SSB HC Recruitment 2021: સશસ્ત્ર સીમા બાલમાં (Sashastra Seema Bal) હેડ કોન્સ્ટેબલની પોસ્ટ પર ભરતી માટે જાહેરનામું બહાર પાડવામાં આવ્યું છે. જાહેર કરેલી સૂચના મુજબ કુલ 115 પોસ્ટ્સની ભરતી કરવામાં આવશે. આવી સ્થિતિમાં જે ઉમેદવારો આ પોસ્ટ્સ માટે અરજી કરવા માંગતા હોય તેઓએ એસએસબીની સત્તાવાર વેબસાઇટ ssbrectt.gov.inની મુલાકાત લઈને ઓનલાઇન અરજી કરવાની રહેશે.
હેડ કોન્સ્ટેબલની પોસ્ટ પર ભરતી માટે જાહેર કરાયેલી આ ખાલી જગ્યા (SSB HC Recruitment 2021) અંતર્ગત અરજી પ્રક્રિયા આજથી એટલે કે 24 જુલાઈ 2021થી શરૂ થઈ ગઈ છે. આમાં અરજી કરવા ઇચ્છુક ઉમેદવારોને 22 ઓગસ્ટ 2021 સુધીનો સમય આપવામાં આવ્યો છે. આ ખાલી જગ્યા માટે ફી જમા કરવાની આ છેલ્લી તારીખ છે. જો કે એસએસબી દ્વારા પ્રવેશ કાર્ડ અને પરીક્ષાની તારીખની ઘોષણા હજુ સુધી કરવામાં આવી નથી. આ પોસ્ટ્સ માટે અરજી કરતા પહેલા કૃપા કરીને વેબસાઇટ પર ઉપલબ્ધ સત્તાવાર સૂચના તપાસો. અરજી ફોર્મ સંપૂર્ણ રીતે ભરો કારણ કે, જો કોઈ ભૂલ મળી આવે તો ફોર્મ નામંજૂર કરવામાં આવશે.
આ પોસ્ટ્સ માટે અરજી કરવા માટે ઉમેદવારોએ કોઈપણ માન્ય બોર્ડમાંથી ઇન્ટરમિડિયેટ પાસ ડિગ્રી હોવી જોઈએ. ઉપરાંત, કમ્પ્યુટર કુશળતામાં અંગ્રેજી ટાઇપિંગમાં મિનિટ દીઠ 35 શબ્દો અને હિન્દીમાં પ્રતિ મિનિટ 30 શબ્દોની સ્પિડ હોવી જોઈએ. આ પદ માટે અરજી કરનારા ઉમેદવારોની ઉંમર 18 વર્ષથી વધુ અને 25 વર્ષથી ઓછી હોવી જરૂરી છે. આપને જણાવી દઈએ કે આ ખાલી જગ્યામાં અનામતના દાયરામાં આવતા ઉમેદવારોને ઉપલી વયમર્યાદામાં રાહત આપવામાં આવશે. આ પોસ્ટ્સ પર અરજી કરતાં પહેલાં વેબસાઇટ પર ઉપલબ્ધ સૂચનાને સંપૂર્ણ રીતે તપાસો.