WCL Recruitment 2021: કોલફિલ્ડ લિમિટેડમાં ગ્રુપ બી અને સી પોસ્ટ માટે ભરતી જાહેર, જુઓ તમામ વિગતો
WCL Recruitment 2021: વેસ્ટર્ન કોલફિલ્ડ્સ લિમિટેડ (WCL Recruitment 2021) એ માઇનિંગ સરદાર અને સર્વેયરની પોસ્ટ પર ભરતી માટે જાહેરનામું બહાર પાડ્યું છે.
WCL Recruitment 2021: વેસ્ટર્ન કોલફિલ્ડ્સ લિમિટેડ (WCL Recruitment 2021) એ માઇનિંગ સરદાર અને સર્વેયરની પોસ્ટ પર ભરતી માટે જાહેરનામું બહાર પાડ્યું છે. બધા રસ ધરાવતા અને લાયક ઉમેદવારો સત્તાવાર વેબસાઇટ westcoal.in પર 21 ઓક્ટોબર 2021થી નિયત ફોર્મેટમાં WCL ભરતી 2021 માટે અરજી કરી શકે છે. આ પોસ્ટ્સ પર ભરતી માટે અરજી કરવાની છેલ્લી તારીખ 20 નવેમ્બર 2021 રાખવામાં આવી છે.
આ પ્રક્રિયા દ્વારા કુલ 211 પોસ્ટ્સની ભરતી કરવામાં આવશે. જેમાં માઇનિંગ સરદારની 167 અને સર્વેયરની 44 જગ્યાઓનો સમાવેશ કરવામાં આવ્યો છે. માઇનિંગ સરદારના પદ માટે પસંદ કરાયેલા ઉમેદવારોને દર મહિને 31,852 રૂપિયાનો પગાર આપવામાં આવશે. જ્યારે સર્વેયર પદ માટે ઉમેદવારોને દર મહિને 34,391 રૂપિયા સુધીનો પગાર મળશે.
શૈક્ષણીક લાયકાત
સત્તાવાર સૂચના મુજબ, માઇનિંગ સરદારના પદ પર ભરતી માટે, ઉમેદવાર પાસે ડીજીએમએસ અથવા ડિપ્લોમા ઇન માઇનિંગ એન્ડ માઇન સર્વેયર દ્વારા જારી કરાયેલ યોગ્યતાનું માઇનિંગ સરદાર પ્રમાણપત્ર હોવું જોઈએ. તે જ સમયે, સર્વેયર પદ પર ભરતી માટે, ઉમેદવારે મેટ્રિક પાસ હોવું જોઈએ. તેમજ ઉમેદવાર પાસે DGMS દ્વારા જારી કરાયેલ યોગ્યતાનું સર્વેયર પ્રમાણપત્ર હોવું જોઈએ.
વય મર્યાદાની વાત કરીએ તો, આ જગ્યાઓ પર ભરતી માટે ઉમેદવારની ઉંમર 11 ઓક્ટોબર 2021ના રોજ 18 વર્ષથી 30 વર્ષની વચ્ચે હોવી જોઈએ. જોકે સરકારી નિયમો મુજબ અનામત વર્ગના ઉમેદવારોને ઉપલી વય મર્યાદામાં છૂટછાટ આપવામાં આવશે. વિગતવાર માહિતી માટે ઉમેદવારો સત્તાવાર સૂચના ચકાસી શકે છે.
પરીક્ષાના આધારે આ પોસ્ટ્સ પર ભરતી માટે ઉમેદવારોની પસંદગી કરવામાં આવશે. આ પરીક્ષામાં 100 ગુણના 100 પ્રશ્નો પૂછવામાં આવશે અને આ પ્રશ્નોના ઉકેલ માટે ઉમેદવારોને 120 મિનિટ આપવામાં આવશે. માઇનિંગ સરદાર અને સર્વેયરની પોસ્ટ પર ભરતી માટેના તમામ ઉમેદવારો સત્તાવાર વેબસાઇટ Westerncoal.in દ્વારા 21 ઓક્ટોબરથી 20 નવેમ્બર 2021 સુધી ઓનલાઇન અરજી કરી શકે છે. વધુ વિગતો માટે સત્તાવાર વેબસાઇટ તપાસી શકો છો.
IITમાં આસિસ્ટન્ટ સહિતના અન્ય પદ માટે ભરતી
ઇન્ડિયન ઇન્સ્ટિટ્યુટ ઓફ ટેકનોલોજી (IIT), કાનપુરે નિયમિત ધોરણે વિવિધ નોન-ટીચિંગ સ્ટાફ માટે ભરતીની જાહેરાત બહાર પાડી છે. 13 ઓક્ટોબર 2021, બુધવારે સંસ્થા દ્વારા બહાર પાડવામાં આવેલી ભરતી જાહેરાત (નં.01/2021) મુજબ, જુનિયર આસિસ્ટન્ટ, જુનિયર ટેકનિશિયન અને જુનિયર ટેકનિકલ સુપરિન્ટેન્ડન્ટ, જુનિયર સુપરિન્ટેન્ડન્ટ, આસિસ્ટન્ટ રજિસ્ટ્રાર અને અન્યની કુલ 95 જગ્યાઓ માટે લાયક ઉમેદવારો પાસેથી વિવિધ વિભાગોમાં ઓનલાઇન અરજીઓ મંગાવવામાં આવી રહી છે. રસ ધરાવતા અને લાયક ઉમેદવારો IIT કાનપુરની સત્તાવાર વેબસાઇટ, iitk.ac.in પર ઉપલબ્ધ ઓનલાઇન અરજી ફોર્મ દ્વારા અરજી કરી શકે છે.