SBI Clerk 2021 Exam: એસબીઆઈ ક્લાર્ક મેઇનની પરીક્ષા મુલતવી, ટૂંક સમયમાં આવી શકે પ્રીલિમ્સનું પરિણામ
SBIએ આગામી આદેશો સુધી 31 જુલાઇએ યોજાનારી ક્લાર્ક ભરતી મુખ્ય પરીક્ષા મુલતવી રાખી છે. આ અંગે બેંકે એક નોટિસ જાહેર કરી છે.
SBI Clerk Exam 2021 Postponed: સ્ટેટ બેંક ઓફ ઈન્ડિયાએ (State Bank Of India) ક્લાર્ક મેઈનની પરીક્ષા 2021ના આગામી સૂચના સુધી મુલતવી રાખી છે. એસબીઆઈ ક્લાર્ક મુખ્ય પરીક્ષા 31 જુલાઈ 2021ના રોજ યોજાવાની હતી. ઉમેદવારો બેંકની સત્તાવાર વેબસાઇટ, sbi.co.in પર જઈને સૂચના ચકાસી શકે છે. એસબીઆઈ ક્લાર્ક (જુનિયર એસોસિએટ) દેશના વિવિધ શહેરોમાં 10 જુલાઇથી 13 જુલાઇ દરમિયાન પ્રિલીમ્સની પરીક્ષા લેવામાં આવી હતી. પ્રારંભિક પરિણામ ટૂંક સમયમાં જાહેર થવાની સંભાવના છે. મુખ્ય પરીક્ષા આપવા માટે ઉમેદવારોએ પ્રી પરીક્ષા ક્લિયર કરવાની રહેશે.
એસબીઆઈ ક્લાર્ક પરીક્ષા માટેની અરજી પ્રક્રિયા 27 એપ્રિલથી શરૂ થઈ હતી. આ ભરતી અભિયાન દ્વારા 5,000થી વધુ જુનિયર એસોસિએટની ભરતી કરવામાં આવશે. ઉમેદવારોએ તેને મેરીટ સૂચિમાં સ્થાન આપવા માટે ત્રણેય તબક્કા (પ્રારંભિક, મુખ્ય અને ઇન્ટરવ્યૂ) પાસ કરવા પડશે. પસંદગી પામેલા ઉમેદવારોને દેશભરની બેંકની વિવિધ શાખાઓમાં પોસ્ટ કરવામાં આવશે.
ચાલો તમને જણાવી દઈએ કે SBI ક્લાર્ક મેઇન્સ પરીક્ષામાં મલ્ટીપલ પસંદગીના 190 પ્રશ્નો છે. ઉમેદવારોએ પ્રશ્નોના જવાબ બે કલાક ચાલીસ મિનિટની નિર્ધારિત સમય મર્યાદામાં આપવાના રહેશે. જનરલ / ફાઇનાન્સિયલ અવેરનેસ, અંગ્રેજી, ક્વોન્ટિટેટિવ એપ્ટીટ્યુડ અને રિઝનિંગ એબિલિટી તેમજ કમ્પ્યુટર એપ્ટિટ્યુડ દ્વારા પ્રશ્નો પૂછવામાં આવે છે. ઉમેદવારોને સલાહ આપવામાં આવે છે કે, નવી પરીક્ષા તારીખને લગતી વધુ વિગતો માટે સત્તાવાર વેબસાઇટની મુલાકાત લેવી.
આ પણ વાંચો: Sarkari Naukri 2021: રક્ષા મંત્રાલયમાં બહાર પડી નોકરી, જાણો કોણ કરી શકશે એપ્લાય ?