Job Oppurtunities 2025 : IT સેક્ટરમાં નોકરીઓની થશે બોલબાલા, આ લોકોને મળશે સૌથી વધુ જોબ

નોકરી શોધી રહેલા લોકો માટે સારા સમાચાર છે. 2024 ના બીજા ભાગમાં IT ઉદ્યોગે ફરી વેગ પકડ્યો છે અને આવતા વર્ષે આ ક્ષેત્રમાં નોકરીની બમ્પર તકો હશે. આ વાત ટેલેન્ટ સોલ્યુશન કંપની NLB સર્વિસિસનું કહેવું છે. કંપનીએ હાલમાં જ એક રિપોર્ટ જાહેર કર્યો છે જેમાં કહેવામાં આવ્યું છે કે, વર્ષ 2025માં આ સેક્ટરમાં 15-20 ટકા લોકોને નોકરી મળવાની સંભાવના છે.

NLB સર્વિસે જણાવ્યું હતું કે, IT ઉદ્યોગે 2024ના બીજા ભાગમાં ફરી ગતિ પકડી છે અને ઘણા મોરચે આશાસ્પદ 2025 માટે તૈયારી કરી રહી છે. આગામી વર્ષમાં ભારતીય IT સેક્ટરમાં ફ્રેશર્સની ભરતીમાં વધારો થવાની શક્યતા છે.

તેમની માગ વધી

વધતી જતી ટેક્નોલૉજી નિર્ભરતાના કારણે આર્ટિફિશિયલ ઇન્ટેલિજન્સ, મશીન લર્નિંગ (ML), ડેટા એનાલિટિક્સ અને ક્લાઉડ ટેક્નોલોજી સહિત અત્યંત વિશિષ્ટ ટેકનોલોજી ભૂમિકાઓની માગમાં 30-35 ટકાનો વધારો થવાની ધારણા છે.

કંપનીએ જણાવ્યું હતું કે, માગમાં આ વધારો એકલા નિયુક્તિ રાખવા પૂરતો મર્યાદિત નથી પરંતુ ટેકનિકલ કૌશલ્યો પર વ્યૂહાત્મક ધ્યાન કેન્દ્રિત કરવા સુધી વિસ્તરે છે. જેમાં કંપનીઓ તેમના કર્મચારીઓને વિકસતા ટેકનોલોજી લેન્ડસ્કેપને પહોંચી વળવા જરૂરી કૌશલ્યોથી સજ્જ કરવા માટે પ્રશિક્ષણ પહેલ શરૂ કરી રહી છે.

કેમ્પસ પ્લેસમેન્ટ પર ધ્યાન આપો

NLB સર્વિસિસનું વિશ્લેષણ મેક્રો ઇકોસિસ્ટમ, ઉદ્યોગના વલણો અને માગ પર આધારિત છે. વધુમાં કંપનીએ જણાવ્યું હતું કે, 2024-25ના 6 મહિના પછી નોકરી મેળવવા માગતી મોટી કંપનીઓ માટે કેમ્પસ હાયરિંગ કરવા માગે છે.

આટલી થશે ભરતી

આર્ટિફિશિયલ ઇન્ટેલિજન્સ (AI), મશીન લર્નિંગ (ML), ડેટા એનાલિટિક્સ, પાયથોન, ક્લાઉડ ટેક્નોલોજી અને સાયબર સિક્યોરિટીમાં ભૂમિકાઓની ઉચ્ચ માગ સાથે 2025માં IT ફ્રેશર્સની ભરતીમાં વધારો થવાનો અંદાજ છે. તેમાં કહેવામાં આવ્યું છે કે ગ્લોબલ કેપેબિલિટી સેન્ટર (GCC), મેન્યુફેક્ચરિંગ, BFSI, હેલ્થકેર અને રિટેલ જેવા સેક્ટરમાં પણ 2025માં તેમના IT ફ્રેશર્સની સંખ્યામાં 30-35 ટકાનો વધારો થવાનો અંદાજ છે.