ONGC માં એપ્રેન્ટિસની 2500 જગ્યાઓ માટે ભરતી બહાર પડી, 10 અને 12 ધોરણ પાસ ઉમેદવાર કરી શકશે અરજી

ONGCની આ ભરતીમાં તમામ જગ્યાઓ માટે અલગ અલગ લાયકાત નક્કી કરવામાં આવી છે. BA અથવા B.Com. સિવાય, B.Sc. અથવા BBA ડિગ્રી ધારકો ગ્રેજ્યુએટ એપ્રેન્ટિસ માટે અરજી કરી શકે છે. આ સાથે B.Tech લોકો પણ અરજી કરવા પાત્ર છે. 12 પાસ અને ડિપ્લોમા ધારકો ડિપ્લોમા એપ્રેન્ટિસ માટે અરજી કરી શકે છે. ટ્રેડ એપ્રેન્ટિસ માટે 10 અને 12 પાસ પાસેથી અરજીઓ મંગાવવામાં આવી છે.

ONGC Jobs

TV9 Gujarati | Edited By: Bhavesh Bhatti | Updated on: Sep 04, 2023 | 4:47 PM

ઓઇલ એન્ડ નેચરલ ગેસ કોર્પોરેશન લિમિટેડ (ONGC) દ્વારા એપ્રેન્ટિસની 2,500 જગ્યાઓની ભરતી માટે જાહેરનામું બહાર પાડવામાં આવ્યું છે. જે ઉમેદવાર આ ભરતી માટે અરજી કરવા માંગે છે તે સત્તાવાર વેબસાઈટ ongcindia.com પર જઈને અરજી (Online Application) કરી શકે છે. તમે સૂચનામાં આ ખાલી જગ્યા સંબંધિત તમામ વિગતો વાંચી શકો છો. અરજદારો નોંધણી 1 સપ્ટેમ્બર 2023 થી 20 સપ્ટેમ્બર 2023 સુધી કરી શકે છે. પરિણામ 5 ઓક્ટોબર 2023ના રોજ જાહેર કરવામાં આવશે.

પરીક્ષામાં મેળવેલા ગુણના આધારે ઉમેદવારોની પસંદગી

ઉમેદવારોની ઉંમર 18 વર્ષથી 24 વર્ષની વચ્ચે હોવી જોઈએ. ઉંમરની ગણતરી 20 સપ્ટેમ્બર 2023 અનુસાર કરવામાં આવશે. આ ભરતીમાં ઉમેદવારોને 7 થી 8 હજાર રૂપિયા પ્રતિ માસ પગાર આપવામાં આવશે. પરીક્ષામાં મેળવેલા ગુણના આધારે ઉમેદવારોની પસંદગી કરવામાં આવશે.

અરજી માટે લાયકાત

ONGCની આ ભરતીમાં તમામ જગ્યાઓ માટે અલગ અલગ લાયકાત નક્કી કરવામાં આવી છે. BA અથવા B.Com. સિવાય, B.Sc. અથવા BBA ડિગ્રી ધારકો ગ્રેજ્યુએટ એપ્રેન્ટિસ માટે અરજી કરી શકે છે. આ સાથે B.Tech લોકો પણ અરજી કરવા પાત્ર છે. 12 પાસ અને ડિપ્લોમા ધારકો ડિપ્લોમા એપ્રેન્ટિસ માટે અરજી કરી શકે છે. ટ્રેડ એપ્રેન્ટિસ માટે 10 અને 12 પાસ પાસેથી અરજીઓ મંગાવવામાં આવી છે. આ સિવાય ઉમેદવારો પાસે ITI પ્રમાણપત્ર હોવું જોઈએ.

પસંદગી પ્રક્રિયા

આ ખાલી જગ્યાની સૌથી ખાસ વાત એ છે કે તેમાં કોઈ પરીક્ષા લેવામાં આવશે નહીં. પરીક્ષામાં મેળવેલા ગુણના આધારે ઉમેદવારોની પસંદગી કરવામાં આવશે. સામાન્ય ગુણ ધરાવતા ઉમેદવારોની પસંદગી મહત્તમ વયના આધારે કરવામાં આવશે.