SBI Vacancy 2024: દેશની સૌથી મોટી સરકારી બેંક સ્ટેટ બેંક ઓફ ઈન્ડિયામાં ખાસ કેડર અધિકારીઓની બમ્પર ભરતી કરવામાં આવી રહી છે. આ ભરતી કોન્ટ્રાક્ટ હેઠળ છે. ખાલી પડેલી જગ્યાઓમાં ડેવલપમેન્ટ મેનેજર, રિલેશનશિપ મેનેજર, વીઆર વેલ્થ, ઈન્વેસ્ટમેન્ટ ઓફિસર અને રિજનલ હેડ જેવી પોસ્ટનો સમાવેશ થાય છે.
આ ભરતી માટે ઓનલાઈન અરજીઓ 19 જુલાઈથી શરૂ થઈ ગઈ છે. અરજી કરવા લિંક https://bank.sbi/web/careers પર ક્લિક કરવું પડશે. અરજી કરવાની છેલ્લી તારીખ 08 ઓગસ્ટ 2024 છે. ઉમેદવારોને તેમની લાયકાત અને અનુભવના આધારે ઇન્ટરવ્યુ માટે શોર્ટલિસ્ટ કરવામાં આવશે. અરજી કરતી વખતે ઉમેદવારોએ તમામ જરૂરી દસ્તાવેજો જેવાકે ટૂંકો બાયોડેટા, આઈડી પ્રૂફ, ઉંમરનો પુરાવો, જાતિ પ્રમાણપત્ર, PWBD પ્રમાણપત્ર, શૈક્ષણિક લાયકાત, અનુભવ પ્રમાણપત્ર અપલોડ કરવા જરૂરી છે. દસ્તાવેજો અપલોડ ન કરવાના કિસ્સામાં તેમની અરજી/ઉમેદવારીને શોર્ટલિસ્ટિંગ/ઇન્ટરવ્યૂ માટે ધ્યાનમાં લેવામાં આવશે નહીં.
પોસ્ટ મુજબ લઘુત્તમ વય 23 વર્ષ અને મહત્તમ 50 વર્ષ. અનામત વર્ગ માટે ઉપલી વય મર્યાદામાં છૂટછાટની જોગવાઈ છે.
જનરલ, OBC અને EWS કેટેગરીના ઉમેદવારોએ 750 રૂપિયાની અરજી ફી ચૂકવવી પડશે. જ્યારે અન્ય અનામત વર્ગો વિના મૂલ્યે ફોર્મ ભરી શકે છે.
પસંદ કર્યા પછી, ઉમેદવારોને પોસ્ટના આધારે રૂ. 20.50 લાખથી રૂ. 66 લાખ (CTC અપર રેન્જ) સુધીની વાર્ષિક CTC આપવામાં આવશે.
SBIની આ વેકેન્સીમાં ઉમેદવારોની પસંદગી શોર્ટલિસ્ટિંગ અને ઈન્ટરવ્યુના આધારે કરવામાં આવશે. ભરતી સંબંધિત કોઈપણ અન્ય માહિતી માટે ઉમેદવારો બેંકની સત્તાવાર વેબસાઇટની મુલાકાત લઈ માહિતી જાણી શકે છે.
આ પણ વાંચો : અમદાવાદઃ વિરમગામ અને સાણંદમાં CM દ્વારા 1400 કરોડના નર્મદા સિંચાઈ પ્રોજેક્ટનું નિરીક્ષણ કરાયું, જુઓ વીડિયો