Jobs: વેસ્ટર્ન કોલ ફિલ્ડમાં એપ્રેન્ટિસની 1100 થી વધુ જગ્યા માટે ભરતી, 10 ધોરણ પાસ ઉમેદવાર કરી શકે છે અરજી
તમે વેસ્ટર્ન કોલ ફિલ્ડ્સમાં આ ખાલી જગ્યા માટે 1 સપ્ટેમ્બર 2023 થી અરજી કરી શકો છો. લાયક ઉમેદવારોને અરજી કરવા માટે 16 સપ્ટેમ્બર 2023 સુધીનો સમય મળશે. હજુ સુધી પરીક્ષાની તારીખો જાહેર કરવામાં આવી નથી.
ભારત સરકાર હેઠળની મીની રત્ન કંપની વેસ્ટર્ન કોલ ફિલ્ડ્સ લિમિટેડમાં સરકારી નોકરી (Government Job) મેળવવાની મોટી તક છે. WCL માં ટ્રેડ એપ્રેન્ટિસની જગ્યાઓ પર ખાલી જગ્યા માટે ભરતી બહાર પાડવામાં આવી છે. આ ખાલી જગ્યા દ્વારા કુલ 1100 થી વધુ જગ્યાઓ પર ભરતી કરવામાં આવશે. આ પોસ્ટ માટે નોંધણી પ્રક્રિયા હજુ શરૂ થઈ નથી. અરજી કરવા માટે ઉમેદવારોએ સત્તાવાર વેબસાઇટ westerncoal.in પર જવું પડશે.
1 સપ્ટેમ્બર 2023 થી અરજી કરી શકો છો
તમે વેસ્ટર્ન કોલ ફિલ્ડ્સમાં આ ખાલી જગ્યા માટે 1 સપ્ટેમ્બર 2023 થી અરજી કરી શકો છો. લાયક ઉમેદવારોને અરજી કરવા માટે 16 સપ્ટેમ્બર 2023 સુધીનો સમય મળશે. હજુ સુધી પરીક્ષાની તારીખો જાહેર કરવામાં આવી નથી. અરજી પ્રક્રિયા શરૂ થયા બાદ ઉમેદવારો નીચે જણાવ્યા મૂજબના સ્ટેપ્સ દ્વારા અરજી કરી શકશે.
WCL Apprentice માટે આવી રીતે કરો અરજી
1. અરજી કરવા માટે ઉમેદવારોએ સૌથી પહેલા સત્તાવાર વેબસાઇટ westerncoal.in પર જાઓ.
2. વેબસાઇટના હોમ પેજ પર Apprentice લિંક પર ક્લિક કરો.
3. આગલા પેજ પર West Coal Field WCL Various Trade Apprentice Recruitment 2023 ની લિંક પર જાઓ.
4. ત્યારબાદ ઉમેદવારોએ પહેલા રજીસ્ટ્રેશન કરવાનું રહેશે.
5. રજીસ્ટ્રેશન બાદ તમે અરજી ફોર્મ ભરી શકો છો.
6. અરજી કર્યા બાદ તેની પ્રિન્ટ લઈ લો.
અરજી કરવા માટે કોઈ ફી ચૂકવવાની રહેશે નહીં
સૂચના ચેક કર્યા બાદ જ આ ખાલી જગ્યા માટે અરજી કરો. સૂચનામાં માંગવામાં આવેલ લાયકાત ધરાવતા ઉમેદવારો જ અરજી કરવા પાત્ર રહેશે. તમને જણાવી દઈએ કે આ ખાલી જગ્યા માટે અરજી કરવા માટે કોઈ ફી ચૂકવવાની રહેશે નહીં. એપ્લિકેશન પૂર્ણ થયા પછી પ્રિન્ટ લેવાનું ભૂલશો નહીં.
આ પણ વાંચો : Railway Jobs: યુવાનો માટે સારા સમાચાર, રેલવે આપશે 2.4 લાખથી વધુ નોકરી, આવી રીતે કરો અરજી
ખાલી જગ્યાની વિગતો
આ ખાલી જગ્યા દ્વારા કુલ 1191 જગ્યાઓ પર ભરતી કરવામાં આવશે. જેમાં ટ્રેડ એપ્રેન્ટિસ, ફ્રેશર્સ સિક્યુરિટી ગાર્ડ, ગ્રેજ્યુએટ એપ્રેન્ટિસ અને ટેકનિકલ એપ્રેન્ટિસ જેવી જગ્યાઓ પર ભરતી થશે. ટ્રેડ એપ્રેન્ટિસની પોસ્ટ માટે અરજી કરવા માટે, ઉમેદવારો પાસે ITI પ્રમાણપત્ર હોવું જરૂરી છે. 10મું પાસ સિક્યોરિટી ગાર્ડ માટે અરજી કરી શકે છે. સત્તાવાર સૂચનામાં પોસ્ટ્સ અનુસાર તમે બધી જ વિગતો જોઈ શકો છો.
