમાં કોરોના વાયરસના 12,899 નવા કેસ નોંધાયા હતા. જ્યારે 18 જૂને એક જ દિવસમાં 13,216 નવા કેસ નોંધાયા હતા, જ્યારે 17 જૂને કોરોનાના 12,847 નવા કેસ નોંધાયા હતા. છેલ્લા 4 દિવસમાં દરરોજ 12 હજારથી વધુ નવા કેસ આવી રહ્યા છે.

સક્રિય કેસની સંખ્યા 72 હજારથી વધીને 76 હજાર થઈ ગઈ છે

મંત્રાલયના જણાવ્યા અનુસાર, છેલ્લા 24 કલાકમાં કોરોનાથી સાજા થનારા લોકોની સંખ્યામાં 8,537નો વધારો થયો છે. સક્રિય કેસની સંખ્યા 76 હજારને વટાવી ગઈ છે અને હવે તે 76,700 પર પહોંચી ગઈ છે. દેશમાં કોવિડ-19ની સારવાર હેઠળ દર્દીઓની સંખ્યા 72,474 થી વધીને હવે 76,700 થઈ ગઈ છે. દેશમાં સકારાત્મકતા દર વધીને 4.32 ટકા થયો છે.

ભારતમાં છેલ્લા 24 કલાકમાં ચેપને કારણે વધુ 18 લોકોના મોત થયા છે. ગઈકાલે કોરોનાથી 15 લોકોના મોત થયા હતા. વધુ 18 લોકોના મોત બાદ, કોરોનાથી મૃત્યુ પામેલા લોકોની કુલ સંખ્યા વધીને 5,24,873 થઈ ગઈ છે.

અત્યાર સુધીમાં રસીના 196.18 કરોડથી વધુ ડોઝ

મંત્રાલયે કહ્યું કે રાષ્ટ્રવ્યાપી રસીકરણ અભિયાન હેઠળ, દેશભરમાં અત્યાર સુધીમાં કોવિડ-19 વિરોધી રસીના 196.18 કરોડથી વધુ ડોઝ આપવામાં આવ્યા છે. નવા આંકડાઓ અનુસાર દેશમાં અત્યાર સુધીમાં 1,96,18,66,707 ડોઝ આપવામાં આવ્યા છે. છેલ્લા 24 કલાકમાં 2,80,136 ડોઝ આપવામાં આવ્યા છે.