NEET PG Counselling: કેન્દ્રની અરજી બાદ સુપ્રીમ કોર્ટ આજે EWS અનામત મામલે કરશે સુનાવણી

NEET PG Counselling Case: NEET PG કાઉન્સિલિંગમાં EWS આરક્ષણ મામલે ટૂંક સમયમાં સુનાવણી કરવાની કેન્દ્ર સરકારની વિનંતી બાદ સુપ્રીમ કોર્ટ બુધવારે તેની સુનાવણી કરવા જઈ રહી છે. આને એક મહત્વપૂર્ણ મામલો ગણીને કેન્દ્રએ કોર્ટને વહેલી તકે તેના પર વિચાર કરવા વિનંતી કરી હતી. કેન્દ્ર તરફથી EWS અનામત માટે 8 લાખની આવક મર્યાદા વિવાદનો મુખ્ય વિષય છે.

જસ્ટિસ ડીવાય ચંદ્રચુડ (justices DY Chandrachud) અને જસ્ટિસ એએસ બોપન્નાની બે જજની બેન્ચે બુધવારે અખિલ ભારતીય ક્વોટા NEET-PG બેઠકોમાં અન્ય પછાત વર્ગો (OBC) અને આર્થિક રીતે નબળા વર્ગો (EWS) માટેના આરક્ષણને પડકાર્યો હતો. જે અરજીઓની સુનાવણી કરશે. તબીબી ક્ષેત્રે અનુસ્નાતક અભ્યાસક્રમો માટે લાયકાત ધરાવતા નિવાસી તબીબો કાઉન્સિલિંગમાં વિલંબનો વિરોધ કરી રહ્યા છે કારણ કે અનામતનો મામલો કોર્ટમાં પડતર છે.

કેન્દ્ર તરફથી હાજર રહેલા સોલિસિટર જનરલ (SG) તુષાર મહેતાએ મંગળવારે ભારતના મુખ્ય ન્યાયાધીશ એન.વી. રમનાની આગેવાની હેઠળની બેંચને જણાવ્યું હતું કે, વિરોધ કરી રહેલા રેસિડેન્ટ ડોકટરોની ચિંતાઓ સાચી છે, જો આ મામલો તાત્કાલિક લેવામાં આવે તો જ તેનું નિરાકરણ લાવી શકાય.

નિવાસી તબીબોની ચિંતા વ્યાજબી છેઃ એસ.જી.મહેતા

મહેતાએ કોર્ટને કહ્યું, ‘આ મામલા EWS સાથે સંબંધિત લોકો સાથે જોડાયેલા છે. અમે એક નિવેદન આપ્યું હતું જે પીજી એડમિશન માટે વધુ કાઉન્સેલિંગ અટકાવે છે. જેને લઈને રેસિડેન્ટ ડોક્ટરો વિરોધ કરી રહ્યા છે. તેમની ચિંતા વાજબી છે.

તેમણે એ પણ વિનંતી કરી હતી કે, મર્યાદિત હેતુ માટે, પેન્ડિંગ અરજીઓની સુનાવણી માટે ન્યાયમૂર્તિ ધનંજય વાય ચંદ્રચુડની આગેવાની હેઠળની બે જજની બેંચની રચના કરવામાં આવે. સોમવારે, મહેતાએ જસ્ટિસ ચંદ્રચુડ સમક્ષ સમાન વિનંતી કરી હતી, જેમાં 6 જાન્યુઆરીની પૂર્વનિર્ધારિત તારીખને બદલે મંગળવારે સૂચિબદ્ધ કરવાની વહેલી તકે માંગ કરવામાં આવી હતી. તે સમયે જસ્ટિસ ચંદ્રચુડે તેમને આશ્વાસન આપ્યું હતું કે, તેઓ તેને ચીફ જસ્ટિસ સમક્ષ ઉઠાવશે.

કાઉન્સેલિંગ એ એવી પ્રક્રિયા છે કે, જેના દ્વારા સફળ ઉમેદવાર મેળવેલ ગુણ/રેન્કના આધારે પોતાની પસંદગીની સંસ્થા પસંદ કરી શકે છે. મેડિકલ અને ડેન્ટલ અભ્યાસક્રમોમાં OBC અને EWS આરક્ષણ દાખલ કરવાનો સરકારનો નિર્ણય 50% PG અને 15% UG AIQ બેઠકો પર લાગુ કરવામાં આવ્યો હતો. 29 જુલાઈના રોજ સરકારની જાહેરાતમાં કહેવામાં આવ્યું હતું કે, “આ નિર્ણયથી MBBSમાં લગભગ 1500 OBC વિદ્યાર્થીઓ અને PGમાં 2500 OBC વિદ્યાર્થીઓ અને MBBSમાં લગભગ 550 EWS વિદ્યાર્થીઓ અને PGમાં લગભગ 1000 EWS વિદ્યાર્થીઓને દર વર્ષે ફાયદો થશે.”

NEET-PG પરીક્ષામાં 89 હજારથી વધુ ડોક્ટર્સ ક્વોલિફાય થયા છે

સપ્ટેમ્બરમાં લેવાયેલી NEET-PG પરીક્ષામાં કુલ 89,000 થી વધુ ડોકટરો ક્વોલિફાય થયા હતા, જ્યારે 160,000 થી વધુ ડોકટરોએ હાજરી આપી હતી.

કોર્ટ સમક્ષ પેન્ડિંગ કેસ રેસિડેન્ટ ડોકટરો દ્વારા દાખલ કરવામાં આવ્યો છે, જેમણે NEET ઓલ ઈન્ડિયા ક્વોટા સીટોમાં 27% OBC ક્વોટા અને 10% EWS ક્વોટા દાખલ કરવા માટે 29 જુલાઈ, 2021 ના ​​રોજ કેન્દ્રની સૂચનાને પડકારી છે. અરજીઓએ EWS ક્વોટાના અમલીકરણના આધારો પર પ્રશ્ન ઉઠાવ્યો હતો અને કહ્યું હતું કે, આ પ્રકારનું આરક્ષણ સર્વોચ્ચ અદાલત દ્વારા તેના અગાઉના ચુકાદાઓમાં નિર્ધારિત 50% બેન્ચમાર્ક કરતાં વધુ હશે કારણ કે SC અને ST માટે પણ 22.5% અનામત છે.

8 લાખની મર્યાદાને લઈને વિવાદ ચાલુ છે

આના પર કેન્દ્રનું કહેવું છે કે તેણે આર્થિક રીતે નબળા વર્ગો માટે વર્તમાન કુલ વાર્ષિક પારિવારિક આવક મર્યાદા 8 લાખ રૂપિયા અથવા તેનાથી ઓછી રાખવાની ભલામણો સ્વીકારવાનો નિર્ણય કર્યો છે. EWSને ઓળખવા માટેના માપદંડ નિર્ધારણ કેન્દ્ર દ્વારા પસાર કરાયેલા 17 જાન્યુઆરી, 2019ના આદેશની સમીક્ષા કરતી સમિતિએ તારણ કાઢ્યું હતું કે 8 લાખની મર્યાદા “ઓવર-ઇન્ક્લુઝિવ” નથી. જો કે, તેણે સરકારી સૂચના હેઠળ નિર્ધારિત રહેણાંક મિલકતના માપદંડોને છોડી દીધા છે. કેન્દ્રએ સમિતિની ભલામણોને સમર્થન આપતાં 1 જાન્યુઆરીએ દાખલ કરેલા સોગંદનામા સાથે સુપ્રીમ કોર્ટમાં અહેવાલ સુપરત કર્યો હતો.

સમિતિએ દરખાસ્ત કરી હતી કે, તેની ભલામણો આગામી પ્રવેશ અથવા જાહેરાત સાયકલથી લાગુ કરી શકાય છે, અને ત્યાં સુધી EWS માટે લાગુ પડતા વર્તમાન ધોરણોનું પાલન કરી શકાય છે.

આ પણ વાંચો: Career Tips: માર્કેટિંગ મેનેજરની ભારતમાં છે ખૂબ માંગ, ધોરણ 12 અને ગ્રેજ્યુએશન પછી કરો આ કોર્સ

આ પણ વાંચો: IIT JAM admit card: IIT JAM એડમિટ કાર્ડ આજે નહીં થાય જાહેર, જાણો ક્યારે અને કેવી રીતે કરવું ડાઉનલોડ